Luke 9:52 - ASII LAKDAP Bible (BSI)

Krai mren, apaiq raq lamjap hochang kra tiijeho miitu, apaiq ma sinkhu na bom chong hoti maiq tiikito. Kra bom chong hoti kriika Samarianok hiq ashi na tiikiho lito.

Hawa Naga Bible 2001

Vpiq rueq vpiq max nuex kamx waz hez kuex tvkaz tueq, tsuingshiq kuex vpiq tvkoc tvyoalc muex ngoz tueq Samaria miqsaz phvnx ghaq ghaqshiz nuex nyuip wvnc tueq.

Muklom

Piq aa jakho o thoksiltat tey tang tha piq rangma phanrip kacha shing ma Samaria qhim náng takat ta.

Luke 9:52 Referencias Cruzadas

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

Matthew 10:5

Ara roqshi ri wenai arma akha tsii chongkuq raüta trahokai tiikito, “Namshiq ka Pongmung maiqse hiqshong na nai Samarianok chela thun niika naqki rongkiq.

Luke 10:1

Arjai maq hali, Tatiwe raq ajaqshisetiim roqmiishi ri wenai kra tseato. Raüta wenai nai maq, apaiq kai chang chela thun nai maiqhiq shong thun kiina, apaiq ma sinkhu na trahokai tiikito.

Luke 10:33

Kiimahali, Samariawe kiimin kra lam maq sii hali wanhiq kai saühoto. Apaiq raq ashowe ka chhito. Krai mren, atsan na kai mangchan tsito.

Luke 17:11

Jesuq ka Jerusalem nü na kaiho she riito. Apaiq ka Gelili nai Samaria wang hiq rai binjü lam maq kihoto.

Luke 17:16

Raüta, apaiq ka Jesuq jini chong na bumki tlii riito. Kiimaq, Jesuq ma pinthum kechu tumto. Apaiq ka Samaria we.

Luke 7:27

Ara jamkhano chongtiikang ngukla, Johan miitu Asii bomtsi na: ‘Shiikeawe raq nguto, ngi raq i tsasoqti we ka ümniima sinkhu na mitiikiha. Apaiq ka kiraüta, ümkhum chang lam kra mitanho nguta chongtlo.’

John 4:4

Apaiq ka Samaria wang lam maq wawan chang she dongkito.

John 4:5

Apaiq ka Samaria wang na Saikar chela na saüto. Saikar chela ka richü pat na Jakob raq, ase Joseph ma wenkuq thütaq, wakram kra tho niili riito.

John 4:9

Kiijiishe Samaria nyung raq, “Ümniika Jehudi phan. Ngi ka Samaria phan. Riita, ümniiraq i jaq wa kham ka jamkho jaü tlaü?” nguta Jesuq bom ka treto. (Jehudinok phan raq Samarianok phan rai ka takshi pinshi na tro phaqsiq mak phan. Kriika tsangshiq liipan na apii, riiqkhiq.)

John 8:48

Kiijiishe, Jehudinok raq Jesuq ma waito, “Naishiq raq ümniika Samaria phan, kiimaq ümkhum na abi winji asi ngutiikai arka tengto dea ahata?”