Acts 23:9 - ASII LAKDAP Bible (BSI)

⁹ Krai mren she, tsangshiq riikhii tatso gisii trang wan tlaq kriika henghea riiwan wan she heng wanto. Kiimaq Thungtri shrinketibi phong wa, maiq welabi wiijamti Phorisinok phungti ka chap raütiishe, achaq awaq maq latlat she, tri ka akha ngutiishe riikhii wanto: “Naishiq raq lii kai jaq arwe dü na kha ka jam min ahü chhi mai! Jursap, apaiq ma ngohea dea wenyi riilo, riimak la, rase riidea wa bom asa ka chongkuqla riila!”

Hawa Naga Bible 2001

⁹ Tsuingshiq rueq guyc ramc jungx yaq kuex jvnc vtueq tvruingx wvnc tueq, Pharise nuk phungc wawc luik wuiyq jix tvluingc waz hez wvyvmc jvp vtueq, “Miq vruex waz htauk nuex nuiyshiq rueq yvmx mvrax muinz khiz miq! Vsuing siyac rueq muinz, raungkamx waz vshishiz rueq muinz piq muex jungx kuq ruiux jungx kuq tueq shvmx!” ngoz tueq khawx tueq.

Muklom

⁹ Uring tha rapney sey chan wangta, etho Phorisi tang wang chamtey thong samtey tang lang eq batta, “Í aa iri miqwa ro jashit kap khimi angti! Tsija nia rangkamwa aa piq jamoq wanta hey.”

Acts 23:9 Referencias Cruzadas

TAKSU LAK 16:7

Ümniiraq Tatiwe tiichochi haüla, ümjaqtibi kiimin ümkongtibi ma mitiijalot haü.

JEREMIA 26:16

Kiijiishe welabi nai mungmaiqse raq ramwebi nai shammibi miishe nguto, “Arwe raq nashiq ma Tatiwe nashiq Shiikeawe mang na chongkuqto. Apaiq ka tseabaiq raa mak.”

Mark 2:16

Kiijaq, Phorisinok wa Thungtri shrinketibi raq, Jesuq ka ashleq arbaiq nai phunta hitinok rai, adam na nga raüta dungsea kra chhi raüta, ajaqshisetiim ma, “Apaiq ka akhnok anun phan maiqsetiim rai, adam na nga raüta takshi pinshi miika jam nguto phaqsiq wan dam tla? Arka ashut klotlo!” nguta bom ka waito.

Luke 23:22

Kiijiishe, Pilat raq, “Riita apaiq raq jamlai mat atsa wa tangta? Ngi raq apaiq dü na, apaiq miisaq tiithumli chang khü akha jam min chhi mang, ahü! Ngi raq apaiq ka chunpo-nyam chongwai maq ninta tiitsat latli mitiidong baiq ha?” nguta tiithongtsam she hali tsangshiq ma chongkuq nongto.

Luke 23:4

Kiijiishe, Pilat raq ramwe jongbi nai mungmaiqse thungtlaq kiima, “Ngi raq arwe dü na apaiq tsaili chang kha ahü, jam min chhi mang,” nguta chongkuqto.

Luke 5:30

Phorisinok phong wa maiq wiijamti nai Thungtri shrinketi nok tsangshiq kongtibi raq, Jesuq jaqshisetiim ma, “Namshiq ka jam nguto, phunta hitibi nai ahin anun phan ashleq arbaiqti rai, takshi pinshi maq phaqsiq dam tlan?” nguta bottsaüto.

John 12:29

Mungmaiqse phong kiijaq thungrai tlaqti raq, kra bomtsi ka taito. Raüta, maiqphong kiiwa wiijamti ngiika, ramokto nya nguta bomto. Kiimaq maiq wiijamti ngiika, “Notsam, rase raq apaiq rai riibom damto!” nguta tsangshiq liipan na bom ka riichongto.

Acts 11:17

Kra miishe, ngi raq, o ikhiijiika, nashiq raq Tati Jesuq Khristo ma kam kaita, Shiikeawe raq Asii Wenyi ka nashiq ma jamkho kuqtaq ikha, ümchaü sanha, ara Pongnok phan maiqse miimin kuqto she dea ngutiishe tak kang. Riita, ija, ikhiijiika, ngi raq Shiikeawe jaqsham ka jamkho mitangta ha! Kra tangta miika, ngi ka juwa!”

