JOSHUA 13:14 - Hawa Naga Bible 2001

¹⁴ Moshe rueq Lewi phvnx muex ghaqphux phvlx kuq shec muq doc. Yehowa rueq Moshe muex jungx shec tueq rulc rv-ngvlc, tsuingshiq rueq Yehowa Israel Tishox muex shomrawx htauk nuex wvr maq jauk shomc kuq yaq wawc mvnjuz kuex lvp wuez tueq.

ASII LAKDAP Bible (BSI)

¹⁴ Mosheq raq Lewi phan ma tsangshiq rii tachong hiqshong ka chumkuq mak dea. Jamkhano ngukla, Tatiwe raq Mosheq ma tsangshiq riika, tsangshiq rii tachong hupsam ka, Israilnok raq Israilnok Tati Shiikeawe ma honglu kuqtlaq kiiwa pheake raa nguta aming kuqto.

JOSHUA 13:14 Referencias Cruzadas

EJEKIEL 44:28

“Shomc waz bix muex shomc waz yauk shuimc kuex tsuingshiq tsak vnyvmx ikhoc patshiz maq patshiz shuimc tvkoc Israel muex ngaz rueq kuq shec tauk. Tsuingshiq rueq Israel mungx nuex yvmx tsak vnyvmx muinz lvp tvy mvy muq; ngaz kuex tsuingshiq muex rax yaq lotlaz rvtauk.

EJEKIEL 44:29

Vruiy vwungx shomc kuy, mvrax kvdawc shomc kuy nuiyc vhtuimc juing shomc kuy htenc kuex shomc waz bix phuiuz vsvy rvtueq, ngvy tvkoc mvnjuz Israel mungx nuex httax yaq phvnx ruip saz kvmuinz tsuingshiq rueq lvp shuex.

TRI CHONGKE 10:9

Kvkhoc ningkhvnc nuex Lewi phvnx kuex vganc phvnx htenc rueq ikhoc ghaqphux lvp taq muq doc; Yehowa nuimshiq Tishox rueq bomkhvmc taq tueq rulc rv-ngvlc tsuingshiq kuex Yehowa shomc waz muex yaungc tvkoc vkhangx lvp tueq.)

TRI CHONGKE 12:12

Kvruex yuq nuimshiq sahez, nuimshiq nvrc waz hez, ghaqphux lvp muq rvtueq nuimshiq ghaq htenc nuex httax yaq Lewi miqsaz htenc rulc muinz, vpiq khaungkac nuex vdvmz kokez wuez kuinz; Lewi miqsaz rueq ghaqphux lvp shuex rvmuq lvmz kuex rvwvl wuez shuinz.

TRI CHONGKE 12:19

Nuimshiq ghaq vraungx kvyuq nuimshiq httax tuinx wawwawx Lewi phvnx kuex wvlc guez tvyaungc muit tvkoc honc lvmz hvt rvshuinz.

JOSHUA 13:13

Yuq muinz Israel miqsaz rueq Geshur nuiyc Maaka miqsaz htenc kuex yurc gay muq doc ningkhvnc nuex, Israel mungx nuex httax yaq doc.

JOSHUA 13:15

Moshe rueq Ruben phvnx wawc vtaungx htenc muex tsuingshiq rueq lvp juing ghaqphux kuex phvlx kuq shec tueq.

JOSHUA 13:33

Moshe rueq Lewi phvnx muex ghaqphux phvlx kuq shec muq doc. Yehowa Israel Tishox muex shomc kuy juing wawc mvnjuz kuex tsuingshiq rueq lvp shuex ngoz tueq jungx tueq.

JOSHUA 18:7

Yuq muinz Lewi miqsaz kuex ghaqphux phvlc nuimshiq rueq ikhoc lvp shuex rvmuq, yvmx khoc lac ngoz ruiux lec tsuingshiq mvnjuz phvlc kuex Yehowa shomc waz muex yaungx vtueq nawk palx yauk shuimc kuex gurx pix wuez tueq. Yehowa nvrc waz Moshe rueq phvlx kuq shec tueq rulc rv-ngvlc Yodan ruilx maq shaldungc kox mungx kuex Gad, Ruben nuiyc shaldungc Manase phvnx htenc rueq lvp wuez tueq shex,” ngoz tueq jungx tueq.