JEREMIA 1:16 - ASII LAKDAP Bible (BSI)

¹⁶ Ngi raq isenginok ma mo mitiihoha. Jamkhano ngukla tsangshiq raq ngarai tangto. Tsangshiq raq Ngi ka miimbaiqto. Raüta laihin phra thun ma honglu takuqto. Kiimaq tsangshiq raq sumla phra pahea tiiqto. Raüta kriithun ka shomnoqto.

Hawa Naga Bible 2001

¹⁶ Ngvy miqsaz htenc tsuingshiq rueq mvrax yaq vtueq; ngaz tuip gay jix, vganc tishox htenc muex shomc nawk kuy muex shomc kuy jix, tsuingshiq rueq vguirx yac yuimx htenc muex nawk palx jix htenc kuex murx tvgurc shaungx.

JEREMIA 1:16 Referencias Cruzadas

2 HOKHVMX 22:17

Tsangshiq raq ngi ka shubaiqto. Raüta tsangshiq raq nyamse honglu thun ka laihin phra thun miishe takuq wanto. Kriikha na tsangshiq raq klo wantaq kra lümaq itsankhiq shaü wanto. Jerusalem khuthaq na itsankhiq ka shaü wanto. Kriika tsaqki mak she.

2 KAÜWA WERAÜ 15:2

Kiimaq apaiq ka Hokhamwe Asa rai riihumkito. Raüta apaiq raq akha riimto, “Hokhamwe Asa lei, i bom ara tai laq. Kiimaq namshiq Juda mungti nai Benjamin mungti raq tairong laq! Namshiq ka Tatiwe rai sihan jiila, Tatiwe ka namshiq rai adam misi. Namshiq raq apaiq rit han la apaiq raq namshiq ma apaiq ka mitiihum kuq. Shatmaq namshiq ka apaiq wokhong wa juho han jiila, apaiq raq namshiq ka amiim mirbaiq.

2 KAÜWA WERAÜ 28:2

Kiimaq apaiq riika Israil mung hokhambi jaqsham kra khoti shamto. Apaiq raq jin ngam maq Baal sumla thun ka tiitiiqto.

2 KAÜWA WERAÜ 34:25

Tsangshiq ngi ka shipoq baiqto. Raüta tsangshiq raq laihin sumla phra kong miishe honglu thun ka takuqtlo. Kra ningkhan na tsangshiq ümchuwa jaqsham wantaq kra lümaq itsankhiq walü she tiishaü chaq baiqto. Itsankhiq walü ka Jerusalem khuthaq na nyaitlo. Kiimaq kra walü ka matki mak she miraq.

2 KAÜWA WERAÜ 7:19

Shatmaq ümniiraq nai ümsenginok raq ümkhii miiwa ngi raq akuqha thungtri thun nai aming thun ka jin lantea, kiimaq laihin sumla phra thun kra shomnoq wan han jiila,

ISAIA 2:8

Tsangmung ka sumla phra phong riili she mawanto. Kiimaq tsangshiq riika tsangshiq raq maiqmii jaq maq atiiq lowan sumla phra phong kriili she shomnoqtlo.

ISAIA 37:19

Raüta tsangshiqnok phra kong thun ka wa maq chaqbaiqto. Kriika ngohea dea tisho kong ka riimak. Kriithun ka maiqse raq jaq maq pe wa ahai kiimaq long maq ahai sumla phongli dongdii.

ISAIA 44:15

Raüta kra pechong adaq kiiwa pe wiijam ka chin ma mitiija. Kiimaq pepan wiijam kiiwa sumla phra kra mihai. Pepan wiijam ka apaiq raq chin ma mitham. Raüta wa ka chaq raüta apaiq raq wa ka miwo. Kiimaq winsii milum phaq. Kiimaq pepan panko kriimiika sumla phra mihai. Raüta apaiq raq minoq.