Acts 22:6

“Kra akhing na, ngi ka lam na awarai riikang. Kiimaq Damaskas chela na asaü wan nini she riikang. Kiimaq rashe ka ranaiq shethung shekham bala she riito. Kra liipan bala niili she, tiihanghiiq miili, ngi tro na ra wa walüli chhai henghea langlang ashi ka chhai raito.

Acts 22:7

Kiijiishe ngi ka, hiq na tiidearok she dea wan kang. Kiimaq ngi raq maiq bom ashi, ngi ma akha chongto taikang, ‘Saul, Saul! Ümniiraq ngi ka jamkhano tiichamchao tlaü?’

Acts 23:29

Riita, ngi raq liiwan kangta apaiq tsai chang, lo kiimaq apaiq ka phaqtek mong na shaqli chang lo khü akha ka apaiq dü na ahü chhi mang. Tsangshiq raq apaiq dü na kha asi nguta nyan tlaq kriika, tsangshiq nok thung alai wa bomtsi tri khuthaq wa bom kli chhikang.

Acts 23:8

(Sadusinok riika, maiq ka amaa wa dong mak she nguta kamtlo. Kiimaq rasetiim nai wenyi ngutlaq kiimin ahü nguta kamtlo. Shatmaq Phorisinok riika, ara phantsam wiita ka tengteng asi dea, nguta kamtlo.)

Acts 25:25

Shatmaq ngi raq apaiq kha ka pho wan kang, lata lii wan kang. Shatmaq, apaiq dü na apaiq miisaq thumli chang khü akha ka jam min ahü chhi wan mang dea. Kiimaq apaiq raq maiqmii nü maq apaiq kha ka Roman Hokham we rung niishe shokto. Krai mren, ngi riimin apaiq ka Hokham we phana tiiwa chang ngutiishe tri ka shat kang she.

Acts 26:31

Kiimaq kra rung maq tiido wan raütiishe, tsangshiq nai tsangshiq liipan na bom ka, “Arwe raq apaiq tsaili chang nai apaiq ka phaqtek na shaqli chang kha ka tang wan mak dea,” ngutiishe bom ka riichongto.

Acts 27:23

Ara jamkhano chongtiikang ngukla, ümwa rawa ngi raq shomnoq tiikang Shiikeawe rase ashi ka ngi phana kito. Kiimaq ngi ma bom ka akha chongkuqto,

Acts 5:39

Shatmaq, arka Shiikeawe jaqsham dea jiika, namshiq raq tsangshiq jaqsham ka tangta lot man mirhan. Kiimaq, namshiq maiqmii kriikhoti, Shiikeawe rai riilong liiq ma mojakai min miraq!” nguta Rung welabi ma tsii ka chongkuqto. Krai mren, Rung na ngati welabi raq bom ka Gamaliel raq tsii chongkuqtaq kiijiidea tiisupto.

Acts 9:4

Kiimaq apaiq ka kumrang raikhü wa, hiq na tiidearok dea wato. Kiimaq apaiq raq ra wa maiq bom ashi akha taito. “Saul, Saul! ümniiraq ngi ka jam khano tiichamchao tlaü?”

1 Corinthians 10:22

Nashiq raq akhla klo hai jiila, nashiq raq Shiikeawe maklii kra tiishurea ma nguta klo ikhiishe mijaki. Nashiq ka Shiikeawe nam ma ajong ahong ala ka riimai.

1 SAMUEL 12:5

Kiijiishe Samuel raq treto, “Riita ikhla, Tatiwe kiimaq apaiq raq ashong hokhamwe ka ümchaü ranaiq saqse ma jatlo, ngi ka namshiq man na jamshut ahü, chiisan maiqse dea nguta namshiq raq chhi wan lan she.” “Tengto. Tatiwe ka naishiq khuthaq na saqse,” nguta tsangshiq raq treto.

1 SAMUEL 24:17

Kra raütiishe, apaiq raq Dawit ma akha nguto, “Ümniika alam dea. Ngi dea ajiq. Ümniiriika ngi miitu ahea pinthumli klo tlaü, shatmaq ngi riika, ümniima atinkhan abi kli klo tiikang!