EJEKIEL 24:3 - ASII LAKDAP Bible (BSI)

³ Ikiq khiiti iwokhong wa pong wela jahoti isenginok ma ara shiiton manphan maq chongkuqlaq. Arka Ngi, Tati Rakaü Hiqwe raq tsangshiq miitu tiije thütiikang: Mokhii ka wa na tiidalaq, laüta kham ka takshi thülaq.

Hawa Naga Bible 2001

³ Ngaz muex tvgap gawx jix miq htenc muex ngaz, Johvlc Yehowa rueq tsuingshiq tvkoc vkhoc ngoz yaq ngoz tueq kvjaz tv-ngvlc kuex jungx kuq shuiuz: Wvr htauk kvyuq tuik kuex tvdaungc shuiuz kvyuq yuix tvmvrc shuiuz.

EJEKIEL 24:3 Referencias Cruzadas

2 HOKHVMX 4:38

Jangshi hali kra mung hamli na ram dongto. Kiimaq Elisha ka Gilgal chela na jang wanto. Apaiq raq shammibi kongshi ma shrinkerea akhing na, apaiq raq ajaqshise weshi ma tak ajong kaü ka wa na tiidalaq. Laüta tsangshiq miitu ngam nai weashaü ka takmong na pangshat maq lumlaq nguta thaüto.

Tvtsvmc 78:2

Ngi raq taksma shiiwang bomtsi michongha lata richü pat wa amao chang manphan liichum michong kuqha,

ISAIA 1:2

Tati raq nguto, “Ra nai hiq lei, Ngi raq jam lai wa chongtiikang kra taironglaq! Nosere Ngi raq atiijonglu wanha thun raq ikiq khiitlo. Raüta iwokhong wa donghotlo.

ISAIA 29:2

Kra raütiitiq Shiikeawe raq “Shiikeawe berong-wacha” ngutlaq kriishe laimiq mitiithen baiq. Kiijaq maiq ka agi asii aho anyi watrangli she miraq. Kiimaq chela tlotli ka berong-wacha ikha maiq tiijai phongli she miraq.

ISAIA 30:1

Tatiwe raq nguto: “Juda mung pengtibi ka miqto she! Jamkhano ngukla tsangshiq ka ipuk wa donghoto. Raüta Ngi raq asürii wanha kiimung thun riimak kra klotlo. Kiimaq ikiq khii raüta tsangshiq maiq mung thun rai pong raüta tongshong wanto. Raüta tsangshiq ngarai phong ka adap adap maq tiipa phongtlo.

ISAIA 30:9

Tsangshiq ka wranaiqshe Shiikeawe kiqkhii sru riitinokli. Wranaiqshe arot akiq bomchongtinok. Wranaiqshe Tatiwe raq shrin kuqtlaq kra tlea sruriitinok.

ISAIA 63:10

Shatmaq tsangshiq raq apaiq kiq khii raüta awokhong wa donghoto. Raüta apaiq asii wenyi tsan ka tiikhiqto. Kra ningkhan she Tatiwe ka tsangshiq ma wesang ralii she jato. Kra ningkhan tsangshiq ka khatto.

JEREMIA 1:13

Kiijiishe Tatiwe raq ngi ma thongshi ri hali, “Ümniiraq laihin ka jamlai wa chhitlaü?” nguta wai nongto. Ngi raq trekang, “Ngi raq khamtak kaü ashi aphom rai shekhu nü na wa na tiida raü chhitiikang. Kiimaq kra khamtak ka anü nü na tiikap wan namnam tiichhitlo.”

JEREMIA 1:14

Apaiq raq ngi ma nguto, “Armung na siti maiqse tlotli khuthaq na athen wan lamlu khamtak phomtlaq kriika ka shekhu nü mung kiiniiwa misaü.

EJEKIEL 11:11

Hamlii tak raq ngam ka tak mong wa tiiwongtlaq kiikha, ara chela raq namshiq ka tiiwong kuq mak miraq. Namshiq ka Israil mung na ümriiba na sikanlo, Ngi raq namshiq ma mo mitiihoha.

EJEKIEL 11:3

Tsangshiq raq ngutlo, ‘Nashiq raq jaqlo niili nashiq jam awak thun mihai rong i na. Ara chela ka ngam lum phaq chang hamlii tak ikha. Kiimaq nashiq ka tak mong wa ngam ikha. Shatmaq nashiq ka walü mong wa tiiwong kuqtlo.’

EJEKIEL 11:7

“Arningkhan, Ngi, Tati Rakaü Hiqwe raq ümniima ngutiitiikang. Ara chela ka ngam lum chang hamlii tak dea. Shatmaq ngam ka jamlai ngam wa? Namshiq raq ajiipbaiqhan maiq maa phong bumtlaq kra kata ngam ka! Namshiq ka ajaq silot man she. Ngi raq namshiq ka ara chela mong wa kinphai niishe midobaiqha!

EJEKIEL 12:2

“Maiqse lei, ümniika ikiq khii sruwali, nilannok rai sitlaü. Tsangshiq mak ka asi. Shatmaq tsangshiq raq jam min chhimak. Tsangni ka asi. Shatmaq tsangshiq raq jamlai min taimak. Jamkhano ngukla tsangshiq ka maiqkiq khü srutinok.

