JEREMIA 26:24 - ASII LAKDAP Bible (BSI)

²⁴ Shatmaq ngi ka Shaphan se Ahikam raq khrumke kha na, ngi ka mungmaiqse ma kuqbaiq mak dea. Kra ningkhan ngi ka tsatbaiq mak dea riito.

Hawa Naga Bible 2001

²⁴ Yuq muinz Shaphan saz Ahikam rueq ngaz muex romc kuy ningkhvnc nuex, ngaz kuex mungx miqsaz yauk nuex lekuy gay nuiyc vthvy gay rvhumc mauk.

JEREMIA 26:24 Referencias Cruzadas

1 HOKHVMX 18:4

Kra ningkhan, ümtiikiiwa Jejebel raq Tatiwe shammibi thun tsatbaiq wantaq akhing na, Obadia raq shammibi shishi kra sheahoto. Raüta tsangshiq ka longsha mong na kongnai ma roqbiingingi na tiiphea raüta paü thüto. Raüta tsangshiq ma dung nai kham kuq raüta dungto.)

2 HOKHVMX 25:22

Bebilon mung Hokhamwe Nebukadnejar raq Ahikam se Gedalia, apaiq ma ati mang ka Shaphan ka Juda mung na wanghuptiwe ma shongto. Raüta awokhong na, mungmaiqse Bebilon mung na tsuq wa mak dea tiichongbaiq thütaqti thun kra peng miitu shongto.

2 KAÜWA WERAÜ 34:20

Raüta apaiq raq Hikiah ma, Shaphan se Ahikam ma, Mikaia se Abdon ma, rung na ngati cherewe Shaphan ma, kiimaq hokhamwe jaqtreti Asaia ma aming ka akhiishe kuqto:

JEREMIA 29:3

Lata ngi raq lak ka Shaphan se Elasa nai Hilkia se Gemariah jaq na kuqkang. Tsangnai ka kra akhing na Hokhamwe Jedekia raq Bebilon mung Hokhamwe Nebukadnejar phana tiiwato. Lak na bomtsi ka akha:

JEREMIA 36:10

Kiijiishe, mungmaiqse wiita raq tiitsang taishat na, Barukh raq lakdam kom wa ngi raq chongkuq kang kra phanphan tiitai phat kuqto. Apaiq raq arka Shomjam mong maq, Shaphan se Gemariah, apaiq ka Shomjam rungkhok liiti cherewe, ngachang khok maq phat kuqto. Apaiq khok ka rathongti rungkhok na Shomjam na walam Kilamchong Nye tho na riito.

JEREMIA 36:11

Tatiwe raq jamlai wa chongtaq kra Barukh raq lakdam kom wa phat kuqto. Kra Gemariah se Shaphan ma asaü Mikaia raq taito.

JEREMIA 36:12

Kra tai riitiishe apaiq ka hokhamwe jam na, rung kheti cherewe khok na wato. Kiijaq ajong alabi thun ka rung na anga bala riito. Kiijaq rung cherewe Elishama, Shemaia se Delaia, Akhor se Elnathan, Shaphan se Gemariah, Hanania se Jedekia, kiimaq siihiipbi ahinti thun min tarü kiijaq asi riito.

JEREMIA 36:19

Kiijiishe tsangshiq raq apaiq ma nguto, “Ümnaq nai Jeremia ka bashi ra na kilanta tiipaükai chang. Namnai ka ümbano kra maiq jumiimin naq tiihe rongkiq.”

JEREMIA 36:26

Kra raütiishe, apaiq raq Hokhamwe se Jerahmeel nangnga, Ajriel se Seraia kiimaq Abdeel se Shelemia kra shea raüta, ngi nai icherewe Barukh nainai ka lapki rongkiq nguta aming kuqto. Shatmaq Tatiwe raq nainai ka apaü raüta thüto.

JEREMIA 39:14

ngi ka hokham jam rinkea khok mong wa tiidong kito. Raüta tsangshiq raq ngi ka Ahikam se Gedalia, apaiq ka Shaphan ma asaü she, kriiwe wokhong na ngi ka aheawiq maq jam na sheathü wan ronglaq nguta aming kuqto. Krai mren ngi ka kiijaq nanok rai she siwan dam kang.

EJEKIEL 8:11

Kiijaq Israilnok welabi roqmiishi asi. Tsangshiq rai Shaphan se Jaajania kiimin asi. Tsangshiq loweatek raq honglu homseng chaq chang sindea lakkong kra sham raqraq riito. Kiimaq honglu homseng chaq tlaq kriiwa wakhuk mong wa ka phum apong wan ikha riito.

Acts 23:10

Krai mren she, tsangshiq tatso liipan na bom riikhii rai wantaq kriika, henghea riiwan wan she heng wanto. Kra chhi raütiishe, siihiipjong we ka, athi makjaq kharong khoti riijiiq la, tsangshiq raq Paul ka tsat nyat baiqjiiq la ngutiishe, ahai she riito. Kriikha miishe, apaiq raq phenlanok ma, tsangshiq phong na kiraüta Paul ka peruk mong jam kiijiishe shea wan tlo ronglaq nguta aming kuqto.

Acts 27:43

Shatmaq, phentujong we raq, Paul ka tsatjiiq nguta apaiq tiichhii kewan miitu, phenlabi ma shumwi kong ka atsea raa mak nguta tiiwinto. Kra rii na, apaiq raq maiq ümchu riiwa jüwai atsin, kriiti thun ka kongkhu laijong maq kham na doq rong laq; lanta tareko kiina wai wan tlo ronglaq nguta aming kuqto.

Revelation 12:16

Shatmaq, hiq raq jechak nyung ka khrum kuqto. Hiq raq anübok ka tiiki raüta, prenkaü nübok maq adong jüchhang kham jonghea saü tlaq kra wiita hiqkha mong niili tiishup baiqto.