ISAIA 65:3

Tsangshiq ka tsanglaipo ahünok. Jeasi mak phan. Tsangshiq raq itsan kli tiikhiq wanto. Tsangshiq raq asii sonruk mong thun na thatsang ma honglu thun ka takuqto. Raüta thatsang berong-wacha thun na homseng honglu chaqtlo.

JEREMIA 10:15

Tsangshiq ka thiihü hiq tili krai mren shipoqpoq no na tsuqbaiq changli; Tsangshiq ka Tatiwe saühotlaq akhing na wiita ashthen mirbaiq.

JEREMIA 10:3

Arnok thun thatsang lamphan ka thiihü. Rum wa pechong ashi daqtlo; raüta kra pe sham smati raq laklü tansang thun maq aheawiq wat haihuntlo.

JEREMIA 11:12

Kiijiishe Juda mungti nai Jerusalemti ka tsangshiq raq shomnoqtlaq kiimaq honglu thun kuq wantlaq phra thun phaniishe wa raüta khrum kuq ronglaq nguta mihoqsiq trang wan. Shatmaq kriithun phra kong raq tsangshiq ka ara then wantlaq kriiwa tiiwongkuqlot mak miraq.

JEREMIA 11:17

“Ngi Ajong Pinthum Tatiwe raq, Israilnok nai Juda mungti ka pecham ikha chhijang wan kang. Shatmaq ümchaü sanha Ngi raq tsangshiq ka miqchup mishthen baiqha nguta tiiphiip tiikang. Arka tsangshiq maiqmii riili maiqmii thumphaq chang thiikho thütiije wanto. Jamkhano ngukla tsangshiq raq ashut klo wanto. Tsangshiq raq Baal phra ma honglu take wan kha na itsan tiikhiq wanto.”

JEREMIA 15:6

Namshiqnok raq Ngi tiishaübaiq lan; namshiq raq Ngi ka jainong maq shungthülan. Kriikha na Ngi raq ijaq ka tliisaq lata namshiq ka tiinamtok bukbaiq kang. Jamkhano ngukla Ngi ka itsankhiq ninwan raq aniishe.

JEREMIA 16:11

Raüla, tsangshiq ma Tatiwe raq jamlai wa chongtaq kra chongkuqlaq. ‘Namtitiim pat na tsangshiq ka iwokhong wa donghoto. Raüta phanhin sumla phra thun shomnoq wanto. Raüta tsangshiq raq Ngi ka miimbaiq thüto. Kiimaq tsangshiq raq ibomchong tri raütu ka langmak riito.

JEREMIA 17:13

Tatiwe ümniika Israilnok tsantsii ranchang khearapaq; ümwokhong wa donghotibi wiita jea mingaü. Tsangshiq ka maiq mang botkhulai na awaiq ikha amaq mirki, jamkhano ngukla tsangshiq raq ümniika miimbaiqto, ümniika maiqse ma khangriri hea khamserai.

JEREMIA 18:15

Kiikha taü maq isenginok raq ngi ka laqbaiqto; tsangshiq raq sumla phra kong ma homseng chaq raüta noqtlo. Tsangshiq khumchang lamphan tsin mak atiithap küraito; tsangshiq raq lamchu khiiphan thun ka khummak she tsaqkito. Tsangshiq ka miithii shonghü lamjiq nü na kihoto.

JEREMIA 19:4

Ngi raq ara hiqshong ara jamkhano tiithenbaiq tiikang ngukla, tsangshiq raq ngi ka no na miimbaiqto. Raüta ara hiqshong ara laihin phra kong ma honglu takuq raüta wiita tiishe shibaiqto. Tsangshiq raq nai tsangtitiim riimin sapmak kiimaq Juda mung wa hokhambi riimin sapmak phan phra kong kra shomnoq wanto. Kiimaq tsangshiq raq ara hiqshong na khühü lamhü na maiqsang sepii thun kra tsatbaiqto. Raüta maiqsang tiijai pahea raübaiqto.

