DUNGWVNC 23:33 - Hawa Naga Bible 2001

³³ Nuimshiq mungtan kvyuq tsuingshiq kuex tvhttax mvy muq; nuimshiq rueq tvhttax ruiux yuq, tsuingshiq rueq nuimshiq kuex ngaz muex mvrax tvyaq kuq kv-phuinx. Mkhoc shoc maq nuimshiq rueq tsuingshiq tishox htenc kuex nawk palx ruiux yuq, kvruex kuex vsuing nuimshiq manc juing bix rvtuex,” ngoz tueq jungx tueq.

ASII LAKDAP Bible (BSI)

³³ Tsangshiqnok ka ümmung na naq tiishongkiq. Kra riihaüla, tsangshiq raq ümniika iman na ngarai mitiitang. Kiimaq ümniiraq tsangshiqnok phra thun kra shomnoq haüla, kriika üm miisaq thum chang thiikho ma mijaki.”

DUNGWVNC 23:33 Referencias Cruzadas

1 HOKHVMX 14:16

Jeroboam kuex mvrax yaq vtueq Israel miqsaz htenc mvrax lvmx nuex shvlc lvy ningkhvnc nuex Yehowa rueq Israel kuex tuip gay shec shuex,” ngoz tueq jungx tueq.

2 KAÜWA WERAÜ 33:9

Yehowa rueq vpiq miqsaz htenc kvtenc kaz wvnc tueq nuex mungtan wawc yuz yurc gay tueq miqphvnx htenc yaq gay wvnc tueq mvrax htauk nuex jvnc vtueq Manase rueq Yuda miqsaz muex lvmx shvlc tvyaq kuq tueq.

Tvtsvmc 106:36

Tishox miqsaz htenc rueq yac yuimx nawk palx wvnc wuez tueq, kvruex kuex tsuingshiq bac wvnc juing lvmx tvyaungc rvtueq.

DUNGWVNC 10:7

Hokhvmx waz miq vyungx vlaungx bix rueq piq muex ngoc, “Vruex waz vraq naunghez kuex mtanc nuex httuiuc laz lac kuilc daz tvrvhumc phvnx? Tsuingshiq Yehowa Tishox muex nawk palx kuy kay tvkoc, Israel miqsaz kuex mkaz kueq. Ejip mungx bac wvnc vtuex kuex mnoz rueq tuiuz muq haz?” ngoz tueq jungx tueq.

DUNGWVNC 23:24

Tsuingshiq tishox htenc kuex bumx vtueq nauk nawk palx kaz, tsuingshiq htungx vlayx kuex nauk phvnx kaz. Tsuingshiq vsawc lunghtung htenc nuiyc tsuingshiq tishox htenc kuex tvbac tv-ngawk gay shuinz.

DUNGWVNC 34:12

Nuimshiq rueq khvt wvnc shuinz miqsaz rulc nomic rvyaungc muit tvkoc honc lvmz shuinz, kvkhoc ruez ruiux yuq nuimshiq kuex tsuingshiq rueq bix vtsvnc mungx nuex dvy wvnc tuinx.

TRI CHONGKE 12:30

Yehowa rueq miqphvnx htenc kuex tvbac gay yix maq, nuimshiq rueq tsuingshiq nawk palx htungx vlayx kuex phvnx muit mruez shueq honc lvmz wuez shuinz, kvruex kuex vthueyc juing yauk shuimc rvtueq. Nuimshiq rueq kvkhoc nawk palx muit mruez shueq, tsuingshiq tishox htenc muex mkhoc lac nawk palx yaq nguinx ngoz tueq nauk hunglaungx thuiyx kaz.

TRI CHONGKE 20:18

Tsuingshiq tishox htenc kuex nawk palx shuex nuex tsuingshiq rueq shuimx yaq miqsuirc vsac phvnx nuimshiq muex tvluing kuq vtueq, nuimshiq rueq Yehowa muex mvrax yaq gay muit mruez kueq, tsuingshiq kuex thvt gay shuinz.

