JOSHUA 13:14 - ASII LAKDAP Bible (BSI) Mosheq raq Lewi phan ma tsangshiq rii tachong hiqshong ka chumkuq mak dea. Jamkhano ngukla, Tatiwe raq Mosheq ma tsangshiq riika, tsangshiq rii tachong hupsam ka, Israilnok raq Israilnok Tati Shiikeawe ma honglu kuqtlaq kiiwa pheake raa nguta aming kuqto. Hawa Naga Bible 2001 Moshe rueq Lewi phvnx muex ghaqphux phvlx kuq shec muq doc. Yehowa rueq Moshe muex jungx shec tueq rulc rv-ngvlc, tsuingshiq rueq Yehowa Israel Tishox muex shomrawx htauk nuex wvr maq jauk shomc kuq yaq wawc mvnjuz kuex lvp wuez tueq. |
“Ramwebi ma tachong hupsam ka ara ramwe jaqsham arli. Arka Ngi raq Israilnok miitu kuqkang. Arka tsangshiq raq maiq pat pat shi maq riita pat shi na saü wan wan, tsangshiq riili sham wan chang. Tsangshiq raq Israil mung na tachong hupsam rüm wanlot mak. Tsangshiq ma ratlaq kriika Ngi arli she.
Rai nai wong honglu thun, ngarai honglu thun kiimaq thiitham honglu thun kra tsangshiq ramwebi rii tü adung. Kiimaq tsangshiq raq Israil mung na Ngi rii pong na rai raüta thütlaq kriithun ka tsangshiq raq tao chang.
Arningkhan tiina maiq phan ahinti ma hiqshong phea kuqtaq kiikha Lewi phan ma hiqshong ka chumkuq mak dea riito. Tsangshiq miika Tatiwe ramwe jaqsham arang kra kiinong kuqto. Kriika tsangshiq kiim riito. Arka Tatiwe namshiq Shiikeawe raq kiqkham kuqtaq kra phan phan kuqto.)
Kiijaq namshiq ka apaiq rai mantut na chojong chise maq sirong laq. Namsetiim nai nam jaqshisetiim rai kiimaq Lewinok namshiq rai chela thun na sidamtlaq krai adam maq chochikhiq shong nga ronglaq. Tsan na tiitsang shat ronglaq, Lewinok riika maiqmii rii tachong hiqshong ka lap mak miraq.
Kiimaq tsan na tiitsang dada thü ronglaq, namshiq ka nam mung na shongtlan wiiwii Lewinok shiili ka laq thaq maimak.
Shatmaq tiina, Israilnok raq Geshur wangti nai Maka wangti ka jobaiq lot mak dea riito. Tsangshiq ka ümchaü min Israil mung niili sitlo.
Mosheq raq kra wang kiiwa panshi ka Reuben phan wa maiqta thun ma tsangshiq rii tachong hiqshong miitu chumkuqto.
Shatmaq Mosheq raq Lewi phan ma tsangshiq rii tachong hiqshong ka chumkuq mak dea. Jamkhano ngukla, apaiq raq tsangshiq ma, tsangshiq rii tachong hupsam ka Israilnok Tati Shiikeawe ma honglu kuqtlaq kriiwa riisha raüta phaqsea chang nguta chongkuqto.
Kiitiina, Lewi phan riika, namshiq rai hiqshong ka lap mak miraq. Jamkhano ngukla tsangshiq rii tachong hiqshong ka, tsangshiq raq Tatiwe ramwe jaq sham tlaq kriili she. Kiimahali Gad phan, Reuben phan, kiimaq shedong nü na siti Manase phan miitu hiqshong ka, Jordan rai maq shedong nü wang binjü wa achumke kun she. Tsangshiq ma Tatiwe jaqshise Mosheq raq chumkuqto she.”