DUNGWVNC 23:31 - ASII LAKDAP Bible (BSI)

³¹ Ngi raq ümhiqshong trai ka Agaba khamjong Nongchum maq riita Mediterenian khamjong chum na saüli kiimaq kumtsaiphii rumnyangkhi wang maq riita Euphretis Rai na saüli mirai kuqha. Ngi raq ümniima armung na sitinok thun kra khat wan miitu ningkun mikuqha. Kiimaq ümniika sinkhu na wawantlaü kra phan phan tsangshiq ka mijobaiq wan haü.

Hawa Naga Bible 2001

³¹ Ngaz rueq nuimshiq ghaq vraungx ghaqruiy kuex Yuix Shawx Jumx maq Svmuktvrax Mediteranean nuex httuiuc laz, kumtsvy tvnx maq Euphrat Ruilx nuex httuiuc laz kuq phaungx. Kvruex mungx wawc miq htenc kuex ngaz rueq nuimshiq muex kuq phaungx luimc vkawc maq tsuingshiq kuex yurc gay shuinx.

DUNGWVNC 23:31 Referencias Cruzadas

RAPHA HIQWA LAK 15:18

Kiijiishetiq kra akhing na kiijaq Tatiwe raq Abram rai tong ka shongto. Apaiq raq nguto, “Ngi raq ümsaü ümsetiim ma armung thun ara tlotli mikuqha nguta kiq khamkuq tiikang. Arka Ejip mung hiq rai maq pha wan raüta Euphretis Rai kiina saüli miraq.

1 HOKHVMX 11:2

Apaiq raq arnok sheare lamtaq arka Tatiwe raq Israilnok ma armung thun rai sikhe sirü naq riija rongkiq nguta aming keje taümaq lamto. Jamkhano ngukla tsangshiq raq Israilnok ka Tatiwe wokhong wa tiidongho raüta laihin phra thun wokhong niishe misheaho.

1 HOKHVMX 20:13

Kra bala liipan niili shammiwe ashi ka Hokhamwe Ahab phana wato. Raüta akha nguto, “Tatiwe raq ngutlo, ‘Ümniika ka rekong phenlabi pahea hiq ma ra ma kra chhilaüta naqhaikiq! Ngi raq ümchaü ranaiq arthun ara ümniima mitiitangkuq kang. Krai mren ümniiraq Ngi ka Tatiwe dea nguta misap haü.’”

1 HOKHVMX 4:21

Solomon raq mung peng wantaq mungtan ka maiqmung ahin thun pahea tiiham wan damto. Kriithun ka Euphretis rai maq phawan raüta Philistia mung na saüli riito. Kiimaq riita Ejip mung hiqrai kiina saüli riito. Tsangshiq raq apaiq ma phunta kuqto. Raüta apaiq pat thumli apaiq wokhong na wanse ma siwanto.

1 HOKHVMX 4:24

Solomon mungtan ka Euphretis rai maq phaho raüta shenyap nü mung thun kra kunli siq wanto. Kriika Euphretis rai wang na Tiphsa wang maq phaho raüta, shenyap mung na Gaja chela na saüli riito. Euphretis rai maq shenyap nü mung na maiq mung thun wa hokhambi thun kunli ka apaiq wokhong na siti wansenok siisaq riito. Kiimaq apaiq ka apaiq mungtan tro na maiq mung hokhambi ümchuwa sitlaq kriirai wehea siisaq sito.

1 HOKHVMX 8:65

Kra Shomjam kiijaq, Solomon nai Israilnok mungmaiqse raq Lamjaptiip Poi kra ramiishi na saüli lang wanto. Kiijaq lom wan damti mungmaiqse phong ka pahea langlang riito. Tsangshiq ka maiqhiq luhea shekhu nü na Hamath pumchit na siti maq phaho raüta, shemai nü mung na Ejip mung hiq trai binjü na siti thun awarai riito.

2 KAÜWA WERAÜ 9:26

Apaiq ka Euphretis rai maq rai wan raüta Philistain mung na saüli kiimaq Ejip mung hiq rai na saüli ham tlaq maiqmung thun hokhambi kunli thaq ajong pinthum mung pengti riito.

Tvtsvmc 72:8

Apaiq mungtan ka khamjong chumshi maq riita chumshi na misaülaq, kiimaq Euphretis rai maq riita hiq tiisup mung na saüli mirlaq.

WEAWEA 21:34

Kiijiishe Tatiwe raq Mosheq ma nguto, “Apaiq ma naq haikiq. Ngi raq ümniima apaiq ka, asenginok tlotli, kiimaq apaiq mungtan kra wiita mitiitang kang. Ümniiraq Sihon hokhamwe Heshbon chela pengtiwe ka jamkho riilaü, ikha apaiq kiimin kiikhiisii tiibiilaq.”

WEAWEA 34:2

Israilnok miitu arthun tri raütu ara kuqto: “Ümtiikiiwa namshiq ka Ngi raq kuq tiikang Kanan mung niishe misaü han, nam mung hiq rai thun ka akha miraq.

