JEREMIA 26:16 - ASII LAKDAP Bible (BSI) Kiijiishe welabi nai mungmaiqse raq ramwebi nai shammibi miishe nguto, “Arwe raq nashiq ma Tatiwe nashiq Shiikeawe mang na chongkuqto. Apaiq ka tseabaiq raa mak.” Hawa Naga Bible 2001 Kvruex yimaq walaungx bix nuiyc mungx miqsaz rueq shomc waz bix nuiyc shvmmax bix muex, “Vruex waz kuex Yehowa naungshiq Tishox muingc maq naungshiq muex jungx yaq; piq kuex vthueyc aungx muq,” ngoz tueq jungx wuez tueq. |
Ümchaü akhing akhna, ümniika kaishak la sihaü jiila, Jehudinok mung tiichhii, khrum ka bashi ra wa misaüho. Raüta tsangshiq ka mitiikhup wong wan. Shatmaq tiina, ümmiisaq nai ümnyung ümwe weraü ka athum mirki. Jursap? Ümniika hokhamnyung ma shongtaq arka, ümchaü akhing akha ara miitu wa, shongtaq riila!”
Ajiq kiimungti rai riikhat na ngi rai pongdamti juwa? abi kloti rai riilong na ngi rai pongdamti juwa riita?
Raütiishe ramwebi nai shammibi raq mungmaiqse ma akhiishe khatan bomtsi nguto, “Arwe ka tiitsailaq tseabaiq chang kha tangto. Jamkhano ngukla apaiq raq nashiq chela khuthaq na abi bomto. Namshiq raq maiqmii ni maq tailan kata.”
Tlotli mungmaiqse nai welabi raq khutam maitam kiq ri raüta, maiqmii disetiim ka diibaiq wan miitu rong rito. Kiimaq ümtiikiimin tsangshiq ka di ma thümai she nguta tri ka kha thüto. Krai mren tsangshiq raq dikong ka tiidongbaiqto raüta wasetiim she riito.
Kiijiishe tsangshiq raq apaiq ma nguto, “Ümnaq nai Jeremia ka bashi ra na kilanta tiipaükai chang. Namnai ka ümbano kra maiq jumiimin naq tiihe rongkiq.”
Kiitiina, Elnathan, Delaia, kiimaq Gemariah riika hokhamwe ma lakdam kom ka wa na naqchaqkiq nguta tiipaiqneato. Shatmaq apaiq raq tsangshiq bom ka akhiismin taimak riito.
Krai mren, tsangshiq ka ngi ma kai khiqto. Raüta ngi ka atiitea riito. Kiimaq rung cherewe Jonathan jam khok na tiishaqbaiqto. Apaiq jam ka phaqtek rung ma atiijabaiq wishe riito.
Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.
Nanai raq ho tiikai arka, riikhaqli ho tiikai. Nanai chamchao tiikai arka, nanai raq jamlai kha wa tang kai, kra mat hotiikai. Shatmaq, apaiq riika, jam min shutphit mak dea,” nguta arewe ka sonto.
Phentuwe raq arthun ara chhito. Kiimaq apaiq raq, “Ngohea dea, apaiq arka kechu maiqse dea,” nguta Shiikeawe ka tiitsamto.
Riita, ngi raq liiwan kangta apaiq tsai chang, lo kiimaq apaiq ka phaqtek mong na shaqli chang lo khü akha ka apaiq dü na ahü chhi mang. Tsangshiq raq apaiq dü na kha asi nguta nyan tlaq kriika, tsangshiq nok thung alai wa bomtsi tri khuthaq wa bom kli chhikang.
Krai mren she, tsangshiq riikhii tatso gisii trang wan tlaq kriika henghea riiwan wan she heng wanto. Kiimaq Thungtri shrinketibi phong wa, maiq welabi wiijamti Phorisinok phungti ka chap raütiishe, achaq awaq maq latlat she, tri ka akha ngutiishe riikhii wanto: “Naishiq raq lii kai jaq arwe dü na kha ka jam min ahü chhi mai! Jursap, apaiq ma ngohea dea wenyi riilo, riimak la, rase riidea wa bom asa ka chongkuqla riila!”
Shatmaq ngi raq apaiq kha ka pho wan kang, lata lii wan kang. Shatmaq, apaiq dü na apaiq miisaq thumli chang khü akha ka jam min ahü chhi wan mang dea. Kiimaq apaiq raq maiqmii nü maq apaiq kha ka Roman Hokham we rung niishe shokto. Krai mren, ngi riimin apaiq ka Hokham we phana tiiwa chang ngutiishe tri ka shat kang she.