JOSHUA 14:14 - ASII LAKDAP Bible (BSI)

Riita, Hebron chela ka ümchaü niitaq saüli, Jephunne se, Kenijaiq ta Kelib saü asetiim riidea siqtlo. Jamkhano ngukla, apaiq raq Tatiwe Israilnok Shiikeawe aming ka tsapkapkap maq lang wanto.

Hawa Naga Bible 2001

Kenizi phvnx Jephunne saz Kaleb rueq Yehowa Israel Tishox rueq nvr yaq kuex tvkhvlc muq tvmtuing maq phvnc ningkhvnc nuex piq phvnx vmaq kuex Hebron ghaqyungx nuex httax hvt dvyx doc.

JOSHUA 14:14 Referencias Cruzadas

RAPHA HIQWA LAK 37:14

Kiijiishe awe raq nguto, “Kilaq. Laüta ümphutiim ka ahea shea sitla liiki kiq. Kiimaq nyamse kong kiimin ahea shea rümtla liikikiq. Laüta ana jang wakiq, laüta ngi ma tsütsa ka tiitai wakiq.” Kiimaq awe raq apaiq ka Hebron Hiqwii Tan maq kiina tiikito. Raüta Joseph ka Shekhem niishe saükito.

1 KAÜWA WERAÜ 6:41

Ethni, Jera, Adaia,

2 KAÜWA WERAÜ 15:7

Shatmaq namshiq ka ningkun shoq wiishoq maq shiikut ratlo. Tsaiji naq tran rongkiq. Namshiq raq jamlai jaq wa shamtlan kra miitu namshiq ma poksi mikuq.”

1 Corinthians 15:58

Riita ara chongtiikai arai mren, lungwii phunainotiim lei, kamasham na pharangrang kiimaq phataqtaq si rong laq. Tatiwe jaqsham na tsan tiitsi lanta, wranaiqshe shiikut chaq wan ruq si rong laq. Namshiq raq asap han, Tatiwe miitu jaqsham tlan kriika atu na moki mak phan. Kriikha maq, apaiq miitu jaqsham ka shiichaq wan ruq shiichaq ronglaq.

JOSHUA 11:23

Tatiwe raq Mosheq ma aming kuqtaq kra phan phan, Joshua raq mung ka kunli jiiwan raüta lapto. Raüta Joshua raq Israilnok ma tsangshiq tachong hiqshong miitu kuqto. Raüta maiqphan aweatek ma, maiqmii riirii hiqshong tiikho chumkuq raüta phea kuqto. Kiimaq, Israilnok ka mungtsing mungngang miishe shongnga wanto.

JOSHUA 14:13

Krai mren, Joshua riimin, Jephunne se Kelib ma achu shiiman kuqto. Raüta apaiq rii tachong hiqshong Hebron chela kra chumkuqto.

JOSHUA 14:15

Kriima kongkhu niika, Hebron chela ka Arba chela ngutlo. (Arba ka Anakim phan wa, tarü thaq na nolajong pinthum riito.) Riita ümchaü kra mung ka mungtsing she sitlo.