Acts 6:1 - ASII LAKDAP Bible (BSI)

¹ Kra jai maq heashi sijai na, Jesuq ma kamwantibi maiq anye ka pahea pawan ruq li riito. Kriikha maq, Grik bom maq bomti Jehudinok nai nokti Jehudinok liipan na, maiq wiijamti ka abot tsaü riito. Grik bom maq bomti Jehudinok raq ranaiqtek khoraki kampho pheake na, tsangshiq phong wa manti-nyungre ma samhea tiikham nyin kuq mak laqthaqtlo nguta tiibot nyanto.

Hawa Naga Bible 2001

¹ Mtanc httax muq nuex, sangac bix kuex paung wvnc tueq, kvkaq Greek kvjaz kvjak jix Yuda miqsaz nuiyc ghaqshungc jix Yuda miqsaz kuex rvkhawc lvlc tueq. Greek kvjaz kvjak jix Yuda miqsaz rueq tsuingshiq phungc wawc mvntix nyuiuz tamx rueq wvraungx nuiyq tek phuiuz svy juing lvp muq ngoz tueq mvrax tvgurc jungphvnx tueq.

Muklom

¹ Eshi neynap tho, ujiphantey tang daqhan jin chan chey ta tho, Greek raaqtey Jehudi phan tang etho Hebrew raaqtey Jehudi tang thadanta; Greek raaqtey Jehudi tang aa batta, “Saalwet phaksat phal kam tho nim aa í notinu tang tha chikrik tin.”

Acts 6:1 Referencias Cruzadas

YOBA 29:13

Chamchao sangrai maiqsetiim raq ngi li shomra wanto, kiimaq ngi raq manti-nyungre ka tiikhup wongkuq kang.

YOBA 31:16

Ngi raq miitsan maiqse khrum jaqsham ka naq nguta jangshi min tlea mang; ngi raq manti-nyungre ka ümtiikiimin tlitkot mang

Tvtsvmc 110:3

Ümjaqtinok khattlaü ranaiq na, ümsenginok raq maiqmii tsii maq dongrang raüta mikhrum, ranapchu maq bangrok ikha ümsengi jerobi ümphana asii hiqlam thun na miwa.

Tvtsvmc 72:16

Armung ka chu akham na arong awin mung ma mijalaq; ku akin thun na tsamman waheala mirlaq, Lebanon pum thun wak ram na tsam hearai tlaq ikha mihealaq. Chela thun ka mungmaiqse raq ama khunyaq khukhi misilaq, rum na nyiimlung tan ikha tümlüm tümli mirlaq.

ISAIA 1:17

Laüta tingting jaqsham kra shrinlaq. Liilaq, riikhaqli tingting jaqshamlaq. Di ama ikha maiq raq tiichamchaotlaq kra khrumlaq. Thüm waq mantise re ma tsangshiq raq jamlai phan lap phaq sea wan chang wa sitlaq kra khashkhaq kuqlaq. Kiimaq manti nyungre kra tiikhup wongkuq shat maq riimlaq.”

ISAIA 27:6

Rawiichii saü wantlaq akhing ranaiq na, Israilnok ka, Jakob saüse phan ka, pechong rangtu hiq mong na tsaühea cham wan tlaq ikha micham wan. Raüta tsangshiq ka apü alü waheala miraq. Raüta amak potsetiim midong wan. Raüta atsi ango phong raq mangjong hiq na hiqham raham ama miraq.

JEREMIA 30:19

Kiijaq shongti mungmaiqse raq tiitsam shi mishi; tsangshiq ka chojong chise miriiriiq wan. Ngi raq shiimantiikang kha maq, tsangshiq ka pahea mipu wan; Ngi raq shiiman tiikang kha maq, tsangshiq khushü mijong wan.

EJEKIEL 22:7

Chela na siti jurmin anyungwe ka shreng mak. Namshiq raq pong mungtibi ka laotlan. Kiimaq manti nyungre nai jechisetiim ka nanshan shan haihiitlan.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

Acts 11:20

Shatmaq, Saipras mung nai Sairini mung wa kamasham maiqsetiim wiijamti riika, Antiok chela na wawan raüta, Tati Jesuq manphan Tsütsa Ahea kra Pongnok phan maiqsetiim miimin chongkuqto.

