JEREMIA 47:2 - ASII LAKDAP Bible (BSI)

² Apaiq raq nguto: “Liilaq! shekhu nü mung maq Jü thun marai wanto, raüta jürai chhang wan raüjaq lüm wantlaq ikha milüm wan. Kra kham mawan tlaq kriiraq mung ka wiita mima wan, raüta armung na jamlai wa sitlaq kra milüm wan, Chela thun nai mungmaiqse chela na siti thun wiita mimawan. Mungmaiqse raq maaho manyi khrum jaü mihoq trang; mangjong hiq na siti maiqse wiita, pinthum riingoq rara mihoqsiq.

Hawa Naga Bible 2001

² Vpiq rueq: “Lawc shuiuz! Ghaqkhux kox nuex yuix kvtenc wvnc yaq kvruex kuex yuix ruilx puingc ikhoc kaz wvnc tuex. Kvruex raq mungtan kvmuinz kvyuq httax yaq phvnx ruip saz kvmuinz, ghaqyungx htenc nuiyc kvyuq httaz jix miq htenc kvmuinz luimz gay shuex. Miq htenc rueq romc kuy tvkoc ramc wuez shuex; ghaq htauk wawc miq ruip rawx kuex thuinz tvbac laz khoar tuex.

JEREMIA 47:2 Referencias Cruzadas

Tvtsvmc 24:1

Mangjonghiq nai kiijaq ümchuwa sitlaq kriika Tatiwe rii; hiqraikhü kiimaq kriithaq na jamlai wa sitlaq kriika apaiq rii.

Tvtsvmc 50:12

“Ngi ramtsi nguraü ka namshiq jaq wa dung jaüsea ngomin rarai mak, jamto ngukla mangjonghiq nai kiijaq sitlaq phanrap ka ngi rii.

Tvtsvmc 96:11

Chochi ronglaq, hiq nai ra lei! Moktrang laq, khamjong chum lei, kiimaq ümchum mong na siti atra phan wiita lei!

Tvtsvmc 98:7

Moktrang ronglaq, khamjong chum lei, kiimaq ümchum mong na siti wiita raq mok ronglaq; shi ronglaq, hiq lei, kiimaq ümniirai siti atra phan thun raq!

ISAIA 14:31

Agi lülü hoqtrang ronglaq. Lantea khrum jaü hoqtrang ronglaq, Namshiq Philistain mung wa chela thun tlotli raq hoqtrang ronglaq! Phiip jiip ronglaq, namshiq tarü! Shekhu nü mung maq botkhulai khuk wa rathaiq saü wantlo. Kra rekong saü wan tlaq phong niika wepuq ngutiika weshi ra min ahü. Srea nolakong siisaq.

ISAIA 15:8

Mob mung hiqrai binjü na barap binrii na maiqho wa trangli she tiitaitlo. Maiqhotrang ka Eglaim chela nai Beerelim chela wiimin tiitaitlo.

ISAIA 22:1

Arka Riisham bomchong chang hiqthung Tan tsütsa. Jamlai wa trang kongchatla? Kra chelati mungmaiqse ka tsangshiq kiitelong jam wukhu thung na thungtii raüta jamlai poi wa klorattla?

ISAIA 28:17

Kra jamkhü longkaü ka tingting khapho tri raütu miraq. Kiimaq tsantsii khangriri maq jaqsham kriika khamchong shongtaq kra ra nü na tru shin chang raülo miraq.” Rathaiq nai tsakhiiqrok henghea saü raüta namshiq kamtsantsii ransea chang arot jamthun ka wiita hiq maq hutse mitsuqbaiq. Kiimaq jüchhang lüm wan raüta namshiq tiiwongchang peruk thun kra wiita mitsuqbaiq.

ISAIA 59:19

Shedong mung maq riita shenyap mung na saüli, maiqse kunli raq apaiq miishe mihai song wan. Apaiq raq ningkun jonghea riimtlaq kra chhi raüta mihai song wan. Apaiq ka jüchhang jonghea ikha misaü wan, kiimaq rathaiq henghea ikha misaü wan.

JEREMIA 1:14

Apaiq raq ngi ma nguto, “Armung na siti maiqse tlotli khuthaq na athen wan lamlu khamtak phomtlaq kriika ka shekhu nü mung kiiniiwa misaü.

