Acts 5:42 - ASII LAKDAP Bible (BSI)

⁴² Krai mren, tsangshiq raq wranaiqtek, Shomjam mong maq nai maiqjam maq, Jesuq kiidea Khristo nguta, Tsütsa Ahea kra nungpaq mak phan maq, shrin kuq wanto. Kiimaq traho hokuq wanto.

Hawa Naga Bible 2001

⁴² Kvkhoc tsuinghez kuex wvraungx nuiyq tek Shomc Yuimx nuex muinz, yuimx shiz maq yuimx shiz nuex muinz Yesu kuex Mesia rvtueq lvmz Thuix Thaungx Vhvlx kuex jungphvnx tvluing kuq wuez tueq.

Muklom

⁴² Etho salwet, rangnuk him na etho miq him na, ning aa Jesu raa hun Khristo ta tungtang qhal phanchan ta.

Acts 5:42 Referencias Cruzadas

2 SAMUEL 6:22

Kiimaq ngi ka arthaq niimin apapa mitiishummii wan lili mirha. Ümniiraq ngi ka ralang bangbangli nguta mitiima haü sham! Shatmaq kra jechaksere raq ngi ka kai shrengtlo!”

Luke 21:37

Jesuq raq kra liipan bala akhing niika, Shomjam na trahoke lishe sito. Kiimaq raji wan raüla, apaiq ka Olip Pero Hiqlam kiina kiho raüta, japki lili riitlo.

Luke 22:53

Ngi ka namshiq rai wranaiqshe Shomjam na riikang ihata. Kiiwa namshiq raq ngi ka lap man riilan. Shatmaq, ümchaü akhing arka namshiq jaqmiiq wan miitu akhing she. Ara jamkhano chongtiikang ngukla, ümchaü akhing na munglangtiwe ka ranyaq hokhamwe ngatlo!”

Acts 11:20

Shatmaq, Saipras mung nai Sairini mung wa kamasham maiqsetiim wiijamti riika, Antiok chela na wawan raüta, Tati Jesuq manphan Tsütsa Ahea kra Pongnok phan maiqsetiim miimin chongkuqto.

Acts 13:32

Riita, ümchaü naishiq arjaq saü wan kai arka, namshiq ma ara Tsütsa Ahea ara chongke wa nguta saü wan kai. Shiikeawe raq natitiim ma, jaqsham jonghea ashi misham kuq wanha nguta, man na pat na kiqkham kongphiq raüpot khakuq wantaq kra bomtsi ka, ümchaü nashiq tsangshiq lai-ala nguta sitiikai arma kiimaq maiq nanok ahinti wiita miitu she, Shiikeawe raq, Jesuq ka amaa wa tiidong kuq wantaq arshe kuwanto. Arka Shomshi lak anai na chongtlaq, kra phanphan she dea hongtha wanto. Kiijaq akha nguta chong tlo, ‘Ümniika i se she jo; Ümchaü ranaiq miiphat, ngi ka üm We she.’

Acts 17:18

Kiimahali, Epikuria phung sengibi raq nai Stoik phung sengi shrabi rai min Paul ka manphan bom chong maq riikhettot wanto. Kiimaq tsangshiq phong wa maiq wiijamti riika, “Riita ara barop we arka, jamlai saptsin tiikang nguto tiitsangpii tsantsu rai tla nya?” nguta apaiq ma naikü sherü li riito. Nanok ahinti raq hali ka, “Arwe raq ara pongmungti phra manphan chongphan kuq tlaq ngo chang chang nya?” nguta riibomto. Tsangshiq raq akha riibomtaq arka, Paul raq Jesuq manphan kra nai maiq ka amaa wa dong wan lam bomtsi khuthaq na traho kuq wantlaq kra tai raüta riibomto.

Acts 17:3

Asii lakdap wa phat raü raüta, Khristo ka pinthum chamchao wan chang dongdii. Raütiitiq apaiq ka tsai chang. Raüta, amaa wa dong wan chang nguta, phanrap tiitho tiipha maq nokwe ma traho kuqto. Raüta, “Riita ümchaü ngi raq namshiq ma phanchan tiikang we Jesuq ahata Khristo,” nguta tsangshiq ma trahokuqto.