Acts 11:26

Apaiq ka Saul rai riihum raüta sanha, apaiq raq Saul ka Antiok chela niishe sheahoto. Raüta, tsangnai wiita adam miishe, phungtuti rai wiitang wiishi sidam raüta, maiq pahea ma Shiikeawe bomtsi shrinkuqto. Antiok chela maq, kamasham maiqsetiim ka Khristan nguta mang phahoto.

Acts 11:29

Kra tai raütiishe, Jesuq jaiphanti setiim raq, Judia wang na siti kamasham maiqse phunainotiim ma khrumke miitu, tsangshiq loweatek raq maiqmii rii tiithithi maq pheke jaqmiiq mihi rong i nguta bom ka riichongto.

Acts 2:41

Krai mren, Petar traho bomchong kra tai raüta, maiq pahea raq, Jesuq ma kamto. Kiimaq, tsangshiq ma kham lamkuqto. Krai mren, kra ranaiq liipan niili phungtu na maiqnye ka hingtsam tiitsuq shang wanto.

Acts 2:45

Tsangshiq raq maiqmii hupchong samchong thun kra shata raüta, kra sha kampho ka, tsangshiq phungtuti liipan na, maiq loweatek ma, jamlai phan niiwa thümlit tlaq, kra tiiphan phan riiphea riinyin raüta sito.

Acts 2:47

Tsangshiq ka akha Shiikeawe tiitsam kamwan li she shongnga wanto. Kiimaq phungtuti shongnga rilung kra chhi raüta, mungmaiqse riimin tsangshiq ka kai lungwiito. Kiimaq, krai mren, Tatiwe raq maiq anye ka wranaiqtek tsangshiq phung na tiitsuq wan wan maq, maiq ka tiipa kuq wan ruq li riito.

Acts 4:35

kiimwebi jaq na kuq wantlo. Krai mren, kiimwebi raq kra kampho ka maiq loweatek ma, jamlai wa raa tlaq, kra phanphan mren mra chhaq maq phea kuqto.

Acts 4:4

Shatmaq, mungmaiqse phong wa maiq pahea raq, Petar nai Johan raq achongkuq traho bomchong kra tai raüta, Jesuq ma kamwanto. Krai mren, kamasham maiqse ka hingbiingi she pawanto.

Acts 5:14

Shatmaq, Tatiwe ma kamwanti maiq pahea maiqwere nai jechakre thun ka, tsangshiq phungtu kiijaq pong wan damto.

Acts 5:28

“Naishiq raq, Jesuq aming holanta, mungmaiqse ma trahoke maimak nguta, tri atsin maq, namshiq ma aming kuq kai. Shatmaq, liirong laq, namshiq raq jamlai wa riilan ara! Namshiq traho bomchong maq, Jerusalem chela ka wiita she tiinyam baiq lan. Kiimaq, namshiq raq apaiq tsaitaq mat kha ka, naishiq khuthaq na tiikü kuq tlan!” ngutiishe tsangshiq ma kha ka nyanto.

Acts 6:2

Kriikha miishe, kiimwebi roqshi ri wenai raq kamasham maiqsetiim ka wiitutam maq adam na hea raüta, tsangshiq ma bom ka akhiishe chongkuqto, “Naishiq ka ara ranaiqtek khoraki ara pheake jaqsham na mowan laita, Shiikeawe bomtsi chongke ka chiimsam lot mai.

Acts 6:7

Krai mren, Shiikeawe bomtsi ka maiq pahea raq taiwan wan she riito. Raüta, maiq pahea raq Shiikeawe bomtsi ma kamwanto. Krai mren, Jesuq ma kamwanti maiqnye kong ka, Jerusalem na pahea riiwan wan she pa wanto. Kiimaq ramwe weraü phan wa maiq pahea raq, Tsütsa Ahea ma kamwanto.

Acts 9:29

Apaiq raq Grik bom maq bomti Jehudinok rai min, bom ka riiphan chanto. Raüta, tsangshiq rai tri maq riikhiito. Shatmaq, tsangshiq raq apaiq ka tsatbaiq haijaq nguta kheshat maq khuito.

