JEREMIA 26:11 - ASII LAKDAP Bible (BSI)

¹¹ Raütiishe ramwebi nai shammibi raq mungmaiqse ma akhiishe khatan bomtsi nguto, “Arwe ka tiitsailaq tseabaiq chang kha tangto. Jamkhano ngukla apaiq raq nashiq chela khuthaq na abi bomto. Namshiq raq maiqmii ni maq tailan kata.”

Hawa Naga Bible 2001

¹¹ Kvruex yimaq shomc waz bix nuiyc shvmmax bix rueq walaungx bix nuiyc mungx miqsaz muex, “Naungshiq ghaqyungx kuex khawc lvlc kvjaz piq rueq jungc ningkhvnc nuex vruex waz kuex vthueyc aungx yaq. Nuimshiq rueq piq lvmz kuex nuimshiq miqmac nac maq tay wuez tuit,” ngoz tueq jungx tueq.

JEREMIA 26:11 Referencias Cruzadas

JEREMIA 18:23

Shatmaq, Tatiwe, tsangshiq raq ngi tseabaiq miitu thiikho ümchu wa thutaq thun ka ümniiraq asap-haü. Tsangshiq raq abi klotlaq kra mra thun ka naqdii kuqkiq. Kiimaq tsangshiq ngarai bu ka naqdii kuqkiq. Tsangshiq ka re ma tiinamtok tiikhattlaq. Laüta ümtsankhiq bala tsangshiq ma mo tiiholaq.”

JEREMIA 26:16

Kiijiishe welabi nai mungmaiqse raq ramwebi nai shammibi miishe nguto, “Arwe raq nashiq ma Tatiwe nashiq Shiikeawe mang na chongkuqto. Apaiq ka tseabaiq raa mak.”

JEREMIA 38:4

Kiijiishe ajong alabi thun ka hokhamwe phana wato. Raüta akha nguto, “Arwe arka atseabaiq ratlo. Apaiq raq akha bom raüta, chela na siti phenlabi tsaiji ka trantlo. Kiimaq apaiq raq ara chela na nokmaiqse abung tiichongtlaq loweatek tsaiji ka tranbaiqhoto. Apaiq raq mungmaiqse ka khrumkuq mak. Apaiq riika tsangshiq kli nansiqtlo.”

Matthew 26:66

Namshiq raq kha ka jamkhii she wa mitan han?” Kiijiishe tsangshiq mung welabi raq, “Apaiq ka shutto dea. Kriikha maq apaiq ka atsai chang she,” nguta bom ka treto.

John 18:30

Kiijiishe, “Mungtu we lei, apaiq raq kha tangmak dea ngu raüka, naishiq raq apaiq ka ümrung na jaram wa misheaho,” nguta tsangshiq raq apaiq bom ka treto.

John 19:7

Kiijiishe, “Apaiq miisaq kra shiithum miitu naishiq nok thungtri asi. Ara jamkhano chongtiikai ngukla, apaiq raq apaiq ka Shiikeawe Se nguta tiichong tlo,” nguta mungmaiqse riitsaprai tlaq kriiraq, Pilat bom ka tre nongto.

Acts 22:22

Mungmaiqse raq Paul bomchong ka ara bomtsi chongtaq arjaq saüli li tiitsang taito. Shatmaq, ara jai miishe sanha, tsangshiq ka agilülü she hali, khot arot pan baiq nam nam she hali, “Arwe ara tiiwa baiq tlo ronglaq! Sebaiq tlo ronglaq! Apaiq ka atra si thek mak she!” ngutiishe gitrang wan nongto.

TRI CHONGKE 18:20

Shatmaq shammi weshi ra raq, Ngi raq chongkuq mang taü maq, imang na apaiq tsiitsii maq shammi bomtsi la chong kuq raüla, apaiq ka atsai raa dongdii she. Krai mren sii hali, shammi weshi ra raq sumla phra thun mang na shammi bom chong kuq raü min, apaiq ka atsea baiq ratlo.’ ’

PHOWEBI 6:30

Kiijiishe tsangshiq raq Joash ma akha nguto, “Ümse ka ana sheaho laq. Naishiq raq apaiq ka atseabaiq chang! Apaiq raq Baal berong-wacha ka daqbaiqto kiimaq kra tiinap wa Ashera berong kiimin daqbaiqto.”