TRI CHONGKE 7:1

“Yehowa nuimshiq Tishox rueq nuimshiq rueq lvp wvnc shuinz mungx kvyuq nuimshiq kuex shvlx wvnc vtueq, kvruex mungx wawc miqphvnx paunghvlc kuex yurc gay tueq. Nuimshiq kvtenc kaz wvnc ruiux yuq, vpiq rueq nuimshiq htauk nuex muinz miq vpaung, luimc vkawc httaz hvlc miqphvnx mvshix rvtueq, Hitti, Girgashi, Amori, Kanaan, Perizi, Hiwi nuiyc Jebusi miqsaz htenc kuex yurc gay shuex.

TRI CHONGKE 7:16

Yehowa nuimshiq Tishox rueq nuimshiq yauk nuex vlekuq miqphvnx httax yaq htenc kuex nuimshiq rueq tvbac gay rax, tsuingshiq muex menjenc mvy muq. Tsuingshiq tishox htenc kvruex nawk palx mvy muq, nawk palx ruiux yuq kuex nuimshiq tvkoc bix muex yaungx tuex.

2 Timothy 2:26

Kvkaq tsuingshiq rueq vlvmz khiz wvnc vtueq Htaungc waz rueq vtsanc bix wawc dung wvnc lvp tuex, kvruex htaungc waz rueq tsuingshiq kuex lvp vtueq piq thuinroc lvmx nuex tv-phvnc yoalx shex waz rvtueq.

JOSHUA 10:40

Yoshua rueq wvmungx tuimx khvt taungx gay tueq. Piq rueq kuz wawc hokhvmx bix, shaldungc kox kanx yuiuc wawc nuiyc shalx nyuip kox kanx yaz wawc hokhvmx bix nuiyc ghaqyaz kox ghaqshanx hong htenc wawc hokhvmx bix htenc kuex khvt taungx gay tueq. Kvruex wawc mungx miqsaz lotlaz kuex thvt gay tueq. Yehowa Israel Tishox rueq nvr tueq rulc rv-ngvlc kvkhoc khvt wvnc tueq.

JOSHUA 23:13

nuimshiq kvtenc kaz wvnc ruiux muinz Yehowa nuimshiq Tishox rueq miqphvnx kvruex vsuingc suing yurc gay muq lvmz kuex nuimshiq rueq tuiuz taq wuez shuinz. Tsuingshiq kuex nuimshiq tvkoc phex, rvmuq ngoz ruiux ghaqkhurx, vwungc juing svnthuingx, muik nuex suk yaq shuiuq ikhoc pinhtumc kvhiz juing muex yaungx tuex. Kvdvyx muinz rvmuq Yehowa nuimshiq Tishox rueq nuimshiq muex kuq kv-phuinx vruex vhvlx mungtan vwawc nuimshiq vshiz muinz tvjungx muq thvy gay nuex httuiuc laz vkhoc ruez shuex.

PHOWEBI 2:2

Nuimshiq rueq vruex mungx nuex httax yaq miqsaz rulc yvmx dvyx ruezruez bomkhvrc tvy mvy muq. Nuimshiq rueq tsuingshiq shomrawx htenc kuex httak gay rax,’ ngoz tueq jungx tueq. Yuq muinz nuimshiq rueq ngvy kvjaz tay muit, yvmx ngoz tueq lac kvkhoc ruez vshuinx!

PHOWEBI 2:3

Kvkhoc rvtueq ngaz rueq majuiuc jungx kuq ix, vruex mungx wawc miq htenc kuex nuimshiq rueq khvt kaz tuinx nuex ngaz rueq yurc gay shaungx rvmuq. Tsuingshiq kuex nuimshiq muex ralx yaungx tuex, nuimshiq rueq tsuingshiq tishox htenc kuex nawk palx laz juing bix tsanc wuez shuex,” ngoz tueq jungx tueq.

1 SAMUEL 18:21

Piq rueq, “Michal kuex Dawid muex kuq shaungx; Dawid kuex tsvnc tvkoc isaz kuex tvyaungc shaungx. Kvkaq piq kuex Philistin miqsaz yauk nuex tvthvt gay shaungx,” ngoz tueq. Kvkhoc rvtueq Sholu rueq Dawid muex ngoc, “Mnoz kuex ngvy kix waz rvtoq,” ngoz tueq lauk nueyc ngoc yaungc jungx yek tueq.