JEREMIA 2:13

Jamkhano ngukla isenginok raq ngarai phan nai tangto: tsangshiq ka iwokhong wa juhoto, khangriri hea khamraise wa, raüta tsangshiq raq khappong thun thuto, kriika akha tonglong kham riichumlot mak.

JEREMIA 2:17

Israil lei, arka ümniiraq ümjaqlii maq arit haü! Ümniiraq ngi miimbaiq laü, Tatiwe, üm Shiikeawe, Ngi raq ümniika lam maq shea wan tiikang akhing na miimbaiq laü.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 2:28

“Namshiq raq namshiq miitu phra kong atiiq han thun ka ümbano? Namshiq ma chamchao akhing na tsangshiq raq mitiichhiikuq liina— tsangshiq raq mitiichhiilot jiiha! Juda lei, ümchela thun ümchuwa, kiichu üm phra kong asi.

JEREMIA 4:12

Tatiwe aming maq rahai saü wantlaq kriika kriithaq na henghea miraq! Jamkhano ngukla arka Tatiwe apaiq raq dongdii asenginok khuthaq na khapho rahai she tiisaühotlo.

JEREMIA 4:28

Hiq raq majo mihoq; ra ka anyaq mirki. Tatiwe raq nguto, kiimaq apaiq raq atsantsii ka klaimak. Apaiq raq athapthi wan kun she kiimaq thongshi jai na jang mak.

JEREMIA 44:17

Naishiq raq man na jamlai miklohai ngutiiwa chongkai, kriili miklohai. Naishiq raq naishiq phra nyungkaü, Ramungtan Hokham Nyung kriimiili honglu mitaakuqhai. Kiimaq naishiq raq apaiq ma che honglu thun kra mitiibok kuqhai. Arka naititiim riimin, naishiq hokhamwe riimin, kiimaq naishiq pengti tuwebi riimin, manniiphü Juda mung na chela thun maq, kiimaq Jerusalem chela na chiiheawea lam thun maq honglu kuq wanto. Kra kuq wankai akhing na, naishiq ka chamtraq arong awin siwankai. Naishiq ka chiithe lüwa tonglong siwankai. Kiimaq jamlai chamchao litkot athüm alit min sap mai sikai.

JEREMIA 5:29

“Shatmaq, Ngi Tatiwe raq, tsangshiq ka arthun ashut klo wan kha na mo mitiihoha. Ngi raq armungti khuthaq na phuk milamha.

JEREMIA 5:9

Riita ngi raq tsangshiq ka arthun ngarai khana mo tiiho mangli sha mirha? Kiimaq akha sitlaq maiq mungti thaq na iphuk lam mang shea mirha?

JEREMIA 51:17

Arthun ara chhiraüta, maiq thun ka angok angi ikhli sitlo, sunghü tsiihü she jakitlo; sumla tiiqtibi ka tsiim jüshushu she sitlo. Jamkhano ngukla tsangshiq raq alo phra thun ka arot kiimaq rilung tsitsü ahü.

JEREMIA 7:17

Tsangshiq raq Juda mung na chela thun na nai Jerusalem na chiihea lam thun kiijaq jamlai wa klotlaq kra chhimaü shea?

JEREMIA 7:18

Noserekong riika chin riichom thamtlo. Maiqwere riika wacha kra chaqtlo. Kiimaq jechakre riika winsii ka wa na kotlo, raüta jechak nyung phra kaü tsangshiq raq Ramungtan Hokhamnyung ngutlaq kriima kuqtlo. Kiimaq tsangshiq raq ngi tiichamchao miitu che ka sumla phra ahinti thun miimin tiibok kuqtlo.

JEREMIA 7:9

Namshiq ka ahuk jatlan, maiq tsat lantea matwe ma jatlan, maiqchak rai sraki tlan, rung maq atiitum lantea arot chongtlan, Baal phra ma nyamse honglu takuqtlan, kiimaq namshiq raq man na sap wan man phra thun kra shomnoqtlan.

