Luke 4:1 - Hawa Naga Bible 2001

¹ Yesu kuex Vsawc Siyac mvrc vtueq Yodan ruilx maq yek waung tueq nuex Siyac rueq kumtsvy tvnx nuex shvlx wvnc vtueq,

ASII LAKDAP Bible (BSI)

¹ Jesuq ka Jordan rai maq akhum na Asii Wenyi raq ama jang wanto. Kiimaq apaiq ka Asii Wenyi raq kumtsaiphii binjü niishe sheahoto.

Muklom

¹ Jesu hanpin o Asang Tsija ang eq Jordan jungku wang sey welta etho Asang Tsija aa piq tha shushu haq náng solkat ta.

Luke 4:1 Referencias Cruzadas

1 HOKHVMX 18:12

Ngaz kaz wvnc tauk nuex Yehowa siyac rueq mnoz kuex tuiuz miq baung nuex shvlx laq ruiux yuq yvmx khoc lac yaungx khvmz tvnx? Kvruex yimaq mnoz vyuq httax yaq ngoz tueq Ahab muex ngaz rueq jungx ruiux, piq rueq mnoz kuex humc muq ngoz ruiux yuq piq rueq ngaz kuex vthvy gay phuex. Ngaz kuex nosaz maq phuex Yehowa muex tvtsanc nganc nawk palx jix miq rvtauk lvmz kuex rvwvl shuiuz.

1 HOKHVMX 19:4

Eliya kuex yaruix rumz nuex raungnuiyq nuiyq tuimc khuemx kaz wvnc tueq. Piq kuex pulx jungx vshiz buingc khung nuex ngaungc vtueq, piq vthueyc kay roc lvmz kuex thoz tueq. Piq rueq, “Yehowa lex, kvruex kuex vjvnc shex; ngvy thuiuzthuic kuex lvmz gay koq; ngaz kuex vthueyc raung dodoc rvtueq!” ngoz tueq vjux thoz tueq.

ISAIA 61:1

Johvlc Yehowa rueq ngaz kuex vpiq Siyac maq tvmvrc phuex. Htemc saz jix kox nuex thuix thaungx vhvlx gurc lvy tvkoc muinz, Thuinz vmungx bac jix muex thuinz tvhvlc kuy tvkoc muinz, Vthuq vruez laq jix htenc nuiyc khoktep nuex vshauk gay jix htenc kuex tvdungc tvkoc tvtay jungc muex Vpiq rueq ngaz kuex thvl vtueq nvr tvkaz phuex.

EJEKIEL 3:14

Yehowa luimc vkawc kuex ngvy htauk nuex hungc vlaungc yunghvlc httuiuc kaz vtueq, vpiq siyac rueq ngaz kuex pvnc wvnc phuex, ngaz kuex pinhtumc thuinbac nuiyc thuinkhaq tauk.

Matthew 3:16

Yesu rueq yuix luip lvmz tueq rulc rv-ngvlc yuix maq kvtenc dung wvnc tueq nuex, raungx kvdauz wvnc vtueq Tishox Siyac kuex hituiuc vshiz ikhoc svt kaz vtueq vpiq htauk nuex ngaungc yaq kuex khiz tueq.

Luke 2:27

Simeon kuex Vsawc Siyac rueq shvlx wvnc vtueq Shomc Yuimx mungx nuex nyuip wvnc tueq. Vnyuiuz nuiyc vwaz rueq nox Yesu kuex Tvrac httax yaq rulc rv-ngvlc ruec kuy tvkoc Shomc Yuimx nuex shvlx laq tueq,

Luke 3:3

Kvkhoc rvtueq Yohan kuex Yodan Ruilx tvroz nuex kaz vtueq, “Thuinz layc wvnc vtueq yuix luip lvmz wuez shuinz, kvkhoc ngoz ruiux jix Tishox rueq nuimshiq mvrax kuex dawc kuq kv-phuinx,” ngoz tueq jungphvnx kuq tueq.

Luke 3:38

Kenan kuex Enosh saz, Enosh kuex Set saz, Set kuex Adam saz, Adam kuex Tishox saz rvtueq.

Luke 4:14

Kvruex yimaq Yesu kuex Vsawc Siyac hungc vlaungc vmvrx maq Galile mungx nuex yek waung tueq. Vpiq thaungc kuex baung ruip saz nuex nyvmc wvnc tueq.

Luke 4:18

“Taungjix Siyac kuex ngvy htauk nuex svt kaz ruex; htemc saz jix muex thuix thaungx vhvlx jungc kuy tvkoc vpiq rueq ngaz muex vpuiz tix maq nyvt kuq phuex. Khvrc buinc rvhumc jix htenc tvdung wvnc shuex lvmz nuiyc, muik mawz jix htenc rueq muik khiz wvnc shuex lvmz jungphvnc kuy tvkoc muinz; tuinghtuing rvhumc jix htenc palc wvnc shuex lvmz muinz;

John 1:32

Kvruex yimaq Yohan rueq, “Siyac kuex raungmungx maq hituiuc ikhoc svt kaz vtueq vpiq htauk nuex httax yaq.

John 3:34

Tishox rueq vtvkaz waz rueq Tishox bomjungc kuex jungphvnx kuq yaq, yvmx khoc lac ngoz ruiux lec Tishox vpiq rueq vtvkaz waz muex Siyac kuex mvrc laz kuq tueq.

Acts 1:2

raungmungx nuex shvlc wvnc rvhumc tueq raungnuiyq nuex httuiuc laz, shuimx kaz tvluing wvnc tueq lotlaz kuex vphaungc wawc luik nuex ngaz rueq wuiyq wvnc tauk shex. Vpiq kuex raungmungx nuex shvlc wvnc max rvhumc nuex vpiq rueq vthvl shec kamx waz hez muex Vsawc Siyac luimc vkawc maq nvr tueq.

Acts 10:38

Nazaret waz Yesu kuex Tishox kox wawc Vsawc Siyac nuiyc luimc vkawc yvmx khoc lac lvp wvnc tvnx lvmz muinz nuimshiq rueq tuiuz vshuinx, Tishox kuex vpiq rulc roc nuex httaz ningkhvnc nuex vpiq kuex baung ruip saz nuex kvroz khuemx vtueq, miq htenc muex menjenc kuq ruiux, htaungc rueq tvkuilc daz yaq htenc kuex tvhvlc kuq tueq.

Acts 8:39

Tsuingnueyc yuix wawc duiz wvnc tueq nuex Taungjix Siyac rueq Philip kuex shvlc wvnc tueq. Vyungx vlaungx waz rueq Philip kuex khiz yek muq shex, yuq muinz piq kuex vkoz vkez thuinz maq kaz wvnc tueq.