JEREMIA 34:10 - ASII LAKDAP Bible (BSI)

¹⁰ Tlotli mungmaiqse nai welabi raq khutam maitam kiq ri raüta, maiqmii disetiim ka diibaiq wan miitu rong rito. Kiimaq ümtiikiimin tsangshiq ka di ma thümai she nguta tri ka kha thüto. Krai mren tsangshiq raq dikong ka tiidongbaiqto raüta wasetiim she riito.

Hawa Naga Bible 2001

¹⁰ Miq lotlaz rueq nuiyc tsuingshiq walaungx bix rueq tsuingshiq dax htenc kuex tvdungc gay ruiux mkaq muinz lauk shiz dax muex nvr miq shex ngoz tueq rvkhvmc wuez tueq. Tsuingshiq rueq vsuing tvdung gay tueq,

JEREMIA 34:10 Referencias Cruzadas

DUNGWVNC 21:2

Ümniiraq Hibru phan wa di la ri haüla, apaiq raq ümniima wiitrok jaq mishamkuq. Wiimiishi saüto angu na apaiq ka ümwokhong wa dokdahü miilishe apaiq ka wase she miraq. Raüta apaiq ka miwawan.

ISAIA 29:13

Tatiwe raq nguto, “Arnok riika tsangshiq raq ngi shomnoq tiikai nguta tiitsakitlo. Shatmaq tsangshiq bomtsi ka jamlai liichum min ahü, hiqti li banbok miili. Kiimaq tsangshiq tsantsii ka ahin na. Tsangshiq raq shomnoqtlaq kriika miinan maiqse thungtri lamlam li. Kriika tsangshiq raq tsan na tiitsangtlii ashrin wan tri raütuli.

JEREMIA 26:10

Juda mungti welabi raq kra mra pin tsütsa ka tai raütiishe tsangshiq ka hokham jam wa dongho rang riito. Raüta Shomjam kilamchong Nye kiijaq Rung thungto.

JEREMIA 26:16

Kiijiishe welabi nai mungmaiqse raq ramwebi nai shammibi miishe nguto, “Arwe raq nashiq ma Tatiwe nashiq Shiikeawe mang na chongkuqto. Apaiq ka tseabaiq raa mak.”

JEREMIA 34:11

Shatmaq kra bomshat wan jai maq tsangshiq tsantsii ka aklai she riikinongto. Raüta tsang disekong ka thongshi ri hali sheaki nong raüta, tsang disetiim ma hali jaqsham shiitep raüta jamsha wan nongto.

JEREMIA 36:12

Kra tai riitiishe apaiq ka hokhamwe jam na, rung kheti cherewe khok na wato. Kiijaq ajong alabi thun ka rung na anga bala riito. Kiijaq rung cherewe Elishama, Shemaia se Delaia, Akhor se Elnathan, Shaphan se Gemariah, Hanania se Jedekia, kiimaq siihiipbi ahinti thun min tarü kiijaq asi riito.

JEREMIA 38:4

Kiijiishe ajong alabi thun ka hokhamwe phana wato. Raüta akha nguto, “Arwe arka atseabaiq ratlo. Apaiq raq akha bom raüta, chela na siti phenlabi tsaiji ka trantlo. Kiimaq apaiq raq ara chela na nokmaiqse abung tiichongtlaq loweatek tsaiji ka tranbaiqhoto. Apaiq raq mungmaiqse ka khrumkuq mak. Apaiq riika tsangshiq kli nansiqtlo.”

LEWI 25:10

Akha lanta namshiq raq rawii wiiroq biingi rawii ka pong na raibaiq lanta thüronglaq. Lanta nammung na siti mungmaiqse tlotli ma wase ma jawan akhing saüto nguta chiiriim lanta tsütsa ka tiitai ronglaq. Ara rawii liipan wa phanrap tachong hupsam wak ajam ümchu riiwa maiq ma shabaiqtaq kriithun ka atati ma, riimakla asaü asetiim ma jangke nong ratlo. Kiimaq maiqse liipan na juwa maiqdi ma shabaiqtaq kriiti kiimin maiqmii ata awii jam na tiijang wan nong chang miraq.

Mark 6:20

Herod raq Khamlamketi we Johan ka, mitting maiqse kiimaq kechu maiqse dea ngutiika asap. Krai mren, apaiq ka Johan ma ahaisi ka asi. Kriikha maq, apaiq raq Johan ka phaqtek na, tiiwong kuq shatmaq maq shaq raüta thüto. Apaiq raq Johan traho bomchong kewan kriika tairo tlo. Shatmaq, tai tlaq tek na, atsan mong na kai kotsirak wan lili riitlo.