Luke 4:1 - ASII LAKDAP Bible (BSI) Jesuq ka Jordan rai maq akhum na Asii Wenyi raq ama jang wanto. Kiimaq apaiq ka Asii Wenyi raq kumtsaiphii binjü niishe sheahoto. Hawa Naga Bible 2001 Yesu kuex Vsawc Siyac mvrc vtueq Yodan ruilx maq yek waung tueq nuex Siyac rueq kumtsvy tvnx nuex shvlx wvnc vtueq, Muklom Jesu hanpin o Asang Tsija ang eq Jordan jungku wang sey welta etho Asang Tsija aa piq tha shushu haq náng solkat ta. |
Riita ngi wawan jai niili ümniika Tatiwe wenyi raq ümniika dowan raüta, ngi raq sapmang maiqhiq bashi ra na shea wan raü jiiha? Kriishe nguraü ka ngi raq Ahab ma ümniika arjaq asi nguta chongwa jai, kiimaq apaiq raq ümniika ritki raüta hummak she raü ka, apaiq raq ngi ka atiitsea mirbaiq. Ümtsan na tiitsang laq, ngi ka, noseji miiphü Tatiwe ka tsapkapkap maq shomnoq wanti.
Elija ka kumtsaiphii rumnyangkhi bin kiina ranaiq minru kihoto. Raüta apaiq ka pechongji na ranyam ba na ngakito. Raüta atsan mong na atsaili riikiha jaq ahea riichang nguta tiimato. “Tatiwe, arka ngi ma chamchao henghea she,” nguta achu jaüto. “Irilung arka ümniiraq alamli she riiwan laq. Ngi ka atsai she riikihajaq riiwe khoti ahea miraq!”
Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.
Tatiwe ningkun ka ikhum na henghea maq saükito. Kiimaq ngi ka apaiq wenyi raq jamkho dowantlaq kra phan phan, ngi ka kiqdaqtam dokdok kiimaq tsankhiqhea riito.
Khamlam lot ri she, Jesuq ka khamchum mong maq dong wanto. Kra akhing na Jesuq raq ramungtan ka atlin raü chhito. Kiimaq Shiikeawe Asii Wenyi ka haütaü kaü ikha ra wa satki raüta, apaiq khuthaq na ngakai chhito.
Krai mren, Simeon ka Asii Wenyi raq shun shea raüta, Shomjam mong na wato. Riita, ija, anyung nai awe raq, noshii Jesuq ka Thungtri ramram shiiku, Shiikeawe ma kiinongke Shomjam mong na boq wanto.
Kriikha maq, Johan raq Jordan rai reko binjü thun wiita hamli na, khumshkhum maq, nokmaiqse ma, Shiikeawe bomtsi ka akha tra hokuqto, “Namshiq tsantsii klaitlo ronglaq. Lanta, kham ka lamtlo ronglaq. Namshiq tsantsii klai han jiila, Shiikeawe raq namshiq ngarai kra midii kuq.”
Kra akhing na, Jesuq ka Gelili hong na jang wan nongto. Kiimaq apaiq khum na Asii Wenyi ningkun ka ama riito. Apaiq tsütsa ka, kra binjü tlotli niishe nyam wanto.
“Tatiwe Wenyi ka i khum na asi. Ara jamkhano chongtiikang ngukla, apaiq raq ngi ka, miitsan miijan maiqse ma, tsütsa ahea chongke miitu shongto. Apaiq raq ngi ka kharü mong na siti ma, kharü diike tsütsa chongke kai tiikito. Di ama ikha chamchao maiqse sitlaq, kriiti ka dokda kai tiikito.
Krai mren, Johan raq ara hakhi ara kuqto, “Ngi raq ra wa Asii Wenyi ka haütaü kaü ikha satki raüta, apaiq khu thaq na ngakai chhikang.
Shiikeawe raq juwa tiikitaq kra riika, Shiikeawe bom li chongkuqtlo. Ara jamkhano chongtiikai ngukla, apaiq ma Asii Wenyi ka asho awo maq apheake kun she.
apaiq ka ramungtan na, Shiikeawe raq shea wantaq akhing ranaiq na saüli liipan na, apaiq raq ümtinkhan wa jaqsham wantaq kra, nai traho bom chongkuq wantaq jaqsham manphan thun kra, waiq kang. Apaiq ka ramungtan na mishea wan shaq na, Asii Wenyi ningkun maq, apaiq raq akiimwetiim ma nguta tsea wantaq thun kiima tsii ka aheawiq maq chongkuqto.
Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.
Kra lot raüta, tsangnai ka khamchum mong maq takii na dong wan ri li she, Philip ka Asii Wenyi raq, ahin nü na shea wan saq she shea wanto. Siihiip jong we raq Philip ka chhi mak she riito. Shatmaq, apaiq ka kai pinthum chojong chise miishe tsangmung na kihoto.