DUNGWVNC 24:1 - Hawa Naga Bible 2001

¹ Yehowa rueq Moshe muex ngoc, “Mnoz rueq Arun, Nadab, Abihu nuiyc Israel walaungx bix warok mvshix kuex shvlx laq vtueq, kanx nuex duiz woz luit; vluz maq dvyx ngaz muex bumx vtueq mnawk palx phueq.

ASII LAKDAP Bible (BSI)

¹ Tatiwe raq Mosheq ma nguto, “Pum na dü wan lanta Ngi phana wa rongra. Ümnaq rai Aron, Nadab, Abihu, kiimaq Israilnok welabi roq miishi kra shea wan laüta wara. Kiimaq namshiq ka phanshi alu lin miili hiq na bum lanta Ngi ka shomnoq ronglaq.

DUNGWVNC 24:1 Referencias Cruzadas

1 KAÜWA WERAÜ 6:3

Amram rueq vsaz miqwaz vnueyc lvp tueq, Arun nuiyc Moshe rvtueq, yalxjuik saz kuex Miriam rvtueq. Arun sahez waz bvlic httax yaq: Nadab, Abihu, Eleazar, nuiyc Ethamar rvtueq.

DUNGWVNC 1:5

Vruex hez htenc kuex Yaku suiuz vsaz shauk wawc miq warok mvshix rvtueq. Yosep kuex Ejip mungx nuex vhttuiuc wuez shex rvtueq.

DUNGWVNC 19:20

Yehowa kuex Sinai Kankhux nuex svt kaz vtueq, Moshe kuex kankhux kvyuq gvl tueq. Moshe duiz woz koq tueq,

DUNGWVNC 19:24

Yehowa rueq, “Mnoz svt kaz vtueq Arun kuex gvl wvnc loq. Yuq muinz shomc waz bix nuiyc miq htenc kuex ghaqruiy yanz vtueq, ngvy kox nuex duic waungc mvy muq, rvmuq ngoz ruiux ngaz rueq tsuingshiq muex murx tvgurc shaungx,” ngoz tueq jungx tueq.

DUNGWVNC 19:9

Yehowa rueq Moshe muex ngoc, “Ngaz kuex htvy hvlc phuemx daungx maq mnoz kox nuex kaz raungx, mnoz rulc ngaz kvjak taungx kvjaz kuex miq htenc rueq tay ruiux yuq, majuiuc vmaq phaungc vtueq mnoz muex kvmluimx wvnc tuex,” ngoz tueq jungx tueq. Miq htenc rueq tvralc tueq kvjaz kuex Moshe rueq Yehowa muex tvtay jungx koq tueq,

DUNGWVNC 20:21

Yuq muinz miq htenc kuex loayc hvlc nuex dvyx jvp wuez tueq, Moshe dvyx Tishox httax yaq phuemx nyauk daungx hep kvyuq kaz tueq.

DUNGWVNC 24:15

Moshe kuex Sinai kanx nuex duiz waung koq tueq, phuemx rueq puingc wvnc tueq.

DUNGWVNC 24:2

Mnoz dvyx ngvy hep nuex woz loq, vganc jix htenc kuex ngvy hep nuex nauk m-waung ngueq. Mungx miqsaz htenc kuex kanx nuex duic waungc mvy muq,” ngoz tueq jungx tueq.

DUNGWVNC 24:9

Moshe, Arun, Nadab, Abihu nuiyc Israel walaungx bix warok mvshix kuex kanx nuex duiz vtueq,

DUNGWVNC 28:1

“Mphuz Arun nuiyc piq sahez Nadab, Abihu, Eleazar, Ethamar tsuinghez kuex gvl shuiuz. Tsuinghez kuex ngaz muex shuimc kuy tvkoc shomc waz yaungc muex, Israel miqsaz phungc kvwawc thvl taq shuiuz.

DUNGWVNC 3:5

Tishox rueq, “Nyek hvlc nuex nauk kaz vkueq. M-yaz paungc kuex put shuiuz, yvmx khoc lac ngoz ruiux lec mnoz jvp vtuiux baung kuex vsawc rvtueq.

DUNGWVNC 34:2

Invp raungnvp ngaz rulc rvhumc tvkoc Sinai Kankhux nuex duiz woz loq.

DUNGWVNC 6:23

Arun rueq Amminadab saz Nashon shvlx nyuiuz Elisheba kuex lvmz tueq; piq rueq Nadab, Abihu, Eleazar nuiyc Ethamar kuex jawx tueq.

EJEKIEL 8:11

Kvruex yuq Shaphan saz Jaazania muinz vlomx Israel walaungx bix waz rok mvshix httax yaq. Miq pumz tek vtueq vhomc vtumc phvnx juiuz juing panx htenc shuimx wuez vtueq kvruex panx kvwawc wvr khuiuq htenc kvtenc wvnc tueq.

WEAWEA 11:16

Yehowa rueq Moshe muex ngoc, “Israel miqsaz wawc muingc jungc vhttax walaungx bix rok mvshix kuex ngaz httax yaq Tap vyuq mnoz rulc vdvmz jvp kay naungx tvkoc jungx shuiuz.

Luke 10:1

Kvruex yimaq Taungjix rueq miq vganc waz 72 thvl vtueq, wanueyc nueyc maq raz tueq vpiq kaz yaq miqghaq nuiyc baung ruip saz nuex vpiq max nuex tvkaz tueq.

Luke 10:17

Miqwaz 72 kuex vkoz vkez thuinz maq yek waung vtueq, “Taungjix lex, mmuingc maq nvr koq tueq htaungc htenc rueq nuiyshiq kvjaz tay wuez tueq!” ngoz tueq.

TRI CHONGKE 1:15

Kvkhoc rvtueq ngaz rueq tsuingshiq phvnx htenc kvwawc wvhonc wvtharc jix nuiyc vthenc vtuiuz jix, vkhic vtay vpaung jix walaungx bix htenc kuex thvl vtueq, tsuinghez muex tvguimz tvlawc tauk. Wvyvmc kuex miq hingshiz guimz jix, wvyvmc kuex miq shashiz guimz jix, wvyvmc kuex miq rok bv-ngac guimz jix, wvyvmc kuex miq rokshiz guimz jix muex tvhungx taq tauk. Ngaz rueq walaungx bix vganc muinz vphvnx tv-phvnc tvhungx taq shex tauk.