JOSHUA 10:20 - ASII LAKDAP Bible (BSI) Joshua nai Israilnok raq tsangshiq thun ka tiinamtok jiipbaiqto. Kiitiina rewebi phong wa wiijam ra kla Israilnok raq tsat lap mak dea riito. Tsangshiq ka ju raüta tsangshiqnok chela ruk mong na tiipaü nyap wato. Kriikha na Israilnok raq tsat lap mak dea riito. Hawa Naga Bible 2001 Yoshua nuiyc Israel miqsaz rueq ralx htenc paunghvlc thvt gay tueq, yuq muinz ralx wvyvmc kuex yuz wvnc vtueq palx ruk vhttax ghaqyungx htenc nuex httuiuc kaz tueq ningkhvnc nuex vthvy gay rvhumc muq. |
Kra ningkhan she, hokhamwe raq, Abishai ma thaüto, “Sheba riika Absalom raq nashiq ma mintsa tiipataq kriithaq na apa mintsa mitiipa. Isengi thun srea nolabi ka sheaho laüta, apaiq jai ka joho laq. Laüta khatkikiq. Kra riimak la, apaiq raq chela thun kriiwa kiitelong maq tro rukjejeti thun kra jiiho raüta apaiq ka mosikai miraq. Raüta nashiq jaqkhon mong wa alu na mojuho miraq.”
Hokhamwe Ahab raq kra rekhat ka rum na wak ram na konchi koncha jowanto. Raüta kumrang kong nai kumrang leng thun ka wiita lapto. Raüta Siriannok ka tiinamtok khat baiqto. Raüta tangto.
Abija nai asenginok phenlabi raq Israilnok ka tiinamtok khatto. Raüta lakh biingi Israilnok phenlabi srea nolajongbi ka jiimto.
Juda mung tlotli na lerong tsülaq! Tiihong laüta agi lülü maq riimlaq! Juda mungti nai Jerusalemti kiitelong maq trotam maq rukje chela thun kiina juronglaq nguta chonglaq.
“Riita nashiq ka arjiiqli shea minga siq rong i?” nguta Shiikeawe senginok liipan na bom riiwaitlo. “Warong i, nashiq ka kiittelong maq aruk chela thun kiina juwan rong! Laita kiijiiqtiq mitsai rong i. Nashiq Tatiwe Shiikeawe raq nashiq ka tiishutbaiqto she. Nashiq ka atsai changli she. Apaiq raq nashiq ma maiqchok chang liipu tiinyangto she. Jamkhano ngukla nashiq raq apaiq kiq khü laita ngarai tang wankai.
“Shatmaq ümtiikiiwa namshiq raq chela thun ka Tatiwe nam Shiikeawe raq kuqtlaq kra mung wa khat lanta jiiwan tlan, maiq thun ka wiita miqchup jiipbaiq ronglaq.
Tatiwe raq Amoraiqnok ka Israilnok ka chhi raütli phiip ma tiitsaito. Krai mren, Israilnok raq tsangshiq ka Gibeon chela wa jiipbaiqto. Raüta tsangshiq ka pumchit na Beth Horon chela kiina saüli johoto. Kriimaq hiqmai nü na Ajeka nai Makkeda chela kiina tiisaüli joho raüta khatto.
Shatmaq, namshiq ka kiijaq naqkhing rongkiq. Namshiq ka rekong jai ka joruq jo ronglaq. Tsangshiq ka tsangshiq chela thun kiina naq tiisaü rongkiq! Tatiwe namshiq Shiikeawe raq tsangshiq ka namshiq ma tiitangkuqto she.”
Kra lot raütiishe, Joshua sengi ka tlotli khu asang ma apaiq phana, Makkeda chela tsangshiq piitiip na jang wato. Kanan mung na siti raq juwe riimin, Joshua nai Israilnok ni ka pha lot mak she riito.
Tatiwe jaqshise Mosheq raq aming kuq thütaq kra phanphan, Joshua raq ara chela thun ka khat raüta jiiwanto. Kiimaq kiiwa hokhambi nai tsang sengi ka tiimiqchup jiipbaiqto.
Tatiwe raq Israilnok ma rekhat ka tiitangkuqto. Israilnok raq tsangshiq khatto, raüta tsangshiq ka jowan raüta shekhu nü wang na Misrephoth Main chela nai Sidon chela na saüli khat wanto. Kiimaq shedong nü wang na, Mijpa tan binjü na saüli jowan raüta khatto. Israilnok raq re ka weshi min atra tiichong mak khatto.
Israilnok raq tsang jaqtinok ka hiqsii ram binjü kiiwa, tsangshiq johoti thun ka wiita tiimiqchup jiipbaiqto. Raüta tsangshiq ka Ai chela na jang wanto. Raüta maiqse angu wiita tiimiqchup jiipbaiqto.