JEREMIA 1:17 - ASII LAKDAP Bible (BSI)

¹⁷ Jeremia lei, tiijelaq; kilaq laüta ngi raq ümniima jamlai aming wa kuqkang thun kra wiita tsangshiq ma chongkuq kiqkiq. Ümniika ümchaü tsangshiq ma naqhaikiq. Riimakla, ngi raq ümniika tsangshiq rai she riihumtlaü na ngi raq ümhai ka tiisihea she mitiisiha.

Hawa Naga Bible 2001

¹⁷ Yeremia lex, kvtenc kuiuz; ngaz rueq jungx nvr phaungx phvnx ruip saz kuex tsuingshiq muex jungx kaz kuiuz. Tsuingshiq muex nauk hiz kaz, mnoz kuex tsuingshiq muex hiz tuiux ngoz ruiux ngaz rueq mnoz kuex tsuingshiq khaungkac nuex jvnc vtueq tvhiz sungx phaungx.

JEREMIA 1:17 Referencias Cruzadas

1 HOKHVMX 18:46

Kiimaq Tatiwe ningkun ka Elija khum niishe rom wanto. Raüta apaiq raq akhu akhea adü na asam thun kra achhü tro na phataqtaq she shatto. Raütiishe apaiq ka Ahab khaki na sinkhu na Jejreel chela nü kiiniishe juto.

2 HOKHVMX 1:15

Kiijiishe Tatiwe rase raq Elija ma nguto, “Satki laüta apaiq rai kidam laq. Naqhai kiq.” Krai mren Elija ka kra ajongwe rai hokhamwe phana wa wawanto.

2 HOKHVMX 4:29

Kiijiishe Elisha raq Gehaji phanü na lii raüta apaiq ka thaüto, “Kotsi jaqlo! Inyeakii kra lam wan lata walaq. Lam na maiq riihum haü min, naqkhingkiq kiimaq naq riibomdamkiq. Kiimaq maiq weshi ra raq ümniirai riibomdam haü min, kra bomtre ümniika lam na naqkhingkiq. Leaphok tsang jam na walaq. Laüta inyeakii ka ümjaq maq shamshat maq nono khu thaq na tiiwelaq.”

2 HOKHVMX 9:1

Anü na shammiwe Elisha raq jerobi shammibi phong wa weshi ka heato. Raüta apaiq ma chongto, “Ümniika Gilead wang na Ramoth chela na kai miitu tiije laq. Kiimaq ara olip tai tsabum chü ara lamho laq.

YOBA 38:3

Ümchaü min maiq ashi dea nguta kamto maq chaplaq laüta ngi raq bomtsi waitiikang thun arshe trelaq.

DUNGWVNC 3:12

Shiikeawe raq treto, “Ngi ka ümniirai adam mirha. Kiimaq ümtiikiiwa ümniiraq mungmaiqse ka Ejip mung wa tsuq wantlaü, kiitiikaq ümniiraq Ngi ka ara pum arjaq mishomnoq haü. Kriikata ümniika Ngi riidea tiikikang nguta saqse miraq.”

DUNGWVNC 7:2

Ngi raq ümniima aming kuqtiikang thun ka wiita Aron chonglaq, kiimaq apaiq raq hokhamwe ma Israilnok ka amungtan kiiwa tiiwalaq nguta michong.

JEREMIA 1:18

Tailaq, Jeremia lei! Armungti maiqse angu kunli— Juda mung hokhambi, siihiipjongbi, ramwebi, mungmaiqse thun ka ümnaq ngengti siisaq miraq. Shatmaq ümchaü ranaiq Ngi raq ümniima ningkun kuq tiikang tsangshiq kra towan miitu. Ümniika chela trotam maq kiitelong maq aruk ikha, chhechha lot mak miraq. Kiimaq ümniika jinkhamchong ashong ikha miraq. Kiimaq miiki ngam maq alo khetuk ikha miraq. Tsangshiq raq ümniika tang mak miraq. Jamkhano ngukla Ngi ka ümniirai nongshnong mirha lata mitiichhiiha. Arka Ngi, Tatiwe raq ngutiikang.”

JEREMIA 17:18

Ngi tiichamchaoti miili jea tiingaülaq. Shatmaq ngi tiiwongkuq laq, Tatiwe lei. Tsangshiq ka tiiphiipjiip laq. Shatmaq ngi ka naq tiikiinyiikiq. Tsangshiq khuthaq na chamchao rathaiq tiisaülaq. Laüta bunlak buncha ma tiija baiqlaq.

