Luke 7:27 - ASII LAKDAP Bible (BSI)

²⁷ Ara jamkhano chongtiikang ngukla, Johan miitu Asii bomtsi na: ‘Shiikeawe raq nguto, ngi raq i tsasoqti we ka ümniima sinkhu na mitiikiha. Apaiq ka kiraüta, ümkhum chang lam kra mitanho nguta chongtlo.’

Hawa Naga Bible 2001

²⁷ Yvmx khoc lac ngoz ruiux lec Rumvrc luik nuex jungx tueq kuex, Yohan piq ngoc rvtueq, ‘Mmax nuex mlvmx tvyoalc laz muex ngvy kamx waz kuex ngaz rueq tvkaz vshaungx,’ ngoz tueq Tishox rueq jungx tueq.”

Muklom

²⁷ John raaq hun Asang likwit na taka aa: ‘Shkewa batta, nga ba lam sha thalak rangma, ba jakho o ithoksil tattey takat phanáng.’

Luke 7:27 Referencias Cruzadas

ISAIA 40:3

Maiqbom ashi tiihong raüta akha gitlo, “Bintang jüngi wang na Tatiwe kai ma lam ashi tanholaq! Rumnyangkhi kumtsaiphii wang na lam ka siirairai tanlaq, nashiq Shiikeawe kai ma!

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

Matthew 11:10

Asii bomtsi na Shiikeawe raq Johan miitu akha chongtlo: ‘Ngi raq ümniima sinkhu na milon weshi mitiikili ha, apaiq raq ümkai chang lam ka atan mirkuqho!’

Mark 1:2

Arka shammi Isaia raq waiq thütaq kra phan phan she kuwanto. Apaiq raq akha waiq thüto: “Shiikeawe raq nguto, ‘Liilaq, ngi raq i tsa soqti kiimwe, ümniima sinkhu na mitiikiha. Apaiq raq ümkai chang lam ka mitanho!’

Luke 1:76

“I se le, ümniika, Ajong Pinthum Shiikeawe shammi ngutiishe mingu. Ümniika Tatiwe ma sinkhu na miki haü. Laüta, apaiq kai chang lam kra mitanho haü.

Luke 7:26

Chongrong liita, namshiq ka jamkhiiwe liikai ngutiiwa kilan? Shammi we liikai nguta? Riikhaqli. Sha, namshiq raq shammi we thaq niimin, ajong chhiki lan ngu manta.

Luke 7:28

Jesuq raq kiijaq triichesaq hali, “Ngi chong pha. Johan ka ümchaü niitaq maiqse angu siwantaq, kra thaq na ajong pinthum. Shatmaq, juwa Shiikeawe sengi phong na, aran pinthum nguta sitlaq, kriiti ka, Johan nam ma ajong,” nguta tsangshiq ma bom ka chong kuqto.

John 1:23

Kiijiishe, Johan raq, Isaia shammi we raq chongthütaq bomtsi kra bliiq raüta tsangshiq ma akha chongkuqto: “Ngi ahata, ‘Tati We kai chang lam kra liitatat hea tiije tanholi laq!’ nguta, kumtsaiphii na agilülü rümti we,” nguta, apaiq raq tsangshiq bom ka treto.