DUNGWVNC 23:32 - Hawa Naga Bible 2001

³² Tsuingshiq rulc rvmuq ngoz ruiux tsuingshiq tishox htenc rulc nuimshiq nauk rungx raz naungx kaz.

ASII LAKDAP Bible (BSI)

³² Tsangshiq rai jamphan niimin naq pong damkiq. Riimakla tsangshiq phra thun rai min naq pong damkiq.

DUNGWVNC 23:32 Referencias Cruzadas

Tvtsvmc 106:35

pungnuk miqsaz rulc shung ngaungx wuez tueq nuiyc pungnuk htungx vlayx htenc kuex tsuingshiq rueq phvnx wvnc wuez tueq.

DUNGWVNC 23:13

“Nuimshiq muex ngaz Yehowa rueq jungx vphaungx phvnx ruip saz kuex tay shuinz. Vganc tishox htenc kox wawc nauk thoz kaz; kvruex hez muingc htenc doc muinz nauk jungx kaz.

DUNGWVNC 23:24

Tsuingshiq tishox htenc kuex bumx vtueq nauk nawk palx kaz, tsuingshiq htungx vlayx kuex nauk phvnx kaz. Tsuingshiq vsawc lunghtung htenc nuiyc tsuingshiq tishox htenc kuex tvbac tv-ngawk gay shuinz.

DUNGWVNC 34:12

Nuimshiq rueq khvt wvnc shuinz miqsaz rulc nomic rvyaungc muit tvkoc honc lvmz shuinz, kvkhoc ruez ruiux yuq nuimshiq kuex tsuingshiq rueq bix vtsvnc mungx nuex dvy wvnc tuinx.

DUNGWVNC 34:15

Nuimshiq rueq kvruex mungx wawc miqsaz rulc kungjix bomkhvmc nauk rvtvy kaz, yvmx khoc lac ngoz ruiux lec tsuingshiq rueq tsuingshiq tishox htenc muex nawk palx vtueq shomc nawk kuq shuex nuex nuimshiq kuex gvl ruiux, tsuingshiq tishox htenc muex vshomc kuq phuiuz vsvy maq laulawc rvhumc tuinx rvtueq.

2 Corinthians 6:15

Christu nuiyc Satan kuex yvmx khoc lac rungx raz lot tvnx? Kvmluimx miqsaz nuiyc kvmluimx muq miqsaz kuex yvmx khoc lac vdvmz nuex httax lot tvnx?

TRI CHONGKE 20:18

Tsuingshiq tishox htenc kuex nawk palx shuex nuex tsuingshiq rueq shuimx yaq miqsuirc vsac phvnx nuimshiq muex tvluing kuq vtueq, nuimshiq rueq Yehowa muex mvrax yaq gay muit mruez kueq, tsuingshiq kuex thvt gay shuinz.

TRI CHONGKE 31:5

Yehowa rueq tsuingshiq kuex nuimshiq muex tvtaungx gay kv-phuinx, ngaz rueq jungx vphaungx rulc rv-ngvlc tsuingshiq kuex nuimshiq rueq khvt taungx gay wvnc shuinx.

TRI CHONGKE 7:1

“Yehowa nuimshiq Tishox rueq nuimshiq rueq lvp wvnc shuinz mungx kvyuq nuimshiq kuex shvlx wvnc vtueq, kvruex mungx wawc miqphvnx paunghvlc kuex yurc gay tueq. Nuimshiq kvtenc kaz wvnc ruiux yuq, vpiq rueq nuimshiq htauk nuex muinz miq vpaung, luimc vkawc httaz hvlc miqphvnx mvshix rvtueq, Hitti, Girgashi, Amori, Kanaan, Perizi, Hiwi nuiyc Jebusi miqsaz htenc kuex yurc gay shuex.

TRI CHONGKE 7:16

Yehowa nuimshiq Tishox rueq nuimshiq yauk nuex vlekuq miqphvnx httax yaq htenc kuex nuimshiq rueq tvbac gay rax, tsuingshiq muex menjenc mvy muq. Tsuingshiq tishox htenc kvruex nawk palx mvy muq, nawk palx ruiux yuq kuex nuimshiq tvkoc bix muex yaungx tuex.

TRI CHONGKE 7:2

Yehowa nuimshiq Tishox rueq kvruex miqphvnx htenc kuex nuimshiq yauk nuex lekuy ningkhvnc nuex nuimshiq rueq khvt taungx gay shuinx kvkaq, tsuingshiq lotlaz thvt gay shuinx. Tsuingshiq rulc kungjix rvyaungc mvy muq, tsuingshiq muex menjenc mvy muq.

JOSHUA 10:40

Yoshua rueq wvmungx tuimx khvt taungx gay tueq. Piq rueq kuz wawc hokhvmx bix, shaldungc kox kanx yuiuc wawc nuiyc shalx nyuip kox kanx yaz wawc hokhvmx bix nuiyc ghaqyaz kox ghaqshanx hong htenc wawc hokhvmx bix htenc kuex khvt taungx gay tueq. Kvruex wawc mungx miqsaz lotlaz kuex thvt gay tueq. Yehowa Israel Tishox rueq nvr tueq rulc rv-ngvlc kvkhoc khvt wvnc tueq.

JOSHUA 9:7

Yuq muinz Israel miqsaz rueq, “Nuimhez nuiyc nuiyshiq kuex yvmx ningkhvnc nuex lac bomkhvmc rvtvy tix? Nuimhez kuex vnyek vyuq httaz jix rvtuit shvmx,” ngoz kuq tueq.

PHOWEBI 2:2

Nuimshiq rueq vruex mungx nuex httax yaq miqsaz rulc yvmx dvyx ruezruez bomkhvrc tvy mvy muq. Nuimshiq rueq tsuingshiq shomrawx htenc kuex httak gay rax,’ ngoz tueq jungx tueq. Yuq muinz nuimshiq rueq ngvy kvjaz tay muit, yvmx ngoz tueq lac kvkhoc ruez vshuinx!