TAKSU LAK 16:7 - ASII LAKDAP Bible (BSI)

⁷ Ümniiraq Tatiwe tiichochi haüla, ümjaqtibi kiimin ümkongtibi ma mitiijalot haü.

Hawa Naga Bible 2001

⁷ Mnoz rueq Yehowa kuex raungc raq ruiux yuq, mralx waz kuex mkungjix muex tvyaungc lot shuiux.

TAKSU LAK 16:7 Referencias Cruzadas

RAPHA HIQWA LAK 27:41

Esau raq Jakob ka ngengto. Jamkhano ngukla awe raq Jakob ma achu shiiman kuqto. Apaiq raq akha tiimato, “Iwe maajo miitu akhing ka ajeli she saü wantlo; kiitiikiitiq ngi raq Jakob ka mitsat baiqha.”

RAPHA HIQWA LAK 32:28

Kriiwe raq nguto, “Ümmang ka Jakob riimak she. Ümniika Shiikeawe rai riikilaü kiimaq maiqrai min riikilaü. Laüta ümniiriisii tanglaü. Kra ningkhan ümmang ka Israil she miraq.”

RAPHA HIQWA LAK 33:4

Shatmaq Esau ka tlat chhat apaiq humkai juto. Raüta ajaq wiinai maq apaiq ka pomsaq riito. Raüta atheaphi na shupto. Raüta tsangnai wiita aho trang liishe hoq trang hoto.

2 KAÜWA WERAÜ 17:10

Tatiwe raq maiq mung thun trotam na siti ka Jehoshaphat rai riikhat kai ma tsanghai tiisito.

2 KAÜWA WERAÜ 20:30

Krai mren Jehoshaphat raq mung ka atsing pengto. Kiimaq Shiikeawe raq apaiq mungtan trotam khup wong kuq shat riito.

EJRA 8:36

Kiimaq ajong hokhamwe raq tsangshiq jaq na Euphretis Jürai maq Shenyap Mung pengti wanghupti nai mung riim wanti welabi siihiipbi ma atiiho lakdamkom kra, tsangshiq jaq niishe kuqto. Kra kuqtaq krai mren, mung pengti ajong ala thun riimin, Jehudinok ka Shomjam tiihea hai jaqsham na, kiimaq Shiikeawe shomnoq wan na khrum kuqto.

Tvtsvmc 69:31

Arka Tatiwe tsan tiichochi chang minsaü pongwe honglu na ataakuq thaq na araa, minsaü saüpong ajong kaü honglu na ataakuq thaq na athü tsinhea.

DUNGWVNC 3:21

“Ngi raq Ejip mungti ma ümniika mitiishrengha. Raü jiitiq ümtiikiiwa isenginok ka laü wantlaq na, tsangshiq ka jaqmii maq wawan mak miraq.

TAKSU LAK 16:8

Ajiq lam phan raüta tsiiq, pahea alap wan kra nam miika, tingting kappe sham raüta, atsapse lap wan tsiiq ka asho.

TAKSU LAK 3:17

Nyan phaqchi raq, ümniima khoqriiq shishiiq rilung kuqtlo; kiimaq ümniima hansang rilung mikuq.

JEREMIA 15:11

Tatiwe lei, ngohea dea ngi raq ümniika aheawiq maq riikhaqli maq shomnoq wan mang dea jiila, tsangshiq manson ka minilaq. Ijaqtinok ka chamchao sangrai riihum raitaq akhing na, ngi raq tsangshiq miitu ümjaq wa achu jaükuq mang dea la jiila, manson ka ngi ma minilaq.

JEREMIA 39:12

“Kilaq. Laüta Jeremia ka rit laq. Laüta apaiq ka aheawiq maq shiililaq. Apaiq ka naq tiichamchaokiq. Shatmaq apaiq raq jamlai khrum wa jaü tlaq kra khrum kuqlaq.”

JEREMIA 42:12

Jamkhano ngukla, Ngi ka mangchan heawe, Ngi raq apaiq tsan na namshiq miitu tiihang wan mangchan mitiitsi kuqha. Lata apaiq ma namshiq ka maiqmii jam na tiijang wan miitu tsantsii mitiichhi kuqha. Arka Ngi, Tatiwe raq toqtan tiikang.’

DANIEL 1:9

Kiimaq Shiikeawe riimin, Ashpenaj tsantsii ka Daniel khrumke miitu atiinin riikuqto.

Romans 8:31

Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!

Philippians 4:18

Lo ta, arjaq arshe namshiq kongphiq bomtre tiijang kuq tiikang ara. Namshiq raq ngi ma phanrap ümchu wa tiiho wan lan, irka wiita lap kang she. Arka ngi ma, ahong thaq niimin achan ana, asho awo she! Namshiq raq Epaphroditas jaq na, tiiho wan lan kongphiq irka, ahong thaq niimin achan ana she ngo li kha. Namshiq raq kongphiq ümchu wa, kuq lan thun kriika, Shiikeawe ma ahomwiq phan honglu ngamrea akuq ikha. Ara honglu kuq lan arka, Shiikeawe man na athuk atsom, kiimaq apaiq tiichochi chang honglu.

Colossians 1:10

Kra laphan jiitiq, namshiq Tatiwe raq namshiq ka jamkhii tiisinga wan wa lungwii tlaq, kiikha misi wan lot han. Kiimaq namshiq raq, ranaiqtek apaiq raq lungwii tlaq jaqsham kaiwa kra misham lot han. Krai mren, namshiq rilung na shamhea kaiwa ümchuwa sitlaq kra tsingo pahea she misi. Kiimaq namshiq ka Shiikeawe tiima tsantsii ka atsaü maq sap lanta mijong luwan han.

Colossians 3:20

Nosere lei, namshiq raq nam-nyungwe bom ka ranaiqtek phaqchii nichii maq tai ronglaq. Ahata Phungmaiqse sham akai ajong ashi. Arka Shiikeawe tiichochi chang jaqsham.

1 Peter 3:13

Ikhiijiika, namshiq raq athuk atsom jaqsham wan miituli, namtsan tiitsi lanta si han jiika, namshiq ma abi kiimung wanti ka misi sha?

1 John 3:22

Nashiq ka Shiikeawe wokhong na sitiikai. Laita apaiq aming thun ka lang laita sitiikai. Kiimaq apaiq raq ro tlaq kra phan phan jaqsham tiikai. Krai mren, Shiikeawe jaq wa nashiq raq jamlai wa jaü tiikai, kra apaiq raq nashiq ma kuq tlo.