Acts 8:39 - ASII LAKDAP Bible (BSI)

³⁹ Kra lot raüta, tsangnai ka khamchum mong maq takii na dong wan ri li she, Philip ka Asii Wenyi raq, ahin nü na shea wan saq she shea wanto. Siihiip jong we raq Philip ka chhi mak she riito. Shatmaq, apaiq ka kai pinthum chojong chise miishe tsangmung na kihoto.

Hawa Naga Bible 2001

³⁹ Tsuingnueyc yuix wawc duiz wvnc tueq nuex Taungjix Siyac rueq Philip kuex shvlc wvnc tueq. Vyungx vlaungx waz rueq Philip kuex khiz yek muq shex, yuq muinz piq kuex vkoz vkez thuinz maq kaz wvnc tueq.

Muklom

³⁹ Baluk o ning jung wang thalat ta, Teyhungwa Tsija Philip tha tunsol chuwan ta, ethi najaq aa Philip tha wey khi moq sey angta, etharin piq rapney sungrang wang lam náng kata.

Acts 8:39 Referencias Cruzadas

1 HOKHVMX 18:12

Riita ngi wawan jai niili ümniika Tatiwe wenyi raq ümniika dowan raüta, ngi raq sapmang maiqhiq bashi ra na shea wan raü jiiha? Kriishe nguraü ka ngi raq Ahab ma ümniika arjaq asi nguta chongwa jai, kiimaq apaiq raq ümniika ritki raüta hummak she raü ka, apaiq raq ngi ka atiitsea mirbaiq. Ümtsan na tiitsang laq, ngi ka, noseji miiphü Tatiwe ka tsapkapkap maq shomnoq wanti.

2 HOKHVMX 2:16

Kiimaq akha nguto, “Naishiq ka arjaq maiq roqbiingi kuilang kuilabi siisaq asi. Naishiq kilaita ümtatiwe ka ritki phai. Jursap Tatiwe wenyi raq apaiq ka aluwiq na sheawan raütiiwa pum bashi ra niiwa baiq thüla riila. Riimakla hiq thung tan bashi ra niiwa baiq thüla riila.” “Raamak. Namshiq kai raamak,” Elisha raq treto.

Tvtsvmc 119:111

Ümnaq aming raütu ka ngi ma pattup pat-sa tachong hupsam; tsangshiq ka i tsan i mong tiichochiti.

Tvtsvmc 119:14

Ngi raq ümnaq aming thun lang lata siwan ka pinthum lungwiitiikang; arka tsiiqtum jonghea nam miimin rahea.

ISAIA 61:10

Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.

EJEKIEL 11:1

Shiikeawe wenyi raq ngi ka ra na dopot do wanto. Raüta Shomjam rinkea shedong nü ruk kilamchong nü nü kiiniishe shea wanto. Kiijaq kilamchong tho na ngi raq maiqlare roqnai ri webiingi chhikang. Tsangshiq rai mung wela wenai, Ajur se Jaajania nai Benaia se Pelatia kriimin asi riito.

EJEKIEL 11:24

Riisham makchhi maq Shiikeawe wenyi raq ngi ka ra na dowanto. Raüta Bebilon mung na munglu shumwi sitiikai hiq kiiniishe shea wanto. Kiijiishe riisham makchhi ka imakki wa mokisaq she maqkito.

EJEKIEL 37:1

Ngi raq ikhum na Tatiwe ka ngi rai asi nguta ningkun henghea sapkang. Kiimaq apaiq wenyi raq ngi ka rom wan raüta kin hea wea na hiq thung tan ashi maiqrii phong raq ama kiijaq ngi ka dowanto.

EJEKIEL 43:5

Tatiwe wenyi raq ngi ka ra na dopot dowanto. Raüta wang mong keathung kiiniishe shea wanto. Kiijaq ngi raq Shomjam ka Tatiwe khushü ngao liliim raq ama wanwishe chhikang.

