JEREMIA 6:1 - ASII LAKDAP Bible (BSI) Benjamin wangti lei, maiqmii khupi jutlo ronglaq! Jerusalem wa chiim jintlo ronglaq! Tekoa hiq na redong hünong buktlo ronglaq. Kiimaq Beth-Hakherem hiq na redong wanii tu tiinyaitlo ronglaq. Shekhu nü maq mungthen wan chang nai mungbun wan chang rahai ka saü wantlo she. Hawa Naga Bible 2001 Benjamin miqsaz lex, kvwungx tvkoc yuz wuez kuinz! Yerusalem maq kaz wvnc kuinz! Tekoa ghaq maq bolic kuex tvthuiz shuinz, Bet Hakerem ghaq maq httoarc tvlvp wvr htung kuex tvjvp shuinz. Thuimkux nuiyc tvbac jix kuex ghaqkhux kox maq httuiuc kaz yaq shex. |
Kra ningkhan, Joab raq jechak nyung ashi pinthum khonglaq, Tekoa hiq na siti nyung kra tiiheakai tiikito. Kriinyung ka saüwa kiitiishe, apaiq raq akha chongkuqto, “Ümniika maaho majü shiri rai tlaq nyung ikha jashalaq. Ümkhu ümkhea ka maaho manyi miirii khea kra samlaq. Ümkhu kiimin naqthaikiq. Ümniika rahiq luhea she maaho manyi shiri raitlaq nyung ikha tiihonjalaq.
Beth Hacherem wang pengti, Rechab se Malchija riika, Sinchiitsap Phong Kilamchong ba tiihea haito. Apaiq raq kilü thun ka haito, raüta, kilamchong na jinpan maq keabaiqto. Raüta kilü lachang jinpan thun kra tiihongto.
Kiimahali, Tekoa chela na siti nokmaiqse riika, Jadok raq haitaq kra jaqtho maq tiichap wan raüta, long khetuk kra tiihea haito. Shatmaq tiina, kra chela na siti tsangshiq welabi riika, tsangshiq rii jaqsham apheakuq kra, tsangshiq jaq miika shamki mai nguta jaqsham liiketi ashun asheatibi bom ka taimak akhü riito.
Taironglaq! tsütsa she saükito! Shekhu nü mung maq reshe dong wanto! Kra re raq Juda mung wa chela thun ka kumtsaiphii ma mitiijabaiq, miikakoi kong sichang miishe mija wan.”
‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.
Kumrang thaq na chaoti phenlabi, nai liq witinok thun saksok laqsaq trang kra tai raüta maiq thun wiita apin ajin mijutrang. Maiq wiijam ka rum na miju, wiijam ka long raqkhong na mitiipaü ju. Chela thun wiita maiq ahü siirai miraq, kiimaq kra chela thun na maiq ka jumin siwa nong mak she miraq.
Tatiwe raq nguto, “Maiq ka shekhu nü mung wa misaüho. Maiq mung ashi ningkun jonghea riimtinok kiimaq luhea na sitinok ka arkhat miitu rechap shuntlo.
Arka Tekoa chela na siti skurümti Amos raq achong riisham bomtsi. Ara riisham bomchong arka hiqjong mimushaq na rawii wiinai kongkhu ji na Juda mung langti hokhamwe Ujjia kiimaq Israil mung langti Jehoash se Jeroboam raq lang tlaq pat na Shiikeawe raq Amos lümaq Israilnok miitu riisham bomtsi atiichongki thun kra riito.
Redong lerong tsühaü jaq, chelati mungmaiqse haimak shea? Tatiwe raq tiikaihü maq, chamchao litkot chela na mipinshea?
Kumrang nyaq kaü nai raq hittlaq leng ka, Bebilon mung maq shekhu nü na wawanto. Kiimaq kumrang ronglü kaünai raq hittlaq leng ka shenyap mung nü na wawantlo. Kiimahali kumrang kaünai tsamrü tsamra rong raq hittlaq leng ka shemai nü mung na wawantlo chhikang.
Shatmaq, Juda phan raq Jerusalem na siti Jebusaiqnok ka jobaiqlot mak dea riito. Kra ningkhan, Jebusaiqnok ka ümchaü niitaq Juda phan rai kiijiili sidamtlo.
Shatmaq Benjamin phan raq Jerusalem chela na siti Jebusaiqnok ka jobaiqlot mak dea riito. Kriikha na Jebusaiqnok ka ümchaü niitaq Benjamin phan rai adam niili sitlo.