JOSHUA 10:8 - ASII LAKDAP Bible (BSI) Kiitiikaq Tatiwe raq Joshua ma akha nguto, “Ümniika tsangshiq ma akhiisiimin naqhaikiq. Ngi raq rekhat ka ümniima atiitangke wishe. Weshi ra min ümman na chap wanlot miraq.” Hawa Naga Bible 2001 Yehowa rueq Yoshua muex ngoc, “Tsuinghez muex nauk hiz kaz. Ngaz rueq tsuinghez kuex mnoz muex tvtaungx gay vphaungx. Uraq muinz mnoz kuex tvgawx lot muq,” ngoz tueq jungx tueq. |
Kra bala liipan niili shammiwe ashi ka Hokhamwe Ahab phana wato. Raüta akha nguto, “Tatiwe raq ngutlo, ‘Ümniika ka rekong phenlabi pahea hiq ma ra ma kra chhilaüta naqhaikiq! Ngi raq ümchaü ranaiq arthun ara ümniima mitiitangkuq kang. Krai mren ümniiraq Ngi ka Tatiwe dea nguta misap haü.’”
Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!
Shatmaq Tatiwe raq ngi ma nguto, ‘Apaiq ma ümniika naqhaikiq. Ngi raq apaiq ka, kiimaq asengi sreabi thun ka, kiimaq apaiq mungtan hiqshong thun ka wiita ümjaq khon na mikiinong kuqbaiq kang. Ümniiraq Ammoraiqnok hokhamwe Sihon Heshbon chela pengtiwe ka jamkho chongthum tiiwa baiq laü kiikhiisii apaiq kiimin chongthum tiiwa baiqlaq.’
Apaiq raq tsangshiqnok hokhambi ka namshiq jaqkhon mong na mikuq baiq. Namshiq raq tsangshiq ka mijiip baiq han. Kiimaq tsangshiq ka maiq raq alaq she mirbaiq. Namshiq ka juwe riimin tangtalot mak miraq. Namshiq raq maiq ka wiita mijiipbaiq han.
Kiijiishe Joshua raq asengi siihiipbi ma akha nguto, “Namshiq ka akhiisiimin naqhai rongkiq. Ningkun tiijom maimak. Ningkun shoqwiishoq ronglaq. Kiimaq srea nola jaronglaq. Jamkhano ngukla, Tatiwe raq, namshiq jaqtibi thun ka wiita akhiisii mikhat kuq.”
Krai mren, Joshua nai asengi phenlabi thun ka rawa minru, Gibeon chela khat wa she wawanto. Raüta tsangshiq raq tiihanghiiq miili dongrang raüta Amoraiqnok kra khatto.
Tatiwe raq Joshua ma nguto, “Ümniika tsangshiq ma naqhaikiq. Anap ranaiq atincho na, ngi raq tsangshiq ka Israilnok miitu wiita ajiipbaiq wishe mirha. Ümniiraq tsangshiq kumrang kong hok ka tiikü sebaiq laq. Kiimaq tsangshiq kumrang leng thun ka wa maq chaqbaiq laq.”
Kiijiishe Tatiwe raq Joshua ma chongto, “Naqhaikiq she. Kiimaq ümtsaiji akhiisii min naq trankiq. Srea nolabi ka wiita ümniirai shea laüta, Ai chela na walaq. Liilaq, ngi raq Ai chela hokhamwe ka asenginok rai achela ka kiimaq amung ka wiita ümjaq khon mong na kuqbaiq kang she.
Kiijiishe Tatiwe raq treto, “Ümniiraq milot haü. Jamkhano ngukla ngi raq ümnaq mikhrum kang. Ümniiraq Midiannok ka jeriiriiq hea, weshi laqlaqse ikha notshotshot li mitang haü.”
Kra rawa Tatiwe raq Gideon ma akha aming kuqto, “Tiido laq. Laüta Midiannok piitiip ka khatkikiq. Ngi raq kra ümjaqkhon mong na kiinong kuqkang she.
Krai mren, arjaq siti maiqse wiita raq, Tatiwe ma asenginok tiichhiike miitu, nepja thun riimakla, piq thun ka rarai mak. Apaiq ka rekhat tang wan ruqtiwe, krai mren, apaiq raq namshiq kunli ka naishiq jaqkhon mong na mikiinong kuq baiq.”