DUNGWVNC 23:31 - Hawa Naga Bible 2001

³¹ Ngaz rueq nuimshiq ghaq vraungx ghaqruiy kuex Yuix Shawx Jumx maq Svmuktvrax Mediteranean nuex httuiuc laz, kumtsvy tvnx maq Euphrat Ruilx nuex httuiuc laz kuq phaungx. Kvruex mungx wawc miq htenc kuex ngaz rueq nuimshiq muex kuq phaungx luimc vkawc maq tsuingshiq kuex yurc gay shuinx.

ASII LAKDAP Bible (BSI)

³¹ Ngi raq ümhiqshong trai ka Agaba khamjong Nongchum maq riita Mediterenian khamjong chum na saüli kiimaq kumtsaiphii rumnyangkhi wang maq riita Euphretis Rai na saüli mirai kuqha. Ngi raq ümniima armung na sitinok thun kra khat wan miitu ningkun mikuqha. Kiimaq ümniika sinkhu na wawantlaü kra phan phan tsangshiq ka mijobaiq wan haü.

DUNGWVNC 23:31 Referencias Cruzadas

RAPHA HIQWA LAK 15:18

Kvruex yimaq Yehowa rueq Abram rulc bomkhvrc taq tueq. Vpiq rueq, “Ejip mungx ghaqruiy maq Euphrat ruilx nuex httuiuc laz,

1 HOKHVMX 11:2

Yehowa rueq Israel miqsaz muex vganc pungx phvnx miq rulc rvlvmc muq tvkoc nvr shec tueq, yvmx khoc lac ngoz ruiux lec tsuingshiq rueq Israel miqsaz muex vganc tishox htenc nuex tvmtuing tvhttax wvnc yaq, yuq muinz Solomon rueq kvruex yalxjuik rulc kuex lvmz tueq.

1 HOKHVMX 20:13

Kvruex baunglaung shvmmax washiz kuex Hokhvmx Ahab kox nuex kaz vtueq, “Yehowa rueq ngoc, ‘Ralx phungc daungx kvmac nauk hiz kaz! Majuiuc raungnuiyq doc muinz tsuinghez kuex taungx gay lot juing ngaz rueq mnoz muex kuq phaungx, kvkaq ngaz Yehowa rvtauk kuex mnoz rueq tuiuz wvnc shuiux,’ ngoz tueq jungx yaq,” ngoz tueq jungx tueq.

1 HOKHVMX 4:21

Solomon mungtan kuex Euphrat Ruilx maq Philistin mungx nuiyc Ejip mungx ghaqruiy nuex httuiuc laz httax yaq miqphvnx lotlaz httax yaq baung htenc lomx tueq. Tsuingshiq kuex piq muex hihic rawc rawc kuq ruiux hokhvmx waz vtvraungx wawwawx piq khung nuex httax wuez tueq.

1 HOKHVMX 4:24

Solomon rueq Euphrat Ruilx shalx nyuip kox wawc ghaq vraungx lotlaz, Euphrat ruilx hep nuex httax yaq Tipsa ghaq maq shalx nyuip kox Gaza ghaqyungx nuex httuiuc laz guimz tueq. Euphrat ruilx maq shalx nyuip kox wawc hokhvmx bix lotlaz kuex piq rueq guimz lawc khung nuex yaungx tueq, phic vphaungx mungtan lotlaz rulc nomic maq httax tueq.

1 HOKHVMX 8:65

Solomon nuiyc Israel miqsaz lotlaz kuex Shomc Yuimx nuex raungx mvshix tup Bulax Tap Moalx moalx wuez tueq. Kvruex kuex ghaqkhux kox Hamat kanx hvlwvl lvmx maq ghaqyaz kox Ejip mungx ghaqruiy nuex httuiuc laz baung ruip saz wawc kaz wuez tueq.

2 KAÜWA WERAÜ 9:26

Piq kuex Euphrat Ruilx maq Philistin mungx nuiyc Ejip mungx ghaqruiy nuex httuiuc laz kvruex hvlwvl wawc mungtan htenc guimz lawc yaq hokhvmx bix lotlaz htauk nuex muinz vjoz pinhtumc waz rvtueq.