TRI CHONGKE 1:7

Namshiq piitiip thun kra run rong laq. Lanta laü wan rong liishe. Lanta Amoraiqnok mung ku akin tonglong mung kiina kiimaq kra tro binjü wang thun kiina— Jordan Rai Thungtan na, ku akin tonglong wang kiina kiimaq hiqthungtan thun wang kiina, shemai nü wang thun kiina, kiimaq Mediterenian khamjong kii wang thun kiina laü wan ronglaq. Lanta Kanan mung kiina, kiimaq Lebanon mung pum thun kra tlea lanta kiimaq riita luhea hiq tiisup wang na Euphretis Rai kiina saüli laü wan ronglaq.

TRI CHONGKE 1:8

Armung thun ara tiina Ngi Tatiwe raq, namtitiim Abraham, Isak, kiimaq Jakob ma kiimaq tsangsaütiim ma mikuqha nguta kiq kham kang kra. Warong laq. Lanta khat lanta jiiwan ronglaq.’”

TRI CHONGKE 11:24

Namshiq hok maq khum wantlan thun hiq ka namshiq riishe miraq. Namshiq hiqshong hiq rai thun ka shemai nü mung na kumtsaiphii wang maq phawan raüta shekhu nü mung na Lebanon pum thun kiina saüli miraq. Kiimaq riita shedong mung nü miika Euphretis Rai maq raiho raüta, shenyap mung nü niika Mediterenian Khamjong kii mung na saüli miraq.

TRI CHONGKE 2:33

Shatmaq Tatiwe nashiq Shiikeawe raq apaiq ka nashiq jaqkhon mong na kiinong kuqto. Kiimaq nashiq raq apaiq ka tsatbaiq kai kiimaq asetiim, kiimaq asengi sreabi kunli tsatbaiqkai.

TRI CHONGKE 2:36

Tatiwe nashiq Shiikeawe raq nashiq ma chela thun ka kunli Arnon raikii na sitlaq Aroar chela maq phawan laita, kra kin hea wea hiq thung tan mong na sitlaq chela kiina saüli kiimaq riita shekhu nü na Gilead wang na saüli khat laita jiiwankai. Nashiq raq khatlot mai chela peruk theahea ngutiika chela ashi min ahü riito.

TRI CHONGKE 20:16

“Shatmaq ümtiikiiwa namshiq raq chela thun ka Tatiwe nam Shiikeawe raq kuqtlaq kra mung wa khat lanta jiiwan tlan, maiq thun ka wiita miqchup jiipbaiq ronglaq.

TRI CHONGKE 3:2

Shatmaq Tatiwe raq ngi ma nguto, ‘Apaiq ma ümniika naqhaikiq. Ngi raq apaiq ka, kiimaq asengi sreabi thun ka, kiimaq apaiq mungtan hiqshong thun ka wiita ümjaq khon na mikiinong kuqbaiq kang. Ümniiraq Ammoraiqnok hokhamwe Sihon Heshbon chela pengtiwe ka jamkho chongthum tiiwa baiq laü kiikhiisii apaiq kiimin chongthum tiiwa baiqlaq.’

TRI CHONGKE 6:19

Kiimaq namshiq raq nam jaqti renok thun kra, apaiq raq kiqkham kuqtaq kra phan phan mijobaiq wan han.

TRI CHONGKE 9:3

Shatmaq ümchaü ka ümniiraq ümmak maq michhi haü. Tatiwe üm Shiikeawe ka ümkhaki na sinkhu na walütu kaü raq khiim wantlaq ikha mikhiim baiq wan. Ümniiraq tsangshiq ka khat wantlaü krai mren, apaiq raq tsangshiq ka mitiitang kuq wan. Krai mren ümniiraq tsangshiqnok ka mijobaiq wan haü. Kiimaq tsungshi ka chongthum ma tiija baiqtlii mitiithen baiq haü. Arka apaiq raq kiqkham kuqtaq kra phan miraq.

JOSHUA 1:4

Namshiq hiqshrit ka shemai nü na kumtsaiphii mung kriimaq pha wan raüta, shekhu nü na Lebanon pum thun kiina saüli. Kiimaq shedong mung nü miika, Euphretis jürai jonghea kiimaq phaho raüta, Hitaiqnok mung binjü thun hamho tlii raüta, shenyap nü na Mediterenian sammok tra jükii kiina saüli miraq.

JOSHUA 10:19

Shatmaq, namshiq ka kiijaq naqkhing rongkiq. Namshiq ka rekong jai ka joruq jo ronglaq. Tsangshiq ka tsangshiq chela thun kiina naq tiisaü rongkiq! Tatiwe namshiq Shiikeawe raq tsangshiq ka namshiq ma tiitangkuqto she.”

JOSHUA 10:8

Kiitiikaq Tatiwe raq Joshua ma akha nguto, “Ümniika tsangshiq ma akhiisiimin naqhaikiq. Ngi raq rekhat ka ümniima atiitangke wishe. Weshi ra min ümman na chap wanlot miraq.”

