Matthew 9:37 - ASII LAKDAP Bible (BSI)

³⁷ Kriikha maq apaiq raq, “Tsam man rü wak ka jonghea asi. Shatmaq tsamjutti maiq ka atsapse li.

Hawa Naga Bible 2001

³⁷ Kvkhoc rvtueq vpiq sangac hez muex vpiq rueq jungx kuq tueq kuex, “Tsvmz yut juing tsvmz paunghvlc httax ruiux muinz vyut vgvnc jix miq hungx muq.

Muklom

³⁷ Ethi rangma Jesu aa ujiphantey tang thima batta, “Cham ukhan eq ching daqhan ang aa, etharin jaksom lottey tang rapney akum.

Matthew 9:37 Referencias Cruzadas

Tvtsvmc 68:11

Tatiwe raq aming kuqto, kiimaq jechakre pahea raq tsütsa akha sowanto:

Matthew 20:1

“Ramungtan ngukla, bom ka akha. Mangjong maiqse kunli Shiikeawe sengi ma jawan ngutlaq ka akha. Maiq weshi ka apaiq spiqtsiro na jaq tiisham ma maiq ningchangti ritkai ranap chu maq kihoto.

Matthew 28:19

Arkha maq, mangjong hiq na maiqphan ümchu wa sitlaq, kiijaq barap se na kirong laq. Lanta tsangshiq ka i jaqshisetiim ma tiija rong laq. Tsangshiq ma Awe mang na, Ase mang na kiimaq Asii Wenyi mang na kham lamkuq rong laq.

Matthew 9:38

Wakchongti we jaq wa achu li jaü wan lili rong laq, apaiq raq tsamjutti maiq ka apapa she tiq mitiiki laq,” nguta ajaqshisetiim ma chongkuqto.

Mark 16:15

Apaiq raq tsangshiq ma aming ka akha kuqto, “Namshiq ka mangjong tlotli na kironglaq. Lanta, Tsütsa Ahea kra mangjong maiqse tlotli ma chongkuq kirongkiq.

Luke 10:2

Apaiq raq tsangshiq ma chongto, “Tsamman rü ajut chang wak ka jonghea. Shatmaq, tsamjut miitu maiq ningchangti ka atsapse. Arkha maq, wakchongtiwe jaq wa achu jaü ronglaq, apaiq raq awak wa tsam kra jut miitu, maiq ningchangti ka apapa mitiiki laq.

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

Acts 16:9

Kra rawa shaqshaq she, Paul raq rawa na riisham mak maq, Mesidonia wang wa maiq weshi ka, apaiq khaki na chap raüta, “Mesidonia wang na warong ra. Lanta naishiq ara khrum kuqwa rongkiq!” nguta apaiq ma tiipaiqnea bom chongrea chhito.

Acts 18:10

Ngi asi. Ngi ka ümniirai nong shnong. Jurmin ümdü na jaqkaiq maq sham lot mak miraq. Kiimaq ara chela na i sengi maiq pahea asi,” nguta Paul ma tsii ka chongkuqto.

1 Corinthians 3:9

Naishiq arka Shiikeawe wak na minshiiqti kongshiti. Kiimaq namshiq ka Shiikeawe wak dam. Kiimaq namshiq ka Shiikeawe jam.

2 Corinthians 6:1

Naishiq ka Shiikeawe rai adam maq apaiq jaqsham tiikai krai mren, naishiq raq namshiq ka noho ikha trantsii wan tiikai. Namshiq raq Shiikeawe kaphap mangchan lap wan lan kra, atu na naq tiiwiihii rongkiq.

Colossians 4:11

Joshua, apaiq ka Jastas ngutiimin ngu tlo, apaiq riimin namshiq ma salam tiitai tlo. Jehudinok phan Phungmaiq- setiim phong wa, ngi rai Shiikeawe jaqsham wan damti ka ara chongtiikang tsangtsam wetsam arli. Tsangtsam raq ngi ma pinthum khrum kuqtlo.

1 Timothy 5:17

Phungtuti shunshea wan lam na, maiqlare kamasham jaqsham kewanti ka thepliip jaq maq kewan chang. Akhek ka trahoketi nai ashrinketi hunnii tlaq kra ma, jaqmaq kechang.

James 5:4

Namshiq raq namwak na ningchang tham phaqti, tsamhan jaq maq kampho ka kuq man maq haihii lan. Tsangshiq raq aholülü maq tiipaiqnea jaü tlaq kra tai man sha! Tsangshiq hoq trang tlaq kra Tatiwe, Ajong Shiikeawe raq taito she.