Luke 4:2 - ASII LAKDAP Bible (BSI)

² Kiijaq Thawe raq apaiq ka raroqblai maitaito. Kra liipan bala, apaiq ka jam min phaqsiq mak, amang maq sito. Kriikha maq, kra maitai akhing thum jai na, apaiq ka aramtsi riito.

Hawa Naga Bible 2001

² raungx 40 tup Htaungc rueq laulawc rvhumc tueq. Kvruex baunglaung vpiq rueq yvmx muinz phauk saq muq, kvruex yimaq vpiq kuex rvmc thuiuz rvhumc tueq.

Muklom

² Etho piq tha Thangwa aa saal rokbali tari ta. Ethi rangham tho piq phak hung sat hung aa tong ta, ethi jio piq chamlal sey qhongta.

Luke 4:2 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

1 HOKHVMX 19:8

Krai mren Elija ka akon wa tiidoto. Raüta winsü ka phaqto. Kiimaq kham ka nyangto. Krai mren apaiq raq kra tü adung phaqsiqtaq krai mren apaiq ka asii Sinai pum na saüli raroqblai lam kra khum wan miitu ningkun hongli lapto.

ESTHAR 4:16

“Kilaq, laüta Susa chela na Jehudinok mungmaiqse ümchuwa sitlaq kra tarü adam na triitam laq. Lanta, ngi miitu amang maq achu jaü ronglaq. Anaiq naitsam, awa watsam, jamlai min naq phaqsiq rongkiq. Kham min naq nyang rongkiq. Ngi riimin, ijaqshisetiim jechaksere rai, namshiq rai adam na achu mijaükang. Kra lot jai shetiq, tri na hongmak li jiimin, ngi ka hokhamwe rai riihum wa she miwa kang. Riita kra miitu, ngi ka atsai chang she dea jiika, bam laq. Ngi ka mung miitu mitsai kang.”

DUNGWVNC 24:18

Mosheq ka pum khuthaq na phum mong na düwanto. Kiijaq apaiq ka ranaiq rawa raroq blai siwato.

DUNGWVNC 34:28

Mosheq ka kiijaq Tatiwe rai raroq blai ranaiq rawa sidamto. Apaiq raq kra bala dung min siq mak kiimaq kham min nyang mak riito. Apaiq kra longpen wiinai kiijaq tongshong bomtsi thun Aming Roqshi kra waiqto.

Jona 3:7

Kiimaq apaiq raq Ninewi chelati ma chiiriim raüta chongkai miitu aming akha kuqto, “Arka hokhamwe nai ajaqtakiq wa ajongbi aming: Maiqse angu wiita raq tü adung jamlai min nü na thii maimak. Jamnyamse thun minsaü chhechhi kiimaq sku miimin chhi anyiim tiiphaq kai maimak. Kiimaq khu akham min tiinyang maimak.

Matthew 21:18

Kriimaq napjai ranaiq she, ranapchu maq, Jesuq ka Bethani hiq maq Jerusalem na ajang wan nong she, lam na awa rai riito. Apaiq ka aramtsi.

Matthew 4:2

Jesuq ka raroqblai, ranaiq rawa amang miili siwanto. Kriikha maq apaiq ka ramtsihea riito.

Luke 4:3

Kriikha maq, Thawe raq apaiq ma, “Riita, ümniika Shiikeawe Se dea jiika, ara longpo thun arka winsii ma tiija liina.”

John 4:6

Jakob raq apaiq pat na athu thü khappong ashi ka kriiba na asi. Jesuq ka wanhiq khumtsi raq anü rai raüta, kra khappong kii na niitiitsak anga riito. Kra akhing ka ranaiq shethung shekham bala riito.

TRI CHONGKE 9:18

Kra ningkhan jangshiri hali, ngi ka Tatiwe man na hiq na ku wantlii lata ranaiq rawa raroqblai bumkikang. Kiimaq tü adung min siq mang kiimaq kham min nyang mang maq achu jaükang. Ngi raq ara achu jaükang, jamkhano ngukla namshiq raq Tatiwe man na ngarai jonghea tang lan. Lanta apaiq tsan tiikhiq lan.

TRI CHONGKE 9:25

“Kriikha na, ngi ka Tatiwe man na, kra raroqblai ranaiq rawa hiq na kuwantlii maq achu jaü kang. Jamkhano ngukla ngi raq kunli asapha apaiq raq namshiq ka miqchup tiithumpak tiijiimbaiqla nguta kha ka atan wishe riito.

TRI CHONGKE 9:9

Ngi ka Tatiwe raq namshiq rai tongshongtaq bomkham kra longpen dam wiinai na awaiq kuq kra jaüwa pum na wa wan kang. Lata ngi ka kiijaq anaiq roqblai awa roqblai ranaiq rawa dungmin siq mang kham min nyang mang maq siwa kang.

Hebrews 2:18

Apaiq ka maiqse ma pokitaq kriikha miitiina, ümchaü maiqse angu ümchuwa, chamchao litkot maitai walü riihum tlaqti thun kra, apaiq raq khrum kuq lot tlaq kra. Jamkhano ngukla, apaiq riimin maitai chamchao walü thun kra wiita riihum wanto. Raüta kra thun haikaiq haike wiita tang wanto she.

Hebrews 4:15

Nashiq ma Ramwe Ajong Pinthum we riika, nashiq tiinan shan tiikai kamasham ningkun ajom si tiikai thun kriika, kunkun asap siisaq. Nashiq ma Ramwe Ajong Pinthum we ka nashiq raq maitai chamchao ümtinkhan wa riihum tiikai kriika, apaiq raq kunli asap siisaq. Apaiq ka nashiq jamkho tairai tlaq, kiikha Thawe raq tairaito. Shatmiitiina, apaiq raq jamkiq min shut mak riito.

1 SAMUEL 17:16

Goliath raq Israilnok ka raroqblai na saüli, wranaptek kiimaq wrajitek hokhiiq raüta shiikeng leng lili riitlo.