EJEKIEL 8:3

Apaiq raq ajaq ikha kriika ngi phanü na tliisaq riito. Raüta ngi ka ikhudap maq dopot laphoto. Kiijiishe ara riisham makchhi maq chhikang, ngi ka Shiikeawe wenyi raq ra na rawang win na luhea na dowanto. Raüta ngi ka Jerusalem na sheahoto. Raüta apaiq raq ngi ka Jerusalem Shomjam shekhu nü nü kilamchong wang mong kilam chongti ba kiijaq shea wanto. Kiijaq Shiikeawe mak lii na riiqkhiq phan sumla kaü ashi kra tiinga raü riito.

Matthew 13:44

“Ramungtan ngutlaq ka akha: Maiq weshi raq wak jam na longseng po kaü ashi humratto. Kra hum raüta, apaiq raq kra samhea wiq maq apang raüta thüto. Raütiishe apaiq ka chochikhiq ajam na waraüta, ajam kun wa tachong wiira hupsam ümchuwa sitlaq kra sha raüta, kra kampho maq kra wak dam kriishe riwanto.”

Matthew 3:16

Khamlam lot ri she, Jesuq ka khamchum mong maq dong wanto. Kra akhing na Jesuq raq ramungtan ka atlin raü chhito. Kiimaq Shiikeawe Asii Wenyi ka haütaü kaü ikha ra wa satki raüta, apaiq khuthaq na ngakai chhito.

Mark 1:10

Jesuq ka kham mong maq takii na dong wan ri li she, apaiq raq ramungtan ka tiidi wan chhito. Kiimaq Shiikeawe Wenyi ka haütaü kaü ikha satki raüta, akhu thaq na ngakito.

Acts 13:52

Antiok chela na siti kamasham maiqsetiim thun ka kai khoqriiq shishiiq, kiimaq Asii Wenyi raq ama maq siwanto.

Acts 16:34

Kra raütiishe, apaiq raq Paul nai Silas ka tsangshiq jam na shea wanto. Raüta, phaq asea tiihong tha kuq raüta tiiphaq siqto. Kiimaq apaiq nai ajamtitiim kunli ka Shiikeawe miishe kamwan kha maq, kai khoqriiq shishiiq she chochi wanto.

Acts 8:29

Asii Wenyi raq Philip ka, “Kra kumrang leng tho kiina kilaq. Laüta, apaiq thotho maq khumlaq,” nguta thaüto.

Acts 8:38

Krai mren, siihiip jong we raq apaiq leng ka shiikhingto. Raüta, Philip tsangnai ka khamchum mong na kiraüta, Philip raq apaiq ma kham ka lamkuqto.

Acts 8:8

Krai mren, kra chela na siti mungmaiqse ka pinthum khoqriiq shishiiq miishe shongnga wanto.

Romans 5:2

Apaiq raq nashiq ka, nashiq kamtsantsii maq, ara Shiikeawe kaphap mangchan wura khong niishe tiishang kuq wanto. Ümchaü nashiq ka apaiq wokhong mong niishe sitiikai. Krai mren, nashiq riimin Shiikeawe chhainyii rilung kiimin mirsha lap wan rong i she nguta, tiishom raa tiikai!

Philippians 3:3

Nashiq ahata, riikhaqli maq athohan tri langti. Tsangshiq ka riimak. Nashiq riika, Asii Wenyi lümaq Shiikeawe shomnoq wantiikai. Kiimaq Jesuq Khristo wokhong na si laita, kai chochi tiikai. Nashiq riika rakhütsi ri thunglai lang tri poi kriimiika kam mai.

Philippians 4:4

Tatiwe wokhong na wranaiqshe chojong chise miili sirong laq. Tiithongshi ri chongpha: chochi ronglaq!

James 4:16

Shatmiitiq, namshiq ka Phungmaiqse ngu raü, ashkong tam li sitlan. Jamlai jamla kiinang wiila miklo rong i nguta ra weahü bom tlan. Akha tiitsaki rai tlan arka, Shiikeawe man na ajiq, bintang.