JOSHUA 18:7 - ASII LAKDAP Bible (BSI)

⁷ Kiitiina, Lewi phan riika, namshiq rai hiqshong ka lap mak miraq. Jamkhano ngukla tsangshiq rii tachong hiqshong ka, tsangshiq raq Tatiwe ramwe jaq sham tlaq kriili she. Kiimahali Gad phan, Reuben phan, kiimaq shedong nü na siti Manase phan miitu hiqshong ka, Jordan rai maq shedong nü wang binjü wa achumke kun she. Tsangshiq ma Tatiwe jaqshise Mosheq raq chumkuqto she.”

Hawa Naga Bible 2001

⁷ Yuq muinz Lewi miqsaz kuex ghaqphux phvlc nuimshiq rueq ikhoc lvp shuex rvmuq, yvmx khoc lac ngoz ruiux lec tsuingshiq mvnjuz phvlc kuex Yehowa shomc waz muex yaungx vtueq nawk palx yauk shuimc kuex gurx pix wuez tueq. Yehowa nvrc waz Moshe rueq phvlx kuq shec tueq rulc rv-ngvlc Yodan ruilx maq shaldungc kox mungx kuex Gad, Ruben nuiyc shaldungc Manase phvnx htenc rueq lvp wuez tueq shex,” ngoz tueq jungx tueq.

JOSHUA 18:7 Referencias Cruzadas

WEAWEA 18:20

Tatiwe raq Aron ma nguto, “Ümniiraq Israil mung wa tachong hupsam hiqphu ka ümniirii ka phushi min chum kuqmak ahü miraq. Ngi, Tatiwe sitiikang arli ümnii rii ka. Ngi arli she ümniima hongli.”

WEAWEA 18:23

Ümchaü armiiphat sanha Tombutiip liikoti ka Lewinok lam lam li she miraq. Kiimaq Tombutiip miitu sham akai kunli ka tsangshiq riili she arang miho. Ara thungtri arka pattup miitu she. Ümsaü ümsetiim riimin arthun tri ara lang raüta jaqsham chang. Israil mung na Lewinok miitu tachong hupsam ka ahü miraq.

WEAWEA 18:7

Shatmaq Asii Pinthum Khok nai berong-wacha na ramwe jaqsham chang ümchuwa sitlaq kriika ümnaq nai ümsetiim raq lam lam riili sham ratlo. Arthun jaqsham arka ümnaq arang. Jamkhano ngukla Ngi raq ramwe jaqsham kongphiq ka ümnaq miili kuqkang. Krai mren, maiq juwa arthun jaqsham miitu shong wan mak dea, kriiti weshi ra ka arthun asii hupsam thun artho niila wa raüla, apaiq ka atsea mirbaiq.”

TRI CHONGKE 10:9

Arningkhan tiina maiq phan ahinti ma hiqshong phea kuqtaq kiikha Lewi phan ma hiqshong ka chumkuq mak dea riito. Tsangshiq miika Tatiwe ramwe jaqsham arang kra kiinong kuqto. Kriika tsangshiq kiim riito. Arka Tatiwe namshiq Shiikeawe raq kiqkham kuqtaq kra phan phan kuqto.)

JOSHUA 12:6

Ara hokham wenai arka Mosheq wokhong maq Israilnok raq khat raüta tangto. Tatiwe jaqshise Mosheq raq Reuben phan nai Gad phan, kiimaq Manase phan wa khoko ma, tsangshiq rii she nguta hiq ka chumkuqto.

JOSHUA 13:33

Shatmaq Mosheq raq Lewi phan ma tsangshiq rii tachong hiqshong ka chumkuq mak dea. Jamkhano ngukla, apaiq raq tsangshiq ma, tsangshiq rii tachong hupsam ka Israilnok Tati Shiikeawe ma honglu kuqtlaq kriiwa riisha raüta phaqsea chang nguta chongkuqto.