Mark 6:34 - ASII LAKDAP Bible (BSI)

³⁴ Jesuq ka lai maq satki raüta, mungmaiqse pahea riiphong rai tlaq kra chhito. Apaiq raq tsangshiq ka arümti ahü skuse kong ikha chhi raüta, tsangshiq miitu atsan mong na, kai mangchan tsito. Kra ningkhan, apaiq raq tsangshiq ma phanrap tengteng bomtsi kra shrinkuqto.

Hawa Naga Bible 2001

³⁴ Yesu kuex lix maq svt kaz tueq nuex miq kung yungx kuex vpiq rueq khiz vtueq, tsuingshiq kuex vremc jix vguez khelbuenx kung ikhoc yaungx yaq ningkhvnc nuex vpiq thuinz vmungx maq tsuingshiq muex menjenc thuinz mvrc tueq. Kvkhoc rvtueq vpiq rueq tsuingshiq muex phvnx ruip saz tvluing kuq phaungc wvnc tueq.

Muklom

³⁴ Etho Jesu waqwan wang thalat atho ethina ban aa miqtang tha khita etho piq rapney tinshitta chammatakoi ning kelwut rimtey ahung kelwut tang mal angta. Etho piq aa ahan raaq phang tatalta.

Mark 6:34 Referencias Cruzadas

1 HOKHVMX 22:17

Kiijiishe Mika raq treto, “Ngi raq Israilnok phentu thun ka kin thun kiina skusekong ariimti ahü ikha pongpin riipin wiita pinjin wanto chhitiikang. Kiimaq Tatiwe raq nguto, ‘Arthun maiqkong arka tsangshiq rümti wela ahüshe. Tsangshiq ka maiqmii jam na hangsang maq miwa wanlaq.’”

2 KAÜWA WERAÜ 18:16

Kiijiishe Mikaia raq treto, “Ngi raq Israil mung phenlabi ka ku akin thun kiina skusekong ariimti ahü ikha pongpin riipin wiita pinjin wanto chhitiikang. Kiimaq Tatiwe raq nguto, ‘Arthun maiqkong arka tsang asheati ahü. Tsangshiq ka jam na hansang maq miwa wanlaq.’”

ISAIA 13:14

“Bebilon mung na pongmungti siti thun ka ngamhiipti chhi raüta chhingi kong achiim jin pintrangtlaq ikha kiimaq skusekong arümti ahü pintrang tlaq ikha maiqmiimii mung na mipin wan.

JEREMIA 50:6

“Isenginok ka skusekong skurümti kong raq pum thun na atiimo baiq rat kong ikha, Tsangshiq ka skusekong pum ashi maq riita pum ashi na miikitlaq ikha tiimii baiqto. Kiimaq tsangshiq raq maiqmii jam ka ümba niiwa kriimin sapmak she.

EJEKIEL 34:5

Skusekong ka arümti ahü kha maq tsangshiq ka wiita rum na apin riikito. Raüta asea raq tsangshiq ka kaqphaqto.

JEKERIA 10:2

Phra sumla ma bom waiti ka banbokmii, jaqliiti ka arot chongti. Rawa ma chongketi ka ajiq, tewe langlii kiimin shaqmii. Tsangshiq raq achong tsaijido bomtsi shaqmii, kriikha na mungmaiqse ka, sku kong arümti ahü ikha, rum na tiimii baiqtlo.

WEAWEA 27:17

Kiimaq tsangshiq ka rekhat akhing na mipenglottiwe shonglaq, ümsenginok ka skusekong arümti ahü ikha simak chang.”

Matthew 14:14

Jesuq ka lai maq satki raüta, mungmaiqse phong pahea riiphong rai tlaq kra chhito. Kiimaq apaiq raq tsangshiq kra chhi raüta, atsan mong na tsangshiq miitu pinthum mangchan tsito. Kiimaq apaiq raq tsangshiq phong wa maiq atsi asiti thun sitlaq kra tiihea kuq wanto.

Matthew 15:32

Kiimaq Jesuq raq ajaqshisetiim ka atho na hea raüta chongto, “Ara mungmaiqse kong arma ngi mangchan tsi. Tsangshiq ka ngi rai ümchaü ranaiqtsam she thungtii tlo. Kiimaq ümchaü tsangshiq jaq na aphaq asea chang jam min ahü she. Ngi raq tsangshiq ka akha amang miili ka tiiwa lot mang. Tsangshiq ka jam na walam maq ramtsi raq apit mirwan.”

Matthew 9:36

Apaiq raq mungnyung mungse riiphong rong rai wantlaq kra thun ka chhi wan raüta, tsangshiq miitu atsan mong na kai tsi wanto. Tsangshiq ka achapa riili tsai wan raüta siwan tlaq kra chhi raüta kiimaq tsangshiq ka tsangshiq rümkom wanti ahü, skuse kong mangrang mra mangmii rai wan tlaq ikha, chamchao rai wan kra chhi wan raüta, apaiq tsan ka kai tsi wanto.

Mark 6:33

Shatmaq, maiq pahea raq, tsangshiq wawan ka chhito. Kiimaq, tsangshiq ka juwa kra sapto. Kra ningkhan, mungmaiqse raq maiqmii chela rap maq, Jesuq nai ajaqshisetiim ma sinkhu na, takii lam maq juraüta, Jesuq nai ajaqshisetiim wachang hiq ba nü kiiniishe saüho lito.

Mark 6:35

Rashe cha wan kiita, ajaqshisetiim raq apaiq ma, “Rashe ka acha she. Nashiq tiichang hiqba arka rum ahata.

Mark 8:1

Kiimaq jangshi ri hali nokmaiqse ka pahea, apaiq phana wato. Mungmaiqse jaq na aphaqsea chang ka jam min ahü she chhi raüta, Jesuq raq ajaqshisetiim ka hea raüta chongto,

Mark 8:2

“Mungmaiqse ma ngi mangchan tsi. Ümchaü ranaiq tsam she, tsangshiq ka ngi rai haito. Ümchaü tsangshiq jaq na lamsea ka ahü she.

Luke 9:11

Nokmaiqse phong raq, apaiq ka saü wato nguta tai raüta, tsangshiq raq apaiq jai ka phan wanto. Apaiq raq tsangshiq ka aheawiq maq taoto. Raüta, tsangshiq ma Shiikeawe Mungtan tsütsa kra chongkuqto. Kiimaq atsiti thun kra tiihea kuqto.

Hebrews 2:17

Riita, ara chongtlaq arai mren, apaiq ka mangjong maiqse ikha, tiijai han-ngam na shamshi ngamshi pokai chang dongdii she raa kito. Apaiq maiqse han-ngam na akha pokitaq arka, apaiq ka tsangshiq miitu, tsapsaü kapse mangchan tsantsii jonghea maq, tsangshiq thaq na Ramwe Ajong Pinthum we ma jawan miitu pokito. Raüta apaiq ramwe jaqsham lümaq, Shiikeawe tsankhiq ka tiishi wanto. Krai mren, Shiikeawe raq tsangshiq ngarai kra diikuqto.

Hebrews 4:15

Nashiq ma Ramwe Ajong Pinthum we riika, nashiq tiinan shan tiikai kamasham ningkun ajom si tiikai thun kriika, kunkun asap siisaq. Nashiq ma Ramwe Ajong Pinthum we ka nashiq raq maitai chamchao ümtinkhan wa riihum tiikai kriika, apaiq raq kunli asap siisaq. Apaiq ka nashiq jamkho tairai tlaq, kiikha Thawe raq tairaito. Shatmiitiina, apaiq raq jamkiq min shut mak riito.