JEREMIA 1:14 - ASII LAKDAP Bible (BSI) Apaiq raq ngi ma nguto, “Armung na siti maiqse tlotli khuthaq na athen wan lamlu khamtak phomtlaq kriika ka shekhu nü mung kiiniiwa misaü. Hawa Naga Bible 2001 Vpiq rueq ngaz muex, “Vruex mungtan vyuq httaz jix lotlaz htauk nuex ghaqkhux kox maq tvbac gay jix httuiuc wvnc tuex, |
Agi lülü hoqtrang ronglaq. Lantea khrum jaü hoqtrang ronglaq, Namshiq Philistain mung wa chela thun tlotli raq hoqtrang ronglaq! Phiip jiip ronglaq, namshiq tarü! Shekhu nü mung maq botkhulai khuk wa rathaiq saü wantlo. Kra rekong saü wan tlaq phong niika wepuq ngutiika weshi ra min ahü. Srea nolakong siisaq.
“Ngi raq maiq weshi shedong mung na sitiwe ka tsea wan kang she; Ngi raq apaiq ka sheawa lata shekhu nü mung maq mitiikhat phahoha. Apaiq raq hokhambi ka boqda ikhli nishishi miraq, hamtak loti raq hamliihiq nitlaq ikha.
Taironglaq! tsütsa she saükito! Shekhu nü mung maq reshe dong wanto! Kra re raq Juda mung wa chela thun ka kumtsaiphii ma mitiijabaiq, miikakoi kong sichang miishe mija wan.”
“Ngi Ajong Pinthum Tatiwe raq, Israilnok nai Juda mungti ka pecham ikha chhijang wan kang. Shatmaq ümchaü sanha Ngi raq tsangshiq ka miqchup mishthen baiqha nguta tiiphiip tiikang. Arka tsangshiq maiqmii riili maiqmii thumphaq chang thiikho thütiije wanto. Jamkhano ngukla tsangshiq raq ashut klo wanto. Tsangshiq raq Baal phra ma honglu take wan kha na itsan tiikhiq wanto.”
‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.
Ngi raq tsangshiq ka sheqkhu nü mung wa mitsuq wanha, kiimaq tsangshiq ka ratho hiqrai rarai wa mitsuq wanha. Makchukti thun kiimaq akü ashii kong thun tsangshiq rai miwadam, wiise nyung kong kiimaq ase chiiho nam namti thun min miwadam. Tsangshiq ka mung jonghea pinthum she mijang wan.
Jajon nü na walam tiichhikuqlaq! Jutlo ronglaq! Naq tiijai jongkiq! Tatiwe raq phiiptsi chang thenjen tiikitlo kiimaq shekhu nü mung wa henghea tiithenkaiti saühotlo.
Apaiq raq nguto: “Liilaq! shekhu nü mung maq Jü thun marai wanto, raüta jürai chhang wan raüjaq lüm wantlaq ikha milüm wan. Kra kham mawan tlaq kriiraq mung ka wiita mima wan, raüta armung na jamlai wa sitlaq kra milüm wan, Chela thun nai mungmaiqse chela na siti thun wiita mimawan. Mungmaiqse raq maaho manyi khrum jaü mihoq trang; mangjong hiq na siti maiqse wiita, pinthum riingoq rara mihoqsiq.
“Maiq ka shekhu nü mung maq kitlo, maiq mung ashi ningkun jonghea hoti luhea wa; hokhambi pahea re chap süriihotlo.
Ngi raq shekhu nü mung wa maiq mung thun ningkun aheng rümtinok kra mitiishai baiqha. Lata tsangshiq ma Bebilon mung kra mitiikhatha. Tsangshiq thun ka kongshi na pong raüta Bebilon mung ka mikhat. Raüta kra mung ka mitang. Tsangshiq ka ngam hiipti srea nola kong siisaq. Tsangshiq ka liq sreanok. Tsangshiq raq tiikhea mak phan maq ngam ka hiiptlo.
Benjamin wangti lei, maiqmii khupi jutlo ronglaq! Jerusalem wa chiim jintlo ronglaq! Tekoa hiq na redong hünong buktlo ronglaq. Kiimaq Beth-Hakherem hiq na redong wanii tu tiinyaitlo ronglaq. Shekhu nü maq mungthen wan chang nai mungbun wan chang rahai ka saü wantlo she.
Tatiwe raq nguto, “Maiq ka shekhu nü mung wa misaüho. Maiq mung ashi ningkun jonghea riimtinok kiimaq luhea na sitinok ka arkhat miitu rechap shuntlo.
Ngi raq ra nü na liikang kiimaq shekhu nü mung wa rathaiq saü wantlo chhikang. Phumda jonghea mong kiiwa rachhai raliip wa trang dongtlo chhikang. Kiimaq kra tro wa ra ka wiita ali aliim chhainyiinyii chhikang. Kra rachhai raliip raitlaq mong na, phanshi ra ka miiki ngam chhairai tlaq ikha achhai raitlo chhikang.
Ikiq khiiti iwokhong wa pong wela jahoti isenginok ma ara shiiton manphan maq chongkuqlaq. Arka Ngi, Tati Rakaü Hiqwe raq tsangshiq miitu tiije thütiikang: Mokhii ka wa na tiidalaq, laüta kham ka takshi thülaq.
Ngi raq kupchi sawa hiqkhu nü, mung maq asaü wan kra, ajoshe mirbaiq ha. Ngi raq kupchikong wiijam ka, rumnyangkhi kumtsaiphii niishe mitsuq baiq ha. Kupchi kongla ma lamsheati kong ka, Ama Khamjong chum mong niishe mitsuq baiq ha. Tsangshiq ma jai na rewatikong ka, Mediterenian Khamjong chum mitsuq baiqha. Tsang maa ka hiq ma rama minam wan. Ngi raq tsangshiq ka tiisiirai mijiipbaiq ha. Namshiq tiichamchao wantaq kha na.
Kumrang nyaq kaü nai raq hittlaq leng ka, Bebilon mung maq shekhu nü na wawanto. Kiimaq kumrang ronglü kaünai raq hittlaq leng ka shenyap mung nü na wawantlo. Kiimahali kumrang kaünai tsamrü tsamra rong raq hittlaq leng ka shemai nü mung na wawantlo chhikang.