Tvtsvmc 72:8

Piq mungtan kuex svmuktvrax maq svmuktvrax nuex httuiuc laz Euphrat ruilx maq ghaq tvsuip nuex httuiuc laz yungx wvnc tuex.

WEAWEA 21:34

Yehowa rueq Moshe muex ngoc, “Piq muex nauk hiz kaz. Piq maq raz tueq mungx miqsaz htenc kvmuinz, piq mungtan kvmuinz m-yauk nuex ngaz rueq lekuq phaungx. Mnoz rueq Heshbon nuex httax tueq Amori hokhvmx waz Sihon khvt toq kvkhoc piq kvmuinz khvt shuiuz,” ngoz tueq jungx tueq.

WEAWEA 34:2

Israel miqsaz htenc tvkoc vkhoc tvkhic jungx kuq tueq: “Nuimshiq kuex ngaz rueq kuq phaungx Kanaan mungx kvyuq httuiuc waung ruiux yuq, nuimshiq rueq guimz shuinx ghaqruiy kuex vkhoc rvtueq.

TRI CHONGKE 1:7

Kvkhoc rvtueq jerak kuex httak gay ruiux kvhttot kaz wvnc kuinz. Amori phvnx httax yaq kuz hong nuiyc kvruex hep nuex httax yaq ghaq hong rvtueq Yodan warc tvnx kuz hong nuiyc tvnx hong htenc, ghaqyaz kox hong nuiyc Mediteranean kox htenc kvyuq kaz wuez kuinz. Kanaan mungx nuex kaz wuez kuinz, kvmaq Lebanon Kanx kuex yanz laq vtueq Euphrat Ruilx nuex httuiuc laz kaz wuez kuinz.

TRI CHONGKE 1:8

Nuimshiq jix vwaz tamx Abraham, Esak, Yaku maq phaungc vtueq tsuingshiq suiuz vsaz phvnx muex vruex hong htenc lotlaz kuq phaungx ngoz tueq, ngaz Yehowa rueq bomkhvmc kuq shec tauk, nuimshiq kaz vtueq lvp taq shuinz,’ ngoz tueq,” ngoz tueq jungx tueq.

TRI CHONGKE 11:24

Nuimshiq rueq nuiuz wvnc shuinx ghaqphux htenc kuex nuimshiq laung rvtueq. Nuimshiq ghaqphux kuex ghaqyaz kox kumtsvy tvnx maq ghaqkhux kox Lebanon Kanx nuex httuiuc laz, shaldungc kox Euphrat Ruilx maq shalx nyuip kox Mediteranean jumx nuex httuiuc laz yungx tuex.

TRI CHONGKE 2:33

yuq muinz Yehowa naungshiq Tishox rueq hokhvmx waz kuex naungshiq yauk nuex lekuy ningkhvnc nuex vsaz hez nuiyc piq miq htenc kuex thvt gay tsuiyc tiq.

TRI CHONGKE 2:36

Yehowa naungshiq Tishox rueq Aranon warc kawx nuex httax yaq Aroer ghaq nuiyc warc tvnx vmungx baung nuex httax yaq ghaqyungx maq phaungc vtueq, Gilead nuex httuiuc laz miqghaq htenc kuex naungshiq muex tvkhvt gay phuex. Mruex ghaq maq muinz naungshiq kuex tvgawx lot muq.

TRI CHONGKE 20:16

“Yuq muinz Yehowa nuimshiq Tishox rueq nuimshiq muex kuq kv-phuinx mungx wawc ghaqyungx htenc kuex khvt vtueq lvp wvnc shuinx yuq, kvruex wawc miq htenc kuex lotlaz thvy gay rax.

