Matthew 10:5 - ASII LAKDAP Bible (BSI)

⁵ Ara roqshi ri wenai arma akha tsii chongkuq raüta trahokai tiikito, “Namshiq ka Pongmung maiqse hiqshong na nai Samarianok chela thun niika naqki rongkiq.

Hawa Naga Bible 2001

⁵ Rokshiz rac wanueyc kvmac Yesu rueq kvjaz jungx vtueq tvkaz tueq: “Pungnuk phvnx miqsaz ghaq htenc nuex nuiyc Samaria ghaq htenc nuex nauk kakaz.

Muklom

⁵ Jesu aa asi ani ujiphantey tangma iri raaq tang raa bat eq jaksom náng takat ta, “Gentile mung náng nak ka inn etho Samaria miqtang samhaq ashey náng tho nak ka inn.

Matthew 10:5 Referencias Cruzadas

Matthew 22:3

Apaiq raq ajaqshisetiim ma wanhea raüpot pheake wanje tibi kra kherüsea poi na warong riishe nguta tiihea kito. Shatmaq tsangshiq raq kherüsea poi ka lomwa mak dea shipoq baiqto.

Matthew 4:15

“Jebulun nai Naphtali weraü hiqshong, Gelili thamchum na kai chang lam na atei wan hiqshong, Jordan rai maq shenyap nü reko na atei wan hiqshong, Pongnok phan shongchang Gelili wang lei!

Mark 6:7

Apaiq raq ajaqshisetiim roqshi ri wenai ka, adam na triitam hiato. Raüta, tsangshiq ma, tsak amii tha thun kra jobaiq miitu arang kuqto. Raüta, tsangshiq ka wenai nai maq, trahokai tiikito.

Luke 10:1

Arjai maq hali, Tatiwe raq ajaqshisetiim roqmiishi ri wenai kra tseato. Raüta wenai nai maq, apaiq kai chang chela thun nai maiqhiq shong thun kiina, apaiq ma sinkhu na trahokai tiikito.

Luke 10:33

Kiimahali, Samariawe kiimin kra lam maq sii hali wanhiq kai saühoto. Apaiq raq ashowe ka chhito. Krai mren, atsan na kai mangchan tsito.

Luke 17:16

Raüta, apaiq ka Jesuq jini chong na bumki tlii riito. Kiimaq, Jesuq ma pinthum kechu tumto. Apaiq ka Samaria we.

Luke 9:1

Jesuq raq akiimwetiim roqshi ri wenai ka adam na heato. Raüta, tsangshiq ma ningkun nai arang kuqto. Kra ningkun kuqtaq kriika, tsangshiq raq shotsai winji kra jobaiq raüta, atsi asiti thun kra tiiheake miitu kuqto.

Luke 9:2

Raütiishe, apaiq raq tsangshiq ka, Shiikeawe Mungtan bom tra hokekai thaüto. Kiimaq atsi asititi thun kra tiiheake kai miitu tiikito.

John 17:18

Ümniiraq ngi ka jamkho mangjong hiq na tiikilaü, kiikhiisii hali, ngi raq tsangshiq kiimin mangjong hiq na tiiki tiikang.

John 20:21

Jesuq raq tsangshiq ma thongshi ri hali tsangshiq tsaiji doke, “Namshiq ka hansang maq sirong laq. I We raq ngi ka jamkho mangjong hiq na tiikitaq, kiikhiisii hali, ngi riimin namshiq ka mangjong hiq tiiki nong tiikang,” nguta tsangshiq rai bomdamto.

John 4:20

“Naiti naiwi Samaria phan raq, Shiikeawe ka ara kin arjaq shomnoq wan raüta sithüto. Shatmaq, namshiq Jehudinok phan ngiitiq, Shiikeawe ka nashiq raq Jerusalem niili shomnoq chang nguta chongtlan.”

John 4:5

Apaiq ka Samaria wang na Saikar chela na saüto. Saikar chela ka richü pat na Jakob raq, ase Joseph ma wenkuq thütaq, wakram kra tho niili riito.

John 4:9

Kiijiishe Samaria nyung raq, “Ümniika Jehudi phan. Ngi ka Samaria phan. Riita, ümniiraq i jaq wa kham ka jamkho jaü tlaü?” nguta Jesuq bom ka treto. (Jehudinok phan raq Samarianok phan rai ka takshi pinshi na tro phaqsiq mak phan. Kriika tsangshiq liipan na apii, riiqkhiq.)

John 7:35

Kra tai raütiishe, Jehudinok welabi raq tsangshiq liipan na bom ka akha riichongto, “Riita, apaiq ka nashiq raq chhiwa lotmai chang ka, jamkhiiba hiq na wawan wa chongtliinya? Grik mung chela thun kiijaq nashiq nok min asi kiina wawan raüta, Grik mung ma trahoke wa sha dan tla?

John 8:48

Kiijiishe, Jehudinok raq Jesuq ma waito, “Naishiq raq ümniika Samaria phan, kiimaq ümkhum na abi winji asi ngutiikai arka tengto dea ahata?”

Acts 1:8

Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

Acts 10:45

Petar rai awadam Jehudinok phungmaiqsetiim Joppa wa awati raq, Shiikeawe raq apaiq kongphiq Asii Wenyi ka Pongnok phan maiqse miimin, asho awo raüke wan kriishe chhi raüta, tsangshiq ka kai amao riito.

Acts 8:1

Kiimaq Saul riimin apaiq tseabaiq na pong damto Kra ranaiq miili she, Jerusalem wa Phungmaiqsetiim ka pinthum tiichamchao pha wanto, kiimwebi kli Jerusalem na sito. Phungmaiqse abiti thun ka, wiita Judia nai Samaria wang na, barap binrii na pongpin riipin pin wanto.

1 Thessalonians 2:16

Tsangshiq raq naishiq ka, Tsütsa Ahea ka Pongnok phan ma tiichhii wan rilung lap chang bomtsi ara chongke wan kiimin, wiita tangta baiq lai nguta kintangto. Shatmaq, tangta wan lot mak dea riito. Tsangshiq raq atinkhan ngarai tang wantaq kriikha maq, tsangshiq ka ümchaü sanha ngarai bu hotibi miishe jawan tlo. Arkha maq ümchaü atiisup wan na sanha, Shiikeawe tsankhiq ka tsangshiq khuthaq niishe saükito!