JEREMIA 26:10 - ASII LAKDAP Bible (BSI)

Juda mungti welabi raq kra mra pin tsütsa ka tai raütiishe tsangshiq ka hokham jam wa dongho rang riito. Raüta Shomjam kilamchong Nye kiijaq Rung thungto.

Hawa Naga Bible 2001

Yuda walaungx bix rueq kvkhoc yaungx wvnc tueq lvmz kuex tay wuez vtueq, tsuinghez kuex hokhvmx hoc maq Shomc Yuimx kvyuq makmak kaz vtueq Palx Kaluix Vnyalx nuex miqmac ngaungc chuing baung lvmz wuez tueq.

JEREMIA 26:10 Referencias Cruzadas

2 HOKHVMX 15:35

Shatmaq thatsang sumla phra thun noqchang hiqba thun ka tiithenbaiq mak dea riito. Kiimaq mungmaiqse raq nyamse honglu take nai honglu homseng wa na chaq ke wan ka kuqwan ruq li riito. Kiimaq Shomjam na walam Shekhu nü Kilamchong ka Jotham riidea haito.

2 KAÜWA WERAÜ 27:3

Jatham raq Shomjam maq Hiqkhu nü Kilamchong ka haito. Kiimaq apaiq raq Jerusalem chela tro ruk na Ophel ngutlaq hiqba kiiwa ruk jaqsham ka pahea sham wanto.

JEREMIA 20:2

apaiq raq ngi ka atea ronglaq nguta aming kuqto. Raüta ngi ka jinraü kharü maq khato. Raüta Shomjam na wachang lamthaq niiti Benjamin Kilamchong kiijaq banto.

JEREMIA 26:21

Riita Hokhamwe Jehoiakim nai apaiq phenlabi raq kiimaq siihiipjongbi raq, Uria raq jamlai bomtsi wa chongtaq kra tai raüta, hokhamwe raq apaiq ka atiitseabaiq tanto. Shatmaq Uria raq kra tsütsa ka taito. Raüta apaiq ka ahai sitsi ma Ejip mung na achiim jin juhoto.

JEREMIA 26:24

Shatmaq ngi ka Shaphan se Ahikam raq khrumke kha na, ngi ka mungmaiqse ma kuqbaiq mak dea. Kra ningkhan ngi ka tsatbaiq mak dea riito.

JEREMIA 34:10

Tlotli mungmaiqse nai welabi raq khutam maitam kiq ri raüta, maiqmii disetiim ka diibaiq wan miitu rong rito. Kiimaq ümtiikiimin tsangshiq ka di ma thümai she nguta tri ka kha thüto. Krai mren tsangshiq raq dikong ka tiidongbaiqto raüta wasetiim she riito.

JEREMIA 36:10

Kiijiishe, mungmaiqse wiita raq tiitsang taishat na, Barukh raq lakdam kom wa ngi raq chongkuq kang kra phanphan tiitai phat kuqto. Apaiq raq arka Shomjam mong maq, Shaphan se Gemariah, apaiq ka Shomjam rungkhok liiti cherewe, ngachang khok maq phat kuqto. Apaiq khok ka rathongti rungkhok na Shomjam na walam Kilamchong Nye tho na riito.

JEREMIA 36:25

Kiitiina, Elnathan, Delaia, kiimaq Gemariah riika hokhamwe ma lakdam kom ka wa na naqchaqkiq nguta tiipaiqneato. Shatmaq apaiq raq tsangshiq bom ka akhiismin taimak riito.

EJEKIEL 22:27

Kiimaq munghupti ajong alabi thun ka shekong ikha, ngamkaütiim ka kaq raüta jamkho kholam kholiiq chai phaqtlaq ikha mungmaiqse ka kaqphaqtlo. Tsangshiq raq maiq miisaq tantlo. Raüta chiithe ma jatlo.

EJEKIEL 22:6

Israil mungti welabi tlotli raq maiqmii ningkun tri ma kamtlo. Raüta maiq ka tsat baiqtlo.