JEREMIA 46:12

Maiq mung thun raq namshiq jeangaü tsütsa taito she; loweatek raq namshiq hosii trang ka taito she. Phenla weshi ka arewe thaq na tiithap raitlo, raüta tsangnai wiita hiq na riwantlo.

JEREMIA 46:13

Bebilon mung Hokhamwe Nebukadnejar raq Ejip mung khatkai kitaq akhing na, Tatiwe raq ngi ma chongto. Apaiq raq nguto,

JEREMIA 46:20

Ejip ka minsaü kaü kumchipo hea ikha, shekhu nü wa aki shemü kong raq anyiq ikha.

JEREMIA 46:24

Ejip mungti ma jea tiingaüto; tsangshiq shekhu nü mung raq khat raüta tangto. Arka Ngi, Tatiwe raq ngutiikang.”

JEREMIA 48:39

Mob mung ka tiibunbaiqto she! Hoqtrang ronglaq! Mob ma jea tiingaüto she. Apaiq ka thento she! Apaiq tro na siti maiq mung thun wiita raq apaiq ka khüphit nüphit saisitlo. Arka Ngi, Tatiwe raq toqtan tiikang.”

JEREMIA 6:22

Tatiwe raq nguto, “Maiq ka shekhu nü mung wa misaüho. Maiq mung ashi ningkun jonghea riimtinok kiimaq luhea na sitinok ka arkhat miitu rechap shuntlo.

JEREMIA 8:16

Nashiq khatkaiti renok ümchaü Dan chela niishe saüto. Nashiq raq tsangshiq kumrangkong khü thutrang ka taitiikai she. Tsangshiq kumrang kong thun kra hoqtrang raüla ramok rachhai watrang ikha na mung wiita atiikhai banban she tiikhai wantlo. Nashiq jaqtinok ka na mung ara shiithen baiqkai she saükito. Namung na jamlai phan wa sitlaq kra wiita thumthum she mitiithen baiq wan. Nashiq chela thun kiimaq kiijaq siti mungmaiqse thun thum thum she mishthen baiq wan.”

DANIEL 11:22

Jurwa apaiq kiqkhii jiiq, kriiti ka apaiq raq tiikaiqshak lambaiq wansaq li miraq. Shiikeawe Ramwe Ajong Pinthum kriimin, wiita atsea mirbaiq wan.

NAHUM 1:8

Apaiq raq ajaqti thun ka, jüchhang wa ikha, wiita tiithum tsat baiqtlo; Apaiq raq apaiq ngengti, maakhobok na tiidea baiqtlo.

1 Corinthians 10:26

Asii bomtsi na, “Ara mangjong hiq ara, kiimaq ra takiq na ümchuwa diim tlaq kriika Tatiwe rii siisaq,” nguta chongtlo.

1 Corinthians 10:28

Shatmaq maiq ashi ra raq ümniima, “Arka thatsang ngam jo,” nguta chongkuq haü jiila, ümniiriimin kra chongketi we tiima tsantsii na jamlai wa tiisat tlaq, kra miitu, ümniiraq kra ngam ka naqphaq kiq.

James 5:1

Riita, ümchaü ka namshiq chiithe laopanbi miishe chongkuq pha, tai ronglaq. Samhea tiitsang tai rong laq! Namshiq ma waqkhü kham nyang akhing she saü wan tlo!

Revelation 17:1

Kiijiishe, Shiikeawe tsankhiq winpin miishi shamti, rasetiim miishi phong wa ashi ka ngi phana ki raüta heato, “Wara, ngi raq ümniima, ümchaü ajong pinthum mephe nyung ka, ümtinkhan she wa mitiicham chao, kra tiichhi kuq pha. Kra chela ajong pinthum ka jürai pahea tho na atei.

Revelation 17:15

Kra rase raq ngi ma hali chongnongto, “Ümniiraq mephe nyung ngachang kham chhilaü kra ka maiqmung thun, maiq phong khunyaq khukhi, maiq phan thun, kiimaq maiq bom ümchuwa sitlaq thun khunyaq khukhi athung tiirai kra chhitlaü.