TRI CHONGKE 3:2

Yuq muinz Yehowa rueq ngaz muex ngoc, ‘Piq muex nauk hiz kaz. Ngaz rueq piq maq raz tueq piq miq htenc kvmuinz, piq mungtan kvmuinz, m-yauk nuex lekuq phaungx. Mnoz kuex Heshbon ghaq kuex guimz jix Amori hokhvmx Sihon kuex khvt gay toq ikhoc piq kvmuinz khvt gay shuiuz,’ ngoz tueq jungx phuex.

TRI CHONGKE 6:19

Vpiq bomkhvmc rulc rv-ngvlc nuimshiq ralx htenc kuex yurc gay lot shuinx.

TRI CHONGKE 9:3

Yuq muinz Yehowa nuimshiq Tishox kuex nuimshiq khaungx tvmax nuex thuiuz hvlc wvrluic ikhoc, kaz wvnc tueq kuex nuimshiq rueq majuiuc khiz wvnc shuinx. Nuimshiq kaz yaq nuex vpiq rueq tsuingshiq kuex taungx gay ningkhvnc nuex vpiq bomkhvmc httax yaq rulc rv-ngvlc nuimshiq rueq tsuingshiq kuex yurc gay ruiux yauk lox maq tvbac gay wvnc shuinx.

JOSHUA 1:4

Nuimshiq mungtan ghaqruiy kuex ghaqyaz kox kumtsvy tvnx maq ghaqkhux kox Lebanon Kanx htenc nuex httuiuc laz, shaldungc kox Euphrat Ruilx maq Hitti mungx kuex yanz wvnc vtueq shalx nyuip kox Svmuktvrax Mediteranean nuex httuiuc laz rvtuex.

JOSHUA 10:19

yuq muinz nuimshiq rueq kvyuq nauk httax kaz. Ralx htenc yix kvyuq yurc vtueq khvt shuinz, miqghaq nuex nauk tv-nyuip kaz! Yehowa nuimshiq Tishox rueq ralx htenc kuex tvtaungx gay kv-phuinx shex,” ngoz tueq jungx tueq.

JOSHUA 10:8

Yehowa rueq Yoshua muex ngoc, “Tsuinghez muex nauk hiz kaz. Ngaz rueq tsuinghez kuex mnoz muex tvtaungx gay vphaungx. Uraq muinz mnoz kuex tvgawx lot muq,” ngoz tueq jungx tueq.

JOSHUA 13:6

Lebanon Kanx htenc maq Misrephot Maim hvl nuex httax yaq kuz ghaq wawc miq wvyvmc rvtueq, Sidon miqsaz ghaqphux lotlaz lomx yaq. Israel miqsaz kvtenc waung wvnc ruiux yuq, kvruex miq htenc kuex ngaz rueq yurc gay shaungx. Ngaz rueq mnoz muex nvr phaungx rulc rv-ngvlc Israel miqsaz muex ghaqphux htenc kuex phvlc kuy rax.

JOSHUA 2:24

“Vsuingc suing Yehowa rueq naungshiq muex kvruex mungx wvmungx tuimx kuex kuq phuex shex. Mungx miqsaz lotlaz naungshiq muex hisungx wuez yaq,” ngoz tueq jungx tueq.

JOSHUA 21:44

Tsuingshiq jix vwaz tamx muex bomkhvmc kuq tueq rulc rv-ngvlc wvmungx tuimx nuex nomic httaz muex Yehowa rueq tsuingshiq muex kuq tueq. Yehowa rueq Israel miqsaz ralx lotlaz kuex tvtaungx gay ningkhvnc nuex ralx lotlaz kuex vshiz raung muinz kvtenc jvp lot muq.

JOSHUA 23:14

“Majuiuc ngaz kuex vthueyc wvnc shex. Yehowa nuimshiq Tishox bomkhvmc rulc rv-ngvlc vhvlx phvnx kejux httax yaq lotlaz nuimshiq muex kuq kv-phuinx kuex nuimshiq vshiz maq vshiz rueq miqmac thuinz vmungx maq nuiyc thuinz maq tuiuz vshuinx. Vpiq bomkhvmc lotlaz kuex tvhungx lot tueq shex, phvnx shiz muinz tvyomx gay muq doc.