Acts 2:46

Wranaiqtek, tsangshiq ka adam na riitushat maq, Shomjam na Shiikeawe shomnoq riitam nga tlo. Kiimaq, jamshi na riitam hoho raüta, takshi pinshi maq chojong chise, kiimaq riiphea riinyin phaqsiq wan lili raüta sito.

Acts 20:20

Namshiq raq asap han, ngi raq namshiq ma Shiikeawe bomtsi ka nokwe man na chongkuq wankang akhing na, kiimaq namshiq jam na khum lata shrinkuq wankang akhing na, namshiq ma jamlai phan wa ahea, kra akhiismin dam paü mang phan maq, tiitho tiipha chongphan kuq kang she.

Acts 4:20

Ara jamkhano ngutiikai ngukla, naishiq raq maiqmii mak maq jamlai phan wa chhi kai, kiimaq maiqmii ni maq jamlai phan wa tai kai, kra chongke wan hü maq, kaiq shakshak ka silot mai,” nguta tsangshiq welabi bom kra treto.

Acts 4:29

Riita, ümchaü min, Tati Shiikeawe lei, tsangshiq raq naishiq ka atsea ata ma tankhan raüta, tiiphiip jiip tlaq ara ümniiraq liikuq laq. Ümniiraq naishiq, ümdisetiim arma, ümbomtsi ka khangriri hea maq, kiimaq haisong mai maq chongke miitu, naishiq ma ningkun kuqlaq.

Acts 8:35

Kiijiishe, Philip raq ara phat wantaq lakdap kiimaq phaho raüta, asii bomtsi wa Jesuq manphan Tsütsa Ahea kra tiitho tiipha she chongkuqto.

Acts 8:5

Kiimaq, Philip ka Samaria wang na chela ajong pinthumti kiina wawan raüta, mungmaiqse ma Khristo tsütsa kra chongkuqto.

Acts 9:20

Kiimaq, apaiq raq sinagok thun kiijaq kokkok wawan raüta, Jesuq kiidea Shiikeawe Se nguta trahokuq pha wanto.

1 Corinthians 2:2

Ara jamkhano chongtiikang ngukla, ngi ka namshiq rai adam siwan kang liipan bala na, phanrap wiita no na thübaiq kang. Lata, Jesuq Khristo tsütsa kra lamlam li tsan na, atsi maq tiima lata, kiimaq akhek ka apaiq pumsongkham na tsaitaq kra, i tsan mong na laihea howan shatmaq sikang.

Galatians 1:16

Ase ka juwa, kra ngi ma tiichhikuq wantaq, raüta ngi ma, Jesuq Khristo Tsütsa Ahea kra, Pongnok phan maiqse ma chongke wan miitu aming kuq wantaq, kra akhing ranaiq na, ngi raq i jaq sham phaho ma, sungkhu tsiilam riiwaiso kai nguta, maiq ahinti jurai min riiwaisoki mang dea.

Galatians 6:14

Riita, ngi riikla, Tati Jesuq Khristo pumsongkham na tsaitaq, kra shomra tiikang, kriili she. Ara jamkhano chongtiikang ngukla, apaiq tsai taq pumsongkham lümaq, mangjong hiq rilung lam phan na, jamlai phan wa araa ariq phan nguta weawun wan tlaq thun kriika, ümchaü sanha, ngi miika hiqtili ikhli she. Ngi ka arthun armiika, atsaikai kun she. Ngi armin, mangjong rilung lamphan miitu ka, atsaikai wishe.

2 Timothy 4:2

Ümniiriika, maiqse angu ma trahoke wan kli shiichaq wan ruq riilaq. Kholam kholiiq, chiiriim laüta, akhing hongtaq lo, hong mak lo jiimin, chongkuq wanruq maq shiichaq laq. Ara chongkuq tlaü kra lümaq, maiqse tsan ka tiinin lili mirlaq. Tsangshiq raq tsii chhi wanli chang, bomtsi ka atsin maq trantsii son laüta, chong kuqlaq. Kiimaq tsangshiq tsaiji ka dokuq laq. Ara trahoke jaqsham arka, phanrap na nin wan ruq maq, chongkuq laq.