Acts 5:41 - ASII LAKDAP Bible (BSI)

⁴¹ Shiikeawe raq tsangshiq ka, Jesuq mang na chamchao homa howan nai maiq thoda howan miitu dea shiikapto nguta sap raüta, chojong chise maq, Rung khong mong kiiwa donghoto.

Hawa Naga Bible 2001

⁴¹ Kamx waz hez rueq miqmac kuex Yesu ningkhvnc nuex yvlc svy rvhumc aungx yaq ngoz tueq Tishox rueq wvlc kuy rvhumc ningkhvnc nuex vkoz vkez maq Suingdaungx Muingdaungx phungc wawc dung kaz wvnc wuez tueq.

Muklom

⁴¹ Jehudi rongh wang ran náng thalat eq, apostle tang tin sungrang ta chammatakoi Shkewa aa ning ma Jesu miing o tsamnang rangma witta.

Acts 5:41 Referencias Cruzadas

ISAIA 51:7

“Ibom tai ronglaq, namshiq riikhaqli jaqsham saptlanti raq, jurwa ngi raq ashrinkuqha tri ka tsan na shaqtlanti raq. Naqhai rongkiq maiq raq namshiq slailiitlaq raüta shummiitlaq na;

ISAIA 61:10

Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.

ISAIA 65:14

Tsangshiq ka khoqriiq shishiiq ashi ange misi wan. Shatmaq namshiq ka tsan among bunlaklak mihoqsiq wan han.

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

Luke 6:22

“Namshiq ka ma chochi jonghea, ümtiikiiwa maiq raq namshiq ka Maiq Se miitu angeng miraq, kiimaq ashleq mirbaiq. Kiimaq ashummii miraq, kiimaq namshiq ka abi nguta mingu!

John 15:21

Shatmaq, namshiq ka i sengi ngo kha maq, tsangshiq raq namshiq ka mihaihii wan. Ara jamkhano chongtiikang ngukla, tsangshiq raq ngi tiikaiti we ka juwa sap mak.

Acts 21:13

Shatmaq, Paul raq tsangshiq ma, “Namtsam ka akha jamkho ngi rai tlan? Aho anyi trang lanta, i tsan ara tiibun baiq sha dan tlan? Ngi ka Jerusalem na shumraü kharü maq tiikha lamlamse li ka riimak! Tati Jesuq miitu, Jerusalem na atsai ma kham tiikang,” nguta tsangshiq bom ka treto.

Acts 5:21

Krai mren, kiimwebi raq rase aming kra taito. Raüta, ranap na Shomjam na kiraüta, mungmaiqse ma trahokuqto. Ramwe Ajong Pinthum we nai akongtibi raq Jehudinok Rung welabi thun ka ngongthun rong i nguta Rung na tiiheato. Raütiishe, tsangshiq raq kiimwebi ka Rung na tiichap miitu, phaqtek mong wa sheaki rongkiq nguta peta siihiipbi ma aming kuqto.

Romans 5:3

Nashiq riika nashiq chamchao tiikai ara miitu min, tiishom ra tiikai. Ara jamkhano ngukla, nashiq raq asap i, chamchao walü riika, anin wan ningkun ka ache miishe mitiija wan.

2 Corinthians 12:10

Riita, ngi ka Jesuq Khristo mang na, atsi asi lam miimin, chamchao litkot mong miimin, maiq raq ngengseng raüta, tiichamchao tlaq niimin, kiimaq phanrap aha atsa holai saü tlaq ranaiq niimin, khoqriiq shishiiq miili sitiikang. Ara jamkhano akha sitiikang ngukla, i khum wa han-ngam ningkun ka, ümtiikiiwa ajom riiwan tlaq, kiijiishe Khristo ningkun tu kra, i khum na nyai wan tlo.

Philippians 1:29

Ara jamkhano chongtiikang ngukla, Shiikeawe raq namshiq ma thek tlaq Khristo shiililii jaqsham kuq wantaq kriika, apaiq ma kamwan lamlam li ka riimak. Shatmaq, apaiq miitu chamchao wan kiimin adam na kuqto.

Hebrews 10:34

Namshiq ka phaqtek mong na chamchaoti rai adam chamchao wan lan ihata. Kiimaq maiq raq namshiq hup asam thun ka, wiita runho raüta lamhotaq akhing niimin, namshiq raq kra sumrum lan thun ka aninli riiwan lan ihata. Kiimaq tsaiji tran man maq, chochi khiq li silan ihata. Jamkhano chochi lan ngukla, namshiq raq asap han, Shiikeawe raq namshiq ma jamlai wa mikuqha nguta kiqkham kuqtaq kriika, tsiiq nai nyam sum lan kra thaq niimin rahea phan. Kriika, namshiq jaq na asi she. Kriika pattup pat-sa hupsam nguta asap han.

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.

James 1:2

Iphu inotiim lei, namshiq raq phanrap phanrii maitai riihum tlan na akhing na, kopan jonghea nguta tiima rong laq.

3 John 1:7

Tsangshiq raq trahoke khum tlaq kriika, Shiikeawe jaqsham miitu khum tlo. Kiimaq tsangshiq ma wanhiq khum miitu chiirit chiikha rong ra tlaq kriika thatsang maiqse jaq wa, raipo wonglo jam min jaü mak maq khumshiimtlo.