JEREMIA 23:28

Ümriiti shammiwe riiwa rawama lam lamli mataq, kriiwe riika, miinan rawa mali tiina nguta ngochang. Shatmaq ümriiti shammiwe riiwa ibomchong kra taitaq, apaiq raq kra bomtsi ka tsapkapkap maq nanok ma chiiriim raüta trahoke ratlo. Tsamchhii kriika bunwong wong rai triingea chang asi sha?

JEREMIA 26:12

Kiijiishe ngi raq ngukang, “Tatiwe raq ngi ma ara chela khuthaq na nai Shomjam khuthaq na manson bomtsi namshiq ni maq tai lan kra wiita chiiriim laüta chongkuq kiqkiq nguta tiikito.

JEREMIA 26:2

Tatiwe raq ngi ma chongto, “Ümniika Shomjam rinkea kiijaq chaplaq. Laüta Juda mung chela thun wa mungmaiqse noqku lomwa awati tlotli ma Ngi raq ümniima jamlai bomtsi wa chiiriim laüta chonglaq nguta aming kuq kang kra wiita chongkuq laq. Bomtsi ka poshi min naq laq kiq.

JEREMIA 36:8

Krai mren, Barukh raq Tatiwe bomtsi ka ngi raq apaiq ma jamkho chongkuq kang kra phanphan, Shomjam maq nokmaiqse ma phat kuqto.

AJONJÜ 3:57

Ümniiraq ngi achu jaü tre laü. Kiimaq ngi ma naqha aikiq ngulaü.

Jona 3:2

Apaiq thaüto, “Tiidolaq, laüta Ninewi chelajong kiina walaq. Laüta ngi raq chongkang traho bomtsi kra chii riimho riimho chongkuq wakiq.”

Luke 12:35

“Miirii ka sam lanta nai lemtem ka tlü shatmaq, kheshat khewan ronglaq.

Acts 20:20

Namshiq raq asap han, ngi raq namshiq ma Shiikeawe bomtsi ka nokwe man na chongkuq wankang akhing na, kiimaq namshiq jam na khum lata shrinkuq wankang akhing na, namshiq ma jamlai phan wa ahea, kra akhiismin dam paü mang phan maq, tiitho tiipha chongphan kuq kang she.

Acts 20:27

Ara jamkhano chongtiikang ngukla, Shiikeawe raq jamlai wa mikuqha nguta tiihong tha kuqtaq, kra bomtsi thun kriika, ngi raq poshi min tam mang maq, namshiq ma kholam kholiiq rairai riirii, wiita chong kuq kang she.

1 Corinthians 9:16

Ngi raq Tsütsa Ahea chongkuq tiikang ara miitu ka atiishom ra sea chang ka ahü. Ngi raq ara traho jaqsham tiikang arka ngi ma aming akhang kewan kha na sham tiikang. Ngi raq ara Tsütsa Ahea chongkuq mang ngu haü jiika, ngi ma phiiptsi chang mra jonghea mitiiho!

1 Thessalonians 2:2

Naishiq ka namshiq phana, Thesalonia chela na misaü wan hai shaq niiphü, Philipia chela maq, Tsütsa Ahea chongke wan kha na, maiqse raq pinthum ngeng raüta, tiitsü ngii wanto, kiimaq shummiito, kra tsütsa ka namshiq raq atai wishe dongdii riilan. Kiimaq naishiq ka namshiq phana saü wan kai akhing niimin, Tsütsa Ahea chongke lam kra tangtati, maiq ka pahea asi riito. Li jiimin, Shiikeawe raq naishiq ma ningkun kewan kha maq, Tsütsa Ahea Shiikeawe apaiq nübok wa adong bomtsi kra, namshiq ma chongkuqkai.

1 Peter 1:13

Riita ara chong tiikai arai mren, namtsan tsii ka tiije shat maq sironglaq. Honkam shat maq sironglaq. Kiimaq namtsan tsii ka Jesuq Khristo ümtiikaq ranaiq wa saüki tlaq, kra akhing na namshiq raq lap wan chang achu shiiman jonghea sitlaq, kra thaq na tiitsi lanta singa ronglaq.