Acts 9:39

Krai mren, Petar ka tiidopot raüta, apaiq heakaiti rai wawan damto. Apaiq saüwa kiitiishe, tsangshiq raq apaiq ka rathong khok kiina shea wanto. Kiijaq manti-nyungre ka apaiq tro na riitam ngato. Tsangshiq ka aho anyi lam maq, Dorkas raq atra siji na samtong nai samtong jong ataq thun kra, Petar ma tiichhi raüta hoq trangto.

Acts 9:41

Kiijiishe, Petar raq kra nyung ka ajaq maq kamsaq raüta, tiichapto. Raütiishe, Petar raq Jesuq jaqshisetiim thun ka wiita, manti-nyungre miitaq, rin niiwa, jam mong niishe hali tiijang hea nong raüta, Dorkas ka atra she, tsangshiq jaq na kiinong kuq thüto.

Romans 12:7

Riita, ija, nashiq ma nanok shiililii wan kongphiq kuqtaq jiika, nanok shiililii wan jaqsham wan chang. Kiimaq, nashiq ma Shiikeawe bomtsi shrinke wan kongphiq kuqtaq jiika, nanok ma Shiikeawe bomtsi kra shrinke wan chang.

1 Corinthians 10:10

Tsangshiq phong wa maiq wiijamti raq abot atsaü riiwanto. Kiikha hali nashiq riimin abot atsaü ka raa mak. Tsangshiq bot tsaü wantaqti thun ka Maiqtseati Rase raq jiip baiqto.

2 Corinthians 11:22

Tsangshiq ka Jehudinok dea sha? Ikhiijiika ngi ahata akaü. Tsangshiq ka Israilnok dea sha? Ikhiijiika ngi ahata akaü. Tsangshiq ka Abraham saüsetiim dea sha? Ikhiijiika ngi ahata akaü.

TRI CHONGKE 26:12

“Rawiitsam tsam sijai maq, aroq khu wa honglu thun ka— tsam wa aroqkhu honglu ka, Lewinok ma, pong mungti wan sha wetiim ma, jechisetiim ma, kiimaq manti-nyungre ma kuqlaq. Kra riihaüla, maiq phan ümchu wa sitlaq aphantek na, tsangshiq ka aphaq asea ma chamchao mak chamtraq miraq. Ümtiikiiwa ümniiraq arthun ara miklo lot haü,

Philippians 3:5

Ngi ka rawüchhi jai maq chepat shi ngo niili, i tho ka hanto. Ngi arka, i nyung pukdong Hibrunok phan dongdii. I weraü mang ka Benjamin weraü. Ngi ka chiisan Jehudinok lai. Thungtri lang wan lam na akaü ashi, Phorisi phan wa.

1 Timothy 5:3

Manti-nyungre, maiqmii laqlaq sitlaqti ka khrumkuq laq.

1 Timothy 5:9

Arawii wiiroqtrok misaü shaqti ka, manti-nyung li jiimin, apaiq mang ka manti-nyungre mang wea raüpot na naq waiq damkiq. Kiimaq arthaq niimin, manti-nyung she dea nguta wea wanli chang ka, juwa lakshi maiq ma watlaq kriiti kli manti-nyung dea nguta wea wan dam mimai.

Hebrews 13:1

Phungmaiqsetiim phunainobi rai, riilung riiwii maq shongnga ronglaq.

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.

James 4:5

Asii bomtsi na, “Shiikeawe raq nashiq mongjii na Asii Wenyi kuqto. Kra riika nashiq tsaiji rai tiipum tlii maq siwan ha jiilei nguta pinthum lungwii tlo,” nguta chong tlo, arka namshiq raq arot chongtlo sham nguta naq tiima rongkiq.

James 5:9

Phuno nyinotiim lei, namshiq raq chamchao litkot riihum tlan akhing na, riithu riisi lanta, weshi raq weshi ma naq tiishaü rongkiq. Nashiq raq kongti ka khühü na tiishut wan raa mak. Ara chongtiikang arka, Shiikeawe raq namshiq ma kha nyan mak chang miitu chongtiikang. Phowe jong ka ümchaü aje niishe. Mangjong maiqse kunli kha phokai saüho tlo she.