JEREMIA 26:2 - ASII LAKDAP Bible (BSI) Tatiwe raq ngi ma chongto, “Ümniika Shomjam rinkea kiijaq chaplaq. Laüta Juda mung chela thun wa mungmaiqse noqku lomwa awati tlotli ma Ngi raq ümniima jamlai bomtsi wa chiiriim laüta chonglaq nguta aming kuq kang kra wiita chongkuq laq. Bomtsi ka poshi min naq laq kiq. Hawa Naga Bible 2001 Yehowa rueq ngaz muex jungx phuex, “Shomc Yuimx wangx mungx nuex jvp vtueq Yuda ghaq htenc wawc vhttuiuc kaz miq htenc rueq nawk palx tvkoc ngaz rueq mnoz muex nvr phaungx htenc kuex jungx kuq shuiuz. Yvmx muinz tvjungx shec mvy muq. |
Jeremia lei, tiijelaq; kilaq laüta ngi raq ümniima jamlai aming wa kuqkang thun kra wiita tsangshiq ma chongkuq kiqkiq. Ümniika ümchaü tsangshiq ma naqhaikiq. Riimakla, ngi raq ümniika tsangshiq rai she riihumtlaü na ngi raq ümhai ka tiisihea she mitiisiha.
Shatmaq Tatiwe raq ngi ma nguto, “Ümniika nose se li ngutiika naq ngukiq. Shatmaq ngi raq ümniika mungmaiqse phana tiikitiikang kiijaq kilaq, lata ngi raq ümniima aming kuqkang kra phan phan bom ka kunli michong kuq haü.
Kra lata ngi ka Topheth Tan na Tatiwe raq apaiq bomtsi ka chiiriim laüta chongkuq kikiq nguta thaütaq kra chongkuq lot latiishe jang wan kang. Lata ngi ka Shomjam rinkea kiijiishe chapwa kang. Lata mungmaiqse wiita ma kra bomtsi kra chongkuq kang.
Ümriiti shammiwe riiwa rawama lam lamli mataq, kriiwe riika, miinan rawa mali tiina nguta ngochang. Shatmaq ümriiti shammiwe riiwa ibomchong kra taitaq, apaiq raq kra bomtsi ka tsapkapkap maq nanok ma chiiriim raüta trahoke ratlo. Tsamchhii kriika bunwong wong rai triingea chang asi sha?
Kiijiishe Shomjam na ramwebi man na kiimaq mungmaiqse chaptlaq kra man na, ngi raq Hanania ma ngukang:
Kiijiishe, mungmaiqse wiita raq tiitsang taishat na, Barukh raq lakdam kom wa ngi raq chongkuq kang kra phanphan tiitai phat kuqto. Apaiq raq arka Shomjam mong maq, Shaphan se Gemariah, apaiq ka Shomjam rungkhok liiti cherewe, ngachang khok maq phat kuqto. Apaiq khok ka rathongti rungkhok na Shomjam na walam Kilamchong Nye tho na riito.
Kiijiishe ngi raq trekang, “Ahea na, ikhiijiika. Ngi raq nashiq Tatiwe, Shiikeawe jaq wa achu mijaü kang. Namshiq raq ngi ma chong lan kra phan phan, kiimaq apaiq raq ngi ma jamlai wa chongjiiq kra namshiq ma michong kang. Ngi raq namshiq ma jamlai bom min dampaü mang michong kuq kang.”
“Arningkhan na, Jeremia lei, ümniiraq arthun ibomtsi ara isenginok ma chongkuqlaq. Shatmaq tiina tsangshiq raq taimak miraq. Ümniiraq tsangshiq ka ahea mirhaü. Shatmaq tsangshiq raq ümbom ka tre mak miraq.
Shiikeawe raq tlü wantlii akha nguto, “Maiqse lei, Ngi raq ümniima jamlai bom wa chongkuq tiikang kra wiita tsapkapkap tiitsang tailaq. Laüta ümtsan na shaqlaq.
“Riita, ümchaü min, maiqse lei, Ngi raq ümniika Israil mung thaq na kintsongti miishe shongtiikang. Ngi raq ümniima honlam bom chongtiikang kra ümniiraq tsangshiq ma tlü chongke ratlo.