JOSHUA 13:6

Arthun arka Sidonnok mung kunli, ku akin wang maq phaho raüta, Lebanon Pum Thun kra, kiimaq riita Misrephoth Maim chela na saüli. Ngi raq armung thun wa maiq ka Israilnok raq jamkho khat wan raüta hiq ka jiiwan tlaq, kra phan phan wiita mijobaiqha. Ümniiraq armung thun ka, ngi raq ümniima aming kuq kang kra phan phan, chum laüta pheake wan ratlo.

JOSHUA 2:24

Kiimaq tsangnai raq akha nguto, “Tengto, Tatiwe raq nashiq ma armung arka kiinong kuqto she. Kiijaq siti mungmaiqse ka, nashiqnok ma haima, phiip raq atsai sitlo.”

JOSHUA 21:44

Tatiwe raq tsangshiq ma tsangmung hamli na mung atsing angang she kuqto. Arka apaiq raq tsangtitiim kiqkham kuqtaq kra phan phan she riito. Tsangshiqnok jaqtibi rewe phong wa nokshi ra raq dongdii min tsangshiq ka khatlot mak riito. Jamkhano ngukla Tatiwe Israilnok ma tsangshiq ma chiqse rewe phan khuthaq na wiita rekhat tiitang kuqto.

JOSHUA 23:14

“Ngi ma rilung lamsea ka athum she. Namshiq tarü khumtek raq maiqmii tsan nai mongjii na asap han, Tatiwe nam Shiikeawe raq, ahea awa phan ümchuwa mikuqha nguta kiqkham kuqtaq thun ka wiita kuqto Apaiq raq kiqkham raüpot ümchuwa khakuqtaq kriika, wiita kunkun shiikupi kuqto. Bomtsi poshi dongdii min tiipoi mak.

JOSHUA 24:11

Lanta namshiq raq Jordan rai ka jinlan. Lanta Jeriko niishe saülan. Jerikoti raq namshiq khatto. Kra niqriri sii hali Amoraiqnok, Perijaiqnok, Kanannok, Hitaiqnok, Girgashaiqnok, Hiwaiqnok, kiimaq Jebusaiqnok thun riimin namshiq khatto. Shatmaq ngi raq namshiq ma tsangshiq thun ka wiita tiitang kuqkang.

JOSHUA 24:12

Namshiq raq tsangshiq khat wan tlan krai mren, Amoraiqnok hokham wenai kra jobaiq miitu, ngi raq tsangshiq ka phiip ma tiitsaikang. Kriika namshiq nepjasai nai liqsin ma hai raüta riimak.

JOSHUA 24:18

Kiimaq nashiq ka armung niishe saü wan kaita, arjaq siti Amoraiqnok thun ka Tatiwe raq wiita jobaiq wanto. Kra ningkhan, naishiq riimin, Tatiwe kli mishlihai. Apaiq kli naishiq Shiikeawe.”

JOSHUA 24:8

Kra jai miishe, ngi raq namshiq ka Jordan rai maq shedong nü wang na shongti Amoraiq mung kiiniishe shea wan kang. Tsangshiq raq namshiq khatto. Shatmaq ngi raq tsangshiq ka namshiq ma tiitang kang. Krai mren, namshiq raq tsangshiqnok hiqshong thun ka jiiwan lan. Kiimaq ngi raq tsangshiq ka, namshiq raq khat wan tlan kra phan phan wiita shiithen baiq kang.

JOSHUA 8:18

Kiijiishe Tatiwe raq Joshua ma chongto, “Ümjaq na piq sham tlaü kiimaq Ai chela nünü kiina nei laq; ngi raq Ai chela ka ümniima kuqtiikang.” Krai mren, Joshua riimin, apiq ka Ai chela nü na neisaq riito.

JOSHUA 8:7

Kiijiishetiq, namshiq ka bom mong kiiwa dong rang lantiishe, chela ka long ronglaq. Lanta chela ka jii ronglaq. Tatiwe namshiq Shiikeawe raq chela ka namshiq ma mikuq.

JOSHUA 9:7

Shatmaq Israilnok raq, “Naishiq raq namshiq rai wehea riija tong ka shongmai. Jursap namshiq ka arbinjü na aje na siti wa riila?” nguta chongto.

PHOWEBI 1:4

Juda phan rai rekhat wa adam maq wawanto. Krai mren, Tatiwe raq tsangshiq ma Kanannok nai Perijaiqnok ka tiikhat raüta tiitangto. Krai mren tsangshiq raq Bejek chela wa rewenok ka hingroqshi jiipbaiqto.

PHOWEBI 11:21

Shatmaq Israilnok Tatiwe Israilnok Shiikeawe raq Sihon hokhamwe nai asenginok ka Israilnok jaqkhon mong na kiinong kuqbaiqto. Raüta Israilnok raq rekhat ka tangto. Krai mren she, Israilnok raq Ammoraiqnok mung wa maiq hiqshong thun ka wiita kunkun jiiwanto.

1 SAMUEL 23:4

Kriikha Dawit raq thongshi ri hali Tatiwe ma wainongto. Kiimaq Tatiwe riimin apaiq ma, “Kilaq. Laüta Kaila ka khatki kiq. Jamkhano ngukla ngi raq ümniima Philistainnok ka miitiitang kuqkang.”