La Biblia Online

Anuncios


Toda la Biblia A.T. N.T.




JOSHUA 1:4 - ASII LAKDAP Bible (BSI)

Namshiq hiqshrit ka shemai nü na kumtsaiphii mung kriimaq pha wan raüta, shekhu nü na Lebanon pum thun kiina saüli. Kiimaq shedong mung nü miika, Euphretis jürai jonghea kiimaq phaho raüta, Hitaiqnok mung binjü thun hamho tlii raüta, shenyap nü na Mediterenian sammok tra jükii kiina saüli miraq.

Ver Capítulo

Hawa Naga Bible 2001

Nuimshiq mungtan ghaqruiy kuex ghaqyaz kox kumtsvy tvnx maq ghaqkhux kox Lebanon Kanx htenc nuex httuiuc laz, shaldungc kox Euphrat Ruilx maq Hitti mungx kuex yanz wvnc vtueq shalx nyuip kox Svmuktvrax Mediteranean nuex httuiuc laz rvtuex.

Ver Capítulo



JOSHUA 1:4
12 Referencias Cruzadas  

Kiimaq Ejip mung wa kumrang leng thun pong mung na piikii ma lun wan tlaq kriimin pengshat maq liito. Tsangshiq raq Hitaiq mung hokhambi ma nai Siria mung hokhambi ma kumrang kong nai kumrang leng thun kra lun kuq wan lili riito. Kumrang leng ashi ka kampho ngam kamsii 600 pha shato. Kiimaq kumrang kaüshi ka kampho ngam kamsii 150 pha na shato.


Solomon raq mung peng wantaq mungtan ka maiqmung ahin thun pahea tiiham wan damto. Kriithun ka Euphretis rai maq phawan raüta Philistia mung na saüli riito. Kiimaq riita Ejip mung hiqrai kiina saüli riito. Tsangshiq raq apaiq ma phunta kuqto. Raüta apaiq pat thumli apaiq wokhong na wanse ma siwanto.


Kra jai maq, Dawit raq Siria mungti Hokhamwe Hadadejer Joba wang pengtiwe ka khatto. Kra wang ka Hamath wang tho na riito. Jamkhano ngukla Hadadejer riika Euphretis rai maq hiqkhu nü wang thun kra khat raüta jiiwan hajaq nguta shiikut raito.


Tsangshiq raq Gilead wang na nyamse pahea dunghiq wanto. Kra ningkhan tsangshiqnok ka kriimaq shedong mung nü nü na bintang jiingi kumtsaiphii wang ümloq na saüli wa hamtlaq kra hamwan raüta Euphretis rai kii wang kiina saüli shong wanto.


Ajong ala hokhambi pahea raq, ara Euphretis Jürai maq Shenyap Mung nü ara peng wanto. Raüta phunta hisiq wanto.


Ngi raq ümhiqshong trai ka Agaba khamjong Nongchum maq riita Mediterenian khamjong chum na saüli kiimaq kumtsaiphii rumnyangkhi wang maq riita Euphretis Rai na saüli mirai kuqha. Ngi raq ümniima armung na sitinok thun kra khat wan miitu ningkun mikuqha. Kiimaq ümniika sinkhu na wawantlaü kra phan phan tsangshiq ka mijobaiq wan haü.


Namshiq piitiip thun kra run rong laq. Lanta laü wan rong liishe. Lanta Amoraiqnok mung ku akin tonglong mung kiina kiimaq kra tro binjü wang thun kiina— Jordan Rai Thungtan na, ku akin tonglong wang kiina kiimaq hiqthungtan thun wang kiina, shemai nü wang thun kiina, kiimaq Mediterenian khamjong kii wang thun kiina laü wan ronglaq. Lanta Kanan mung kiina, kiimaq Lebanon mung pum thun kra tlea lanta kiimaq riita luhea hiq tiisup wang na Euphretis Rai kiina saüli laü wan ronglaq.


Namshiq hok maq khum wantlan thun hiq ka namshiq riishe miraq. Namshiq hiqshong hiq rai thun ka shemai nü mung na kumtsaiphii wang maq phawan raüta shekhu nü mung na Lebanon pum thun kiina saüli miraq. Kiimaq riita shedong mung nü miika Euphretis Rai maq raiho raüta, shenyap mung nü niika Mediterenian Khamjong kii mung na saüli miraq.


O Tatiwe lei, ngi raq Jordan Rai ka rap wan pha. Lata jüreko na hiqpo hiqwin ku akin tonglong mung kra kiimaq Lebanon Pum thun kra liiwa pha.’


Kra maiq bom raq rase trok ngojati ma, “Rasetiim blai Euphretis jüjong rai na kharü maq akhathü kra diibaiq laq!” nguta chongto.