Luke 5:1 - ASII LAKDAP Bible (BSI)

Ranaiqshi Jesuq ka Genesareth Thamchum kii na chap raü riito. Kra akhing na mung maiqse pahea ka apaiq phana Shiikeawe bomtsi tai wa, akong ada maq, riitsap riikhat warai wanto.

Hawa Naga Bible 2001

Raungnuiyq shiz Yesu kuex Genesaret jumx kawx nuex jvp yaq nuex, miq htenc kuex Tishox bomjungc tay kay ngoz tueq miq htenc kuex vpiq kox nuex rv-phungc mvrc kaz tueq.

Muklom

Saalshey ang atho Jesu Gennesaret shitim kang na lang chey ta etho miqtang tha Shkewa raaq tat thima urelnáng rong thutapha.

Luke 5:1 Referencias Cruzadas

WEAWEA 34:11

Kriimiishe shemai nü nü na Harbel hiq kiiniishe mikiho, kiimiika Ain wang maq shedong nü nü niishe mikiho. Kriimiishe ka Gelili Thamchum maq shedong nü wang na ku akin tonglong wang kiiniishe mikiho.

Matthew 11:12

Khamlamketi we Johan raq Ramungtan Tsütsa trahokuq wantaq kiimaq pha wan raüta, ümchaü ranaiq niitaq saüli, Ramungtan sham akai ka pinthum chiq are raq along aliiq li tiichamchao wanto.

Matthew 14:34

Kiimaq tsangshiq ka thamchum jin wan raütiishe, konü thamreko na Genesareth hiq kiiniishe saü wanto.

Mark 3:9

Maiqphong ka pahea riitsap wan kha maq, athi mungmaiqse raq apaiq khoti nyat baiq jiiq ngo maq, apaiq ka lai na ngawa ma nguta, Jesuq raq ajaqshisetiim ma lai ashi tiije ronglaq nguta thaüto.

Mark 4:1

Kiimahali Jesuq raq Gelili Thamchum kii maq trahokuq nongto. Mungmaiqse ka apaiq tro na pahea thungto. Kriikha maq, apaiq ka lai ashi na ngato. Lai ka kham mong na kiimaq mungmaiqse ka takii na thungto.

Mark 5:24

Kiijiishe, Jesuq ka apaiq rai wawan damto. Jesuq rai nokmaiqse min pahea, riitsap riikhat wawan damto. Nokmaiqse phong riitsap rai wantlaq kra raq, apaiq ka trotam maq komtlii raüta, kongta hushhu maq wadamto.

Mark 6:53

Tsangshiq ka thamchum jin wan lot raütiishe, Genesareth hiq niishe saü wato. Kiijaq tsang- shiq lai ka toq thüto.

Luke 12:1

Mungmaiqse ka ahing amun adam na maiq thaq niili maiq riiphongrai wanto. Kra akhing na Jesuq raq ajaqshisetiim ma tsii chongke akha chongkuqto, “Phorisinok mongnam tsantsii rüm tlaq kra raq, maiqse tsantsii ka ahea rümti kiimin pi maq asho ikha, abi lam na tiinyam sho wan tlo. Kra tsangshiq pi thop raq namshiq hon atsii ka nyam mak chang miitu, namshiq ka maiqmii honkamshat maq si rong laq.

Luke 5:2

Kiijaq apaiq raq lai thamkii na tat raüta athü anai asi chhito. Kra lai wiinai ka, ngiq lamtinok raq takii na atat thü. Tsangshiq ka kham na chiiq jong kaü thun kra heria riito.

Luke 8:22

Ranaiqshi, Jesuq ka ajaqshisetiim rai lai ashi na ngato. Apaiq raq tsangshiq ma, “Nashiq ka Thamchum konü reko kiina warong pha,” nguta thaüto. Krai mren, tsangshiq ka wawanto.

Luke 8:23

Tsangshiq ka jü jin wan awa rai riito. Jesuq ka akon riilaq kito. Kra akhing na, tiihanghiiq miili, rathaiq rahai wanto. Rathaiq raq kham ka brak shaq wanto. Kriikha maq, khamtso bat tlaq kriiraq lai ka kham maq tiimarat wanto. Kriikha maq, tsangshiq ka jü na thap wan nam nam ikhiishe riito.

Luke 8:33

Tsangshiq ka maiqwe khum kriiwa dongho raütiishe, waqkong khum niishe shang wanto. Raüta, waqkong ka hutjok, raqkam maq thamchum mong niishe lüwan raüta, tsuq wanto. Raüta, thamchum mong na tiithap baiqto.

Luke 8:45

Kiijiishe Jesuq raq, “I dü na juro sham lan?” nguta waito. Kra tai raüta tarü raq sapmai nguta treto. Kiimaq Petar raq, “Shrawe maiq phong raq ümniika trotam maq tiichop wantaq ahata,” nguta nguto.

John 1:40

Tsangnai wenai wa weshi ka Simon Petar ma ano, Andru.

John 6:1

Kra jai miishe Jesuq ka ajaqshisetiim rai Gelili thamchum konü thamreko shoknok (Tiberias Thamchum ngutiimin ngutlo) binjü nü na jin wanto.

TRI CHONGKE 3:17

Kiimaq shenyap nü wang niika tsangshiq hiq rai ka Jordan Rai khü na saüli riito. Kriika shekhu nü wang na Gelili Thamchum maq phaho raüta shemai nü wang na Amaa Khamjong Chum na saüli riito. Kriimaq kiho raüta shedong nü wang na Pisga Pum kiina saüli riito.

Hebrews 13:7

Kiimahali, man niiwa shrabi, namshiq ma Shiikeawe tsütsa chongke wantibi ka, naq laq rongkiq. Samhea wiq tiima lanta, shin ronglaq. Tsangshiq ka atsai wan na saüli, Shiikeawe ma kamtsantsii pharang rang maq thü raüta siwanto. Krai mren, ümchaü namshiq riimin la, tsangshiq changkhü kra song lanta si rong laq.

JOSHUA 12:3

Kiimaq riita, Jordan rai tan wa Gelili Thamchum maq phaho raüta, shemai nü na Beth Jeshimoth hiq (Amaa Khamjong Chum maq shemai nü) na saüli riito. Kiimaq riita, Pisga Pumji na saüli riito.

JOSHUA 13:27

Kiimaq riitaq, Jordan Rai Tan thung binjü wiika Beth Haram, Bethnimra, Sakko, kiimaq Japhon chela thun kra hamli riito. Kiimaq Heshbon chela Hokhamwe Sihon mungtan wa abung hiq tiichongtaq thun ka wiita riito. Tsangshiqnok hiq rai shedong mung nü wiika, Jordan rai khü phan wawan raüta hiqkhu nü miika Gelili Thamchum na saüli riito.