Mark 4:39 - ASII LAKDAP Bible (BSI)

³⁹ Krai mren, Jesuq ka tiidopot raüta rathaiq ma, “Kaiq laq!” nguta aming kuqto. Kiimaq khamtso miimin “Sang laq!” nguta aming kuqto. Krai mren, rathaiq wa ka tsaqsaq she tsaqkito. Kiimaq tiikaiqshak sanglili she riito.

Hawa Naga Bible 2001

³⁹ Kvkhoc ningkhvnc nuex vpiq kvtenc jvp vtueq raungguil kuex svl tueq, “Thauk kaz kuiuz!” ngoz tueq nvr tueq nuiyc yuix daungx htenc muex muinz, “Suingx wvnc kuiuz,” ngoz tueq. Raungguil kuex suingx wvnc vtueq kvyuq kuiyqshuik rvtueq.

Muklom

³⁹ Jesu tunshat eq rangpong thima raaqkhat kota, “Umang sey ang u!” Etho piq aa jungkok thima batta, “Nak sey mo u!” Rangpong tha uthum sey angta etho chirin rin sey angta.

Mark 4:39 Referencias Cruzadas

YOBA 38:11

Ngi raq apaiq ma chongkang, “Atin khanli lishe alu wa maimak! ümkhamtso blun henghea watlaq ka arjiili khingkai ratlo.”

Tvtsvmc 107:29

Apaiq raq rathaiq henghea tiitsaqbaiqto, khamtso blun kra tsaqkito.

Tvtsvmc 148:8

rachhai ralüp rathaiq tsakhiiq rok wa trang raq, nyiirii nai phumda thun raq, rahai henghea apaiq aming langtibi raq.

Tvtsvmc 29:10

Tatiwe raq chum tsaühea kra pengtlo; apaiq ka pattup hokham ma ja raüta pengtlo.

Tvtsvmc 65:7

Ümniiraq khamjong chum tso mok wantlaq kra tiitsaq baiqlaü kiimaq chumtso blun trang kra tiitsaq baiq laü; ümniiraq maiq phan thun rüriiq trang kra tiitsaq baiq laü.

Tvtsvmc 89:9

Ümniiraq khamjong chum ningkun henghea kra pengtlaü; ümniiraq khamjong chum tsankhiq bluntlaq kra tiikaiqshak tiisangbaiqtlaü.

DUNGWVNC 14:16

Laüta ümnyeakii ka ra na dolaq. Kiimaq khamjong chum khuthaq kiina tiinyi laüta doshat maq shamlaq. Raüla khamjong chum ka mannai ma mitiipheaki. Kiimaq khamjong chum phii ka shinriiqriiq mishinki. Kra shinriiqriiq khamhü phii lam kriimaq Israilnok ka aheawiq miwa wan.

DUNGWVNC 14:22

Kiimaq Israilnok ka khamjong chum khü shinriiqriiq hea kriimaq laü wanto. Kiimaq siimhap ri niika kham ka khetuk kaü wiinai ikha chap kito.

TAKSU LAK 8:29

kiimaq khamjong raikii thun ka, apaiq aming phanphan raiwantaq akhing na, apaiq raq mangjong hiq raikhü tiiq wantaq akhing na, ngi ka asi she dongdii riikang.

JEREMIA 5:22

Ngi ka Tatiwe; Namshiq ngi ma hai man ka jaro? Namshiq raq ngi ma namhai tiisiman jaro ngikilan? Ngi raq khamjong chumkii na kumtsai ka phong lata khamjong chum hiq rai thükang. Kriika pattup pat-sa miitu. Kham raq liim wan lot mak she. Khamjong chum ka rathaiq wan raüla miblunrai sham. Shatmaq ara takii rai ka lüm wan lot mak she. Khamjong chum ka miblun siq wan sham. Shatmaq takii raikang kra lüm wan lot mak.

AJONJÜ 3:31

Jamkhano ngukla, Tatiwe ka mangchan jonghea rümti, kra ningkhan apaiq raq nashiq ka, ümtiikiimin tiishaübaiq mak miraq.

NAHUM 1:4

Apaiq raq khamjong chum ma aming kuqtlo. Apaiq raq jürai thun trü baiqtlo! Hiqpo hiqwin Bashan tan kiimin, ashin riikitlo, Karmel pum kiimin, ajung she riikito, kiimaq Lebanon pepü kiimin, jukkito.

Matthew 8:26

Jesuq raq tsangshiq ka sonto, “Namtsam ka kiitinkhan jaram kiinyii rai wa? Namshiq kamtsantsii ka ranhea!” Kra ngu raütiishe apaiq ka tiidopot raüta, rathaiq hengwa nai khamtso blun hengwa kriima, “Tsaq ronglaq” nguta aming tatto. Krai mren, rathaiq nai khamtso brak watrang kriika sangsaq li she, kaiqshak sanglili she sangkito.

Mark 4:38

Jesuq ka laimai shok na, atok ka khudea na tiiwesaq raüta akon riito. Ajaqshisetiim raq apaiq ka tiisam lam maq, “Shrinketi we, ümtsan chhii mak sha. Nashiq jü na thap wan kai ahata?” nguta chongto.

Mark 9:25

Jesuq raq maiqphong ka, tsangshiq tho niishe riitsap rai wan chhito. Kriikha maq, “Ümnaq nibii nai nütang tha. Ara no khum arwa dongho tlo laq. Ümniika ümtiikiimin ara no khum na jangwa nong maimak she!” nguta apaiq raq tha ka jobaiqto.

Luke 4:35

Jesuq raq ashe tha winji ka, “Kaiq laq, laüta, arwe khum wa dongho tlo laq!” nguta jobaiqto. Kiijiishe Tha raq kriiwe ka hiq na tiikülam she, tsangshiq tarü makki na liiq baito. Raüta, tha ka apaiq khum kiiwiishe donghoto. Shatmaq, tha raq apaiq ka tiimitsi mak dea.

Luke 4:39

Kiijiishe, apaiq ka wa raüta, atsiti nyung changdü tho na chapto. Raüta, atsi tha ka jobaiqto. Krai mren, atsi ka tiidoqra heasaq li heakito. Kiimaq, apaiq ka tiidopot raüta, tsangshiq ma tashong wachaq keshe tiimeshi hoto.

Luke 8:24

Kiijiishe ajaqshisetiim ka Jesuq phana wa raüta, “Tatiwe, Tatiwe! Nashiq ka khlaq wankai!” nguta Jesuq ka akon wa tiisam wato. Kiijiishe, Jesuq ka tiidopot raüta, rathaiq nai jütso hengrai tlaq kriima aming kuqto. Krai mren, rathaiq nai khamtso ka sangsaq sangkito.