Mark 5:24 - ASII LAKDAP Bible (BSI)

²⁴ Kiijiishe, Jesuq ka apaiq rai wawan damto. Jesuq rai nokmaiqse min pahea, riitsap riikhat wawan damto. Nokmaiqse phong riitsap rai wantlaq kra raq, apaiq ka trotam maq komtlii raüta, kongta hushhu maq wadamto.

Hawa Naga Bible 2001

²⁴ Kvruex kaq Yesu kuex piq rulc vdvmz kaz naungx tueq. Miq htenc kung yungx rueq muinz vpiq yix phvnx wvnc naungx tueq, vpiq gvnz nuex kvtungc wuez tueq.

Muklom

²⁴ Etho Jesu piq jamoq kata etho daqhan miqtang rong tathum jang eq piq jamoq kata.

Mark 5:24 Referencias Cruzadas

Mark 3:20

Raütiishe, Jesuq ka jam na wawanto. Kiitiikii min, maiq ka pahea riiphong wan kha maq, Jesuq nai ajaqshisetiim riika dung min phaqsiq lap mak riito.

Mark 5:23

atsan tsihea maq, akha tiipaiqnea wanto, “I se jechakse ka tsihea langlang. Ümnaq wara. Laüta adü na jaq maq sham wakiq. Kra riihaü jiila apaiq tsi ka ahea mirki!”

Mark 5:25

Kiijaq maiqnyung ashi ka wiiroqshi ri wiinai she, tiijai kaitsi raq chamchao raitlo.

Mark 5:31

Ajaqshisetiim raq, “Maiqphong achu raq, ümniika trotam maq nyat wan tlaq ahata. Ümdü na shamti ka juwa, kriika jamkho misap i?” nguta treto.

Luke 11:29

Nokmaiqse ka apaiq tro na riitsap riikhat riitam rai wanto. Kra akhing na, Jesuq raq nguto, “Ümchaü pat wa maiq arka abi pinthum! Tsangshiq raq awang chang jaqsham ka tiichhi kewan ra nguta shiichuttlo. Shatmaq, Shammi Jona rilung na awangchang mra pintaq kriili tiina mitiichhi kuq.

Luke 12:1

Mungmaiqse ka ahing amun adam na maiq thaq niili maiq riiphongrai wanto. Kra akhing na Jesuq raq ajaqshisetiim ma tsii chongke akha chongkuqto, “Phorisinok mongnam tsantsii rüm tlaq kra raq, maiqse tsantsii ka ahea rümti kiimin pi maq asho ikha, abi lam na tiinyam sho wan tlo. Kra tsangshiq pi thop raq namshiq hon atsii ka nyam mak chang miitu, namshiq ka maiqmii honkamshat maq si rong laq.

Luke 19:3

Apaiq raq Jesuq ka juwa chhiha jiila nguta, kai tsinnginto. Shatmaq, apaiq ka maiqtoqse. Kiimaq maiqphong raq tsapho raüta, apaiq raq Jesuq sham ka chhilot mak riito.

Luke 7:6

Krai mren, Jesuq ka tsangshiq rai wawan damto. Apaiq ka jamkea tho niishe saü wanto angu niishe, kiijaq phentuwe raq akongtibi ka tiiki raüta, Jesuq ma akha tiichong kito, “Shiilang we lei, ümniika naqhun nü wakiq li. Ngi raq ümniika i jam mong na tiinga li khan ka thek mang.

Luke 8:42

Apaiq raq akha tiipaiqneataq kriika, ase, jechakse, seshi laqlaqse, wiiroqshi ri wiinai maiq kriika, tsihea langlang, tsaija chhunja riito. Kriikha maq apaiq ka tiipaiq neato. Krai mren, Jesuq ka apaiq rai wadam akhum she riito. Kra akhing na mungmaiqse ka apaiq trotam na riitsap riikhat riiphong rai wanto.

Luke 8:45

Kiijiishe Jesuq raq, “I dü na juro sham lan?” nguta waito. Kra tai raüta tarü raq sapmai nguta treto. Kiimaq Petar raq, “Shrawe maiq phong raq ümniika trotam maq tiichop wantaq ahata,” nguta nguto.

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.