Matthew 9:36 - ASII LAKDAP Bible (BSI)

³⁶ Apaiq raq mungnyung mungse riiphong rong rai wantlaq kra thun ka chhi wan raüta, tsangshiq miitu atsan mong na kai tsi wanto. Tsangshiq ka achapa riili tsai wan raüta siwan tlaq kra chhi raüta kiimaq tsangshiq ka tsangshiq rümkom wanti ahü, skuse kong mangrang mra mangmii rai wan tlaq ikha, chamchao rai wan kra chhi wan raüta, apaiq tsan ka kai tsi wanto.

Hawa Naga Bible 2001

³⁶ Nuk miqsaz daungx kuex vpiq rueq khiz vtueq vpiq rueq tsuingshiq muex menjenc kuq tueq, yvmx khoc lac ngoz ruiux lec tsuingshiq kuex vremc jix vguez ningkhvnc nuex kuilc daz rvhumc yaq nuiyc rv-nyanc wvnc tueq khelbuenx htenc rulc rv-ngvlc yaq.

Muklom

³⁶ Miqtang tha khi atho, piq ning thima tinshit ta, chammatakoi ning tha rimtey ahung kelwut tang mal, wetwaltey etho nong kap moqtey tang angta.

Matthew 9:36 Referencias Cruzadas

1 HOKHVMX 22:17

Kiijiishe Mika raq treto, “Ngi raq Israilnok phentu thun ka kin thun kiina skusekong ariimti ahü ikha pongpin riipin wiita pinjin wanto chhitiikang. Kiimaq Tatiwe raq nguto, ‘Arthun maiqkong arka tsangshiq rümti wela ahüshe. Tsangshiq ka maiqmii jam na hangsang maq miwa wanlaq.’”

2 KAÜWA WERAÜ 18:16

Kiijiishe Mikaia raq treto, “Ngi raq Israil mung phenlabi ka ku akin thun kiina skusekong ariimti ahü ikha pongpin riipin wiita pinjin wanto chhitiikang. Kiimaq Tatiwe raq nguto, ‘Arthun maiqkong arka tsang asheati ahü. Tsangshiq ka jam na hansang maq miwa wanlaq.’”

ISAIA 13:14

“Bebilon mung na pongmungti siti thun ka ngamhiipti chhi raüta chhingi kong achiim jin pintrangtlaq ikha kiimaq skusekong arümti ahü pintrang tlaq ikha maiqmiimii mung na mipin wan.

JEREMIA 50:6

“Isenginok ka skusekong skurümti kong raq pum thun na atiimo baiq rat kong ikha, Tsangshiq ka skusekong pum ashi maq riita pum ashi na miikitlaq ikha tiimii baiqto. Kiimaq tsangshiq raq maiqmii jam ka ümba niiwa kriimin sapmak she.

JEKERIA 10:2

Phra sumla ma bom waiti ka banbokmii, jaqliiti ka arot chongti. Rawa ma chongketi ka ajiq, tewe langlii kiimin shaqmii. Tsangshiq raq achong tsaijido bomtsi shaqmii, kriikha na mungmaiqse ka, sku kong arümti ahü ikha, rum na tiimii baiqtlo.

JEKERIA 11:16

Liirong laq. Ngi raq iskukong rümti weshi shiikap kang. Shatmaq apaiq raq skukong asea awea raq tiithen tlaq ka tiichhiikuq mak. Kiimaq amo amii arki kriimin, danhon mak. Kiimaq ami atsi, asho aphi kriimin phumtsam mak. Kiimaq han aphin phinti kiimin samhea dunghiq mak. Shatmaq apaiq riika skusetiim apüpüti ka apaiq raq phaqbaiqtlo. Kiimaq apaiq raq skuse hoksan kriimin chhutjokjok kiiq baiqtlo.

WEAWEA 27:17

Kiimaq tsangshiq ka rekhat akhing na mipenglottiwe shonglaq, ümsenginok ka skusekong arümti ahü ikha simak chang.”

Matthew 10:6

Shatmaq namshiq ka amii arki skuse kong Israilnok phan kra phaniili kirong laq.

Matthew 14:14

Jesuq ka lai maq satki raüta, mungmaiqse phong pahea riiphong rai tlaq kra chhito. Kiimaq apaiq raq tsangshiq kra chhi raüta, atsan mong na tsangshiq miitu pinthum mangchan tsito. Kiimaq apaiq raq tsangshiq phong wa maiq atsi asiti thun sitlaq kra tiihea kuq wanto.

Matthew 15:24

Kiijiishe Jesuq raq treto, “Ngi arka Israilnok phan wa skuse kong amii arki ikha sitlaqti kra thun miituli atiiki.”

Matthew 15:32

Kiimaq Jesuq raq ajaqshisetiim ka atho na hea raüta chongto, “Ara mungmaiqse kong arma ngi mangchan tsi. Tsangshiq ka ngi rai ümchaü ranaiqtsam she thungtii tlo. Kiimaq ümchaü tsangshiq jaq na aphaq asea chang jam min ahü she. Ngi raq tsangshiq ka akha amang miili ka tiiwa lot mang. Tsangshiq ka jam na walam maq ramtsi raq apit mirwan.”

Mark 6:34

Jesuq ka lai maq satki raüta, mungmaiqse pahea riiphong rai tlaq kra chhito. Apaiq raq tsangshiq ka arümti ahü skuse kong ikha chhi raüta, tsangshiq miitu atsan mong na, kai mangchan tsito. Kra ningkhan, apaiq raq tsangshiq ma phanrap tengteng bomtsi kra shrinkuqto.

Mark 8:2

“Mungmaiqse ma ngi mangchan tsi. Ümchaü ranaiq tsam she, tsangshiq ka ngi rai haito. Ümchaü tsangshiq jaq na lamsea ka ahü she.

Hebrews 4:15

Nashiq ma Ramwe Ajong Pinthum we riika, nashiq tiinan shan tiikai kamasham ningkun ajom si tiikai thun kriika, kunkun asap siisaq. Nashiq ma Ramwe Ajong Pinthum we ka nashiq raq maitai chamchao ümtinkhan wa riihum tiikai kriika, apaiq raq kunli asap siisaq. Apaiq ka nashiq jamkho tairai tlaq, kiikha Thawe raq tairaito. Shatmiitiina, apaiq raq jamkiq min shut mak riito.

Hebrews 5:2

Riita, ramwe ajong we apaiq kiimin la, phanrap lam phan na ningkun ajom sitlaq kha maq, nanok ahinti raq ashut aphit klo wan kra chhi raüla, apaiq mangchan tsantsii ka asi thü tlo.