EJEKIEL 16:18

Kiimaq Ngi raq ümniima akuqha awaiq angon khea miirii thun kra lamho laüta, kra sumla phra thun kiimiishe tiisam kuq laü. Kiimaq Ngi raq ümniima akuqha olip tai nai homseng honglu thun kra sumla phra thun kiima honglu na kuq laü.

EJEKIEL 24:14

Arka, Ngi, Tati Rakaü Hiqwe raq ngutiikang. Ngi raq jaqsham chang akhing she saüto. Ngi raq üm ngarai phong ka achhi ikha chhimang ikha ümtum ümmai ka simang she, riimakla mangchan tiitsi mang she, riimakla tiihang kuq mang she. Ümniiraq jamlai wa ashut klo laü kriikha na ümniika ma mo mitiihoha.” Arka, Tati Rakaü Hiqwe raq toqtantlo.

Hosea 11:2

Shatmaq ngi raq tsangshiq ka itho na warong ra nguta, apa heawan wan riikang la, tsangshiq ka ngi tho wa alu na jajuhoho riito. Tsangshiq raq Baal sumla ma nyamse honglu takuq wanto. Raüta tsangshiq raq sumla phra thun ma, honglu ngamrea chaqkuq wanto.

Hosea 8:6

Arka Israilnok tiiqwe raq atiiq wan. Arka Shiikeawe riimak! Samaria chela na noq tlaq minsaü sumla, bunlak buncha she mitiibun wan.

Yoel 2:11

Tatiwe raq asengi kupchi re ma, aho anyi waliishe aming kuq wantlo. Asengi kupchi re raq apaiq aming taitlo. Asengi rewe ra ma hiq ma, kiimaq srea nola ahong ala. Tatiwe ranaiq ngutlaq pinthum phiiptsi chang. Ara khapho rung wa juro mitiichhii lot?

Acts 7:41

Krai mren, tsangshiq raq minsaü pongwe sumla phraji ka haito. Raüta, tsangshiq maiqmii jaq maq haitaq phra kra shomnoqto. Kiimaq thatsang poi ajong ashi kloto.

TRI CHONGKE 28:20

“Ümniiraq abi klo haüla kiimaq Tatiwe wokhong wa dongho haüla, apaiq raq üm khuthaq na laimiq mra mitiisaü kuq, ümniika atuk amuk mitiijabaiq. Kiimaq ümniiraq phanrap jaqshamtlaü na acham achaoli mirhum haü. Raüta ümniika jaqlo liipan niili tiimiqchup mitiithen baiq.

TRI CHONGKE 31:16

Tatiwe raq Mosheq ma nguto, “Ümniika jaqloli she mitsai haü. Kiimaq ümnaq tsai jai na mungmaiqse ka iwokhong na simak she midongki. Raüta Ngi raq tsangshiq rai tongshong kang tri ka ajin mirbaiq. Tsangshiq raq Ngi ka amiim mirbaiq. Raüta tsangshiq raq jiiwantlaq mung kiiwa thatsang maiqse sumla phra thun kriishe mishomnoq wan.

JOSHUA 24:20

Kiimaq namshiq raq apaiq baiqthü lanta pongmungti phra thun shomnoq kai kiho hanla, apaiq ka ma wesang she mijaki. Raüta namshiq ma mo mitiiho. Apaiq ka man na namshiq rai ahea sito li jiimin, apaiq raq namshiq ka mishthen baiq.”

Revelation 9:20

Atinkhan sawa tha wa raq tiichamchao jai min, mangjong hiq na maiq ümchuwa tiichongtaq, kra raq tsangshiq jaq maq ahai sumla phra shomnoq ka thaq mak phanli shatshat riito. Tsangshiq raq thatsang ka thaqmak dea riito. Maiqse jaq maq aklo chaq sumla, kampho sumla, koti ngam maq ahai sumla, longkaü maq ahai sumla, kiimaq pe maq ahai sumla, mak ahü, ni ahü, khumtsü mak, tsitsü ahü phra sumla shomnoq ka thaqmak phanli shatshat riito.