JOSHUA 24:11

Nuimshiq rueq Yodan ruilx kuex yanz wvnc vtueq Yerikho nuex httuiuc kaz tuit. Amori, Perizi, Kanaan, Hitti, Girgashi, Hiwi nuiyc Jebusi miqsaz htenc rueq ruez tueq ikhoc Yerikho miqsaz rueq nuimshiq kuex khvt tueq. Yuq muinz ngaz rueq tsuingshiq kuex nuimshiq muex lotlaz tvtaungx gay phaungx.

JOSHUA 24:12

Nuimshiq waung wvnc tuit nuex Amori hokhvmx waz nueyc kuex yurc gay tvkoc tsuingshiq yix nuex kvhiz juing phvnx ngaz rueq tvkaz tauk. Nuimshiq yaung htenc nuiyc laq htenc maq taungx wvnc tuit rvmuq.

JOSHUA 24:18

Naungshiq vruex mungx nuex nyuip wvnc tiq nuex vruex mungx nuex httax yaq Amori miqsaz lotlaz Yehowa rueq yurc gay tueq. Kvkhoc rvtueq nuiyshiq rueq muinz Yehowa muex dvyx nawk palx wuez shix; vpiq dvyx naungshiq Tishox rvtueq,” ngoz tueq tvralc tueq.

JOSHUA 24:8

Kvruex yimaq ngaz rueq nuimshiq kuex Yodan ruilx maq shaldungc kox nuex Amori miqsaz httax yaq mungx nuex shvlx wvnc phaungx. Tsuingshiq rueq nuimshiq khvt tueq, yuq muinz ngaz rueq nuimshiq muex tvtaungx gay phaungx. Nuimshiq rueq tsuingshiq mungx kuex khvt kaz tuit nuex ngaz rueq tsuingshiq kuex tvbac gay tauk.

JOSHUA 8:18

Kvkaq Yehowa rueq Yoshua muex ngoc, “Mpaq kuex Ai ghaq kox kvyuq tvmuez shuiuz; kvruex ghaq kuex mnoz muex ngaz rueq lekuq vphaungx,” ngoz tueq jungx tueq. Yoshua rueq muinz vpiq rueq jungx tueq rulc rv-ngvlc ruez tueq,

JOSHUA 8:7

Kvkaq nuimhez kvhttuiyq vtuinx kvmaq dung kaz vtueq ghaqyungx kvruex lung wvnc shuinz. Yehowa nuimshiq Tishox rueq ghaqyungx kuex nuimhez muex kuq kv-phuinx.

JOSHUA 9:7

Yuq muinz Israel miqsaz rueq, “Nuimhez nuiyc nuiyshiq kuex yvmx ningkhvnc nuex lac bomkhvmc rvtvy tix? Nuimhez kuex vnyek vyuq httaz jix rvtuit shvmx,” ngoz kuq tueq.

PHOWEBI 1:4

Yuda phvnx kuex vdvmz nuex ralx khvt kay kaz wvnc tueq. Yehowa rueq Kanaan nuiyc Perizi miqsaz htenc khvt taungx gay tvkoc tsuinghez muex kuq koq tueq, Bezek ghaq wawc miq munshiz kuex khvt thvt gay tueq.

PHOWEBI 11:21

Yuq muinz Yehowa Israel Tishox rueq Sihon nuiyc piq nolaungx bix htenc kuex Israel miqsaz muex tvtaungx gay tueq. Kvkhoc rvtueq Amori miqsaz htenc httax yaq ghaq vraungx lotlaz kuex Israel miqsaz rueq khvt lvp wvnc tueq.

1 SAMUEL 23:4

Rvkoq tueq Dawid rueq Yehowa muex laukshiz hulawx wiz yek tueq, Yehowa rueq jungx kuq tueq kuex, “Kela ghaq nuex kaz vtueq khvt kaz kuiuz, ngaz rueq mnoz muex Philistin miqsaz kuex tvtaungx gay phaungx,” ngoz tueq jungx tueq.