EJEKIEL 12:25

Ngi, Tatiwe raq tsangshiq ma michongkuqha. Kiimaq Ngi raq jamlai wa chongtiikang kra miku wan. Ümchaü ka tiijai mak she miraq. Namshiq ikiqkhii sruti rilung niili, Ngi raq kriithun jaqsham kra miklo wanha. Ngi raq namshiq ma jamlai jaq mishamha ngutiiwa honlam bom chongkang, kriika misham wanha dongdii. Arka ibomtsi,” nguta Tati Rakaü Hiqwe raq toqtan tiikang.

EJEKIEL 17:12

“Ara ikiqkhii srutinok ma ara uqkhiima liichum ka jamlai wa nguta awai riilaq. Tsangshiq ma chonglaq Bebilon mung hokhamwe ka Jerusalem na kito. Raüta hokhamwe nai asengi ajong alabi thun ka apaiq rai Bebilon mung na tsuq wanto.

EJEKIEL 17:2

“Maiqse lei, Israilnok ma uqkhiima bom ashi chongkuqlaq.

EJEKIEL 2:2

Kra maiqbom raq ngi ma bom chongtlaq liipan niili, Shiikeawe wenyi ka ikhum na shangto. Raüta ngi ka tiidopot tiichapto. Kiimaq ngi raq kra maiqbom chongtlaq kriiraq tiipit mak maq ngi ma akha chongto.

EJEKIEL 2:3

“Maiqse lei, Ngi raq ümniika Israilnok phana tiiki tiikang. Tsangtitiim raq ikiq khii sru wanto, raüta Ngi ngeng wanto kiikha tsangshiq riimin ikiqkhii srutlo kiimaq ümchaü min iwokhong wa dongho raüta Ngi rai riilongliiqtlo.

EJEKIEL 2:5

Kra ikiqkhii sruti raq ümbom ka taijiiq sha taimak wa riijiiq, li jiimin tsangshiq raq tsangshiq phana shammi weshi ka tiikitodea nguta misap.

EJEKIEL 2:6

“Shatmaq, ümnaq atsaikaiti maiqse ka tsangshiq ma naqhaikiq. Kiimaq tsangshiq raq jamlai wa bomtlaq kriima naq haikiq. Tsangshiq raq ümkiq ka akhii miraq kiimaq ümniika shummii shaq shaq li miraq. Kriika phangkaü phong rai sidam ikha miraq. Shatmaq tsangshiq phoq ngeng nok kra chhi laüta naqhaikiq. Kiimaq tsangshiq raq jamlai wa ngutlaq kriima naqhaikiq.

EJEKIEL 2:8

“Maiqse lei, Ngi raq ümniima jamlai bom wa chongtiikang kra tiitsang tailaq. Tsangshiq kiikha ümniika nilan ma naq jakiq. Ümnübok ka tiiki laq. Laüta Ngi raq ümniima jamlai wa kuqtiikang kra phaq laq.”

EJEKIEL 20:49

Shatmaq ngi raq atiiwin riikang, “Tati Rakaü Hiqwe lei; Ngi ma akhnok jaq ka naq tiishamkiq! Maiq wiitarü raq bot tsaü wanto, ngi raq tsangshiq ma traho bom chongke ka wranaiqshe uqkhiima bomtsi maq siisaq chongtlo nguta.”

EJEKIEL 24:6

Riita Tati Rakaü Hiqwe raq ara ngutlo: “Maiqtseati matwe chela ka miqtoshe! Arka mokhii jangshi ra min hehü chhii raq apha rat ikha. Tak mong wa ngam ka phushi shi maq tsun raüta tiisii rai, takmii she sitlaq ikha.

EJEKIEL 3:9

Ngi raq ümniika longkaü ikha phataqtaq atiimeshi maimak mitiijabaiqha, longseng ikha tsinhea mitiitsinbaiqha. Tsangshiq ikiq khiitinok kriimiika naqhaikiq.”

Mikha 2:4

Kra ümningthoi akhing saü wan raüjaq. Nanok raq ümrilung chamchao kra chong raüta, ümnaq slailii shi akha mishi nge, Nashiq thumkai she! Tatiwe raq nahiq nara nyea wanto she. Raüta najaqtinok ma likuqbaiqto she Naishiq ka maiq shumwi lishe”

Mark 12:12

Kra manphan kra tairaütiishe, Jehudinok welabi raq, Jesuq raq tsangshiq kra shiitonto ngutiishe takto. Krai mren, tsangshiq raq apaiq ka alap chang nguta tanto. Shatmaq, tsangshiq ka mungmaiqse ma ahai riito. Kriikha maq tsangshiq ka apaiq tho wa ahin niishe tiido wanto.

Luke 8:10

Kiimaq apaiq raq treto, “Shiikeawe Mungtan na apaü raüta athü kra sap miitu tak wan tsii ka namshiq miili kuqto. Maiq nanok ahinti miika, manphan miili chongkuqtlo. Kriika tsangshiq raq ümtinkhan li lii raü min, chhi mak miraq. Kiimaq tsangshiq raq ümtinkhan li tai raü min, tak mak miraq.”

Acts 7:51

Krai mren, Stephen raq tsangshiq ma, “Riita ara chongtiikai arai mren, namshiq tsantsii ka pinthum wanshakshak! Namtsantsii ka thatsang maiqse tsantsii ikha thü tlan. Shiikeawe bomchong ka tai man phan! Namtitiim pat na jamkhiiwa lanlaqlaq siwantaq, kiikha ümchaü namshiq min lanlaqlaq sitlan. Namshiq riimin Asii Wenyi bomchong ka khiilataq maq khü tlan!