Apaiq raq ngi ma nguto, “Tiitsang liilaq, maiqse lei. Samheawiq tiitsang dada tailaq kiimaq Ngi raq ümniima jamlai wa tiichhikuq tiikang kriithun ka samhea shrira liilaq. Laüta tsan na tiitsang thülaq. Jamkhano ngukla ara miitu ümniika arjaq sheahoto. Ümniiraq ümmak maq jamlai wa chhitlaü thun ka Israilnok ma chongke chang miraq.”
Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”
Jesuq raq mungmaiqse ma wranaiqshe, Shomjam maq traho bom chongkuqto. Shatmaq Ramwe jongbi nai Thungtri shrinketibi, kiimaq welabi raq apaiq ka atsea baiq chang nguta mat ka tan wan ruq li she riito.
Kiijiishe, Jesuq raq apaiq bom ka treto, “Ngi riika nokwe man na kholam kholiiq maq traho bom chongkuq wan kang ihata. Ngi raq mungmaiqse ma traho bom chongke wan ka nokwe riitam nga chang sinagok thun nai Shomjam mong maq chongkuq wan kang ihata. Ngi raq adam apaü lam maq, jamlai bom min chongkuq mang.
Anap ranaiq miishe, ranap chu maq, apaiq ka Shomjam rinkea rukmong na kiho nongto. Kra akhing na maiq pahea ka apaiq tro na riitam ngato. Krai mren, apaiq min anga raüta tsangshiq ma Shiikeawe bomtsi shrinkuqto.
Namshiq raq asap han, ngi raq namshiq ma Shiikeawe bomtsi ka nokwe man na chongkuq wankang akhing na, kiimaq namshiq jam na khum lata shrinkuq wankang akhing na, namshiq ma jamlai phan wa ahea, kra akhiismin dam paü mang phan maq, tiitho tiipha chongphan kuq kang she.
Ara jamkhano chongtiikang ngukla, Shiikeawe raq jamlai wa mikuqha nguta tiihong tha kuqtaq, kra bomtsi thun kriika, ngi raq poshi min tam mang maq, namshiq ma kholam kholiiq rairai riirii, wiita chong kuq kang she.
Kra liipan niili, maiq weshi ka Rung khok na nyap wa raüta welabi ma, “Welabi lei! Namshiq raq phaqtek mong na shaqlan maiqwetiim irka, ümchaü Shomjam na nokmaiqse ma trahoke rea!” nguta tsütsa ka tsangshiq ma tiitaito.
Krai mren, tsangshiq raq wranaiqtek, Shomjam mong maq nai maiqjam maq, Jesuq kiidea Khristo nguta, Tsütsa Ahea kra nungpaq mak phan maq, shrin kuq wanto. Kiimaq traho hokuq wanto.
“Ngi raq namshiq ma ümchuwa aming kuqkang thun kra wiita lang ronglaq. Arthaq na laihin naq tiitsuq rongkiq. Kiimaq kriithun wa aming tsi shi ra min lambaiq maimak.
Namshiq maiqphan ümchuwa sitlan kra hiqshong thun liipan wa, Tatiwe raq hiqshong bashi atsea miraq. Kra hiq na namshiq tarü kilanta apaiq man na chap lanta apaiq ka shomnoq chang.
Ngi raq namshiq ma jamlai aming wa kuqtiikang arthaq na namshiq raq ahin naq tiitsuq rongkiq. Kiimaq arthun aming arwa poshi ra min naq lam baiq rongkiq. Ngi raq namshiq ma Tatiwe namshiq Shiikeawe aming thun kuqkang kra lang ronglaq.
Joshua raq Mosheq raq awaiq Thungtri aming thun ka poshi min tiikhea mak maq, wiita Israilnoktu thung tlaq kiima phatkuqto. Kra mungmaiqse thungtaq phong niika jechakre, kiimaq nosere, kiimaq Israilnok phong na pongmung maiqse sidamtlaq thun kriimin asi riito.
Kiimaq ashi ra raq, ara shammi bom chong lakdap mong wa, bomtsi poshi ra kra lambaiq raüla, Shiikeawe raq, ara lakdap na chong tlaq apaiq rii, rilung pechong tsi kiimaq Asii Chela mong wa achu shiiman kra alam mirbaiq.