JOSHUA 14:15 - ASII LAKDAP Bible (BSI)

¹⁵ Kriima kongkhu niika, Hebron chela ka Arba chela ngutlo. (Arba ka Anakim phan wa, tarü thaq na nolajong pinthum riito.) Riita ümchaü kra mung ka mungtsing she sitlo.

Hawa Naga Bible 2001

¹⁵ Kungkhux nuex Hebron ghaqyungx kuex Arba ngoz tueq muingc tueq. (Arba kuex wvyungc wvloayc Anakim phvnx rvtueq.) Majuiuc kuex kvruex mungtan kvyuq nomic httax wuez yaq.

JOSHUA 14:15 Referencias Cruzadas

RAPHA HIQWA LAK 23:2

Apaiq ka Kanan mung wa Hebron chela miishe tsaito. Kiimaq Abraham raq apaiq maa ka hoqto.

RAPHA HIQWA LAK 35:27

Jakob ka awe Isak phana Mamre hiqshong na wato. Mamre hiq ka Hebron chela tho na riito. Arjaq Abraham nai Isak ka shong wanto.

RAPHA HIQWA LAK 37:14

Kiijiishe awe raq nguto, “Kilaq. Laüta ümphutiim ka ahea shea sitla liiki kiq. Kiimaq nyamse kong kiimin ahea shea rümtla liikikiq. Laüta ana jang wakiq, laüta ngi ma tsütsa ka tiitai wakiq.” Kiimaq awe raq apaiq ka Hebron Hiqwii Tan maq kiina tiikito. Raüta Joseph ka Shekhem niishe saükito.

1 KAÜWA WERAÜ 6:4

Eleajar saüsetiim ka pat shi maq riita pat shi na saüli arthun ara riito: Phenehas, Abishua,

NEHEMIA 11:25

Mungmaiqse apako ka chela tho maiqmii wakjam ramsea ajeje tho na hiqshong sitlaq kiijaq siwan wito. Juda phan wa mungmaiqse thun ka, Kiriath chela na, Arba chela na, Dibon chela na, kiimaq Jekabjel chela thun na siwan wito. Kiimaq ara chela thun tho na hiqshong sitlaq kiijaq siwanto.

JOSHUA 11:23

Tatiwe raq Mosheq ma aming kuqtaq kra phan phan, Joshua raq mung ka kunli jiiwan raüta lapto. Raüta Joshua raq Israilnok ma tsangshiq tachong hiqshong miitu kuqto. Raüta maiqphan aweatek ma, maiqmii riirii hiqshong tiikho chumkuq raüta phea kuqto. Kiimaq, Israilnok ka mungtsing mungngang miishe shongnga wanto.

JOSHUA 14:14

Riita, Hebron chela ka ümchaü niitaq saüli, Jephunne se, Kenijaiq ta Kelib saü asetiim riidea siqtlo. Jamkhano ngukla, apaiq raq Tatiwe Israilnok Shiikeawe aming ka tsapkapkap maq lang wanto.

JOSHUA 15:13

Tatiwe raq Joshua ma aming kuqtaq kra phanphan, Juda phan rii hiqshong achumkuq kiiwa, Jephunne se Kelib miimin hiq ka hongshi chumkuqto. Apaiq kiimin Juda phan wa. Apaiq rii hiqshong ka Hebron chela chumkuqto. Hebron chela ka man na Anak ma awe Arba hiqshong riito.

JOSHUA 21:11

Tsangshiq miika Arba chela (Arba ka Anak we mang), kra chela ka ümchaü Hebron ngutlo. Arka Juda mung wa ku akin tonglong wang na kiimaq kra tro binjü wa nyamse rümchang nyiimlung asisi wakram thun kra romshaq chumkuqto.

JOSHUA 21:12

Shatmaq kra chela hong binjü wa wakram thun riiwe kla kongkhuji miiphü Jephunne se Kelib ma apaiq rii tachong hiqshong ma achumke wishe riito.

PHOWEBI 1:20

Mosheq raq aming kuq thütaq kra phan phan, Hebron chela ka Kelib ma kuqto. Kelib raq kra chela wa Anak saüsetiim wetsam jobaiqto.

PHOWEBI 3:11

Krai mren, Israilnok mung na rawii roqblai mung atsing maq sito. Kiimaq Othniel ka tsaito.

PHOWEBI 3:30

Kra ranaiq Israilnok raq Moabnok ka tiinamtok jiipbaiqto. Krai mren, Israilnok mung na wiiroq tiichat mung atsing maq sito.

PHOWEBI 5:31

Riita ümjaqtinok thun ka, kiikha siisaq mitsai laq, O Tatiwe lei, shatmaq ümkhi ümlubi thun ka, rashekaü dong wan tlaq ikha, ali aliim michhai wan laq! Kiimaq mung na wiiroqblai mung atsing maq sito.

PHOWEBI 8:28

Krai mren, Israilnok raq Midiannok ka khatto. Raüta tangto. Kra ningkhan Midiannok ma haisong chang ka ahü she riito. Krai mren, Israil mung ka Gideon mitsai shaq wiiwii, wiiroqblai mung atsing maq sito.

1 SAMUEL 30:31

kiimaq Hebron chelati ma tiiho wanto. Dawit raq apaiq nai asengibi thun ümra hiqshong thun no khumshiim wantaq, kra hiqshongti ma tiiho wanto.