Hosea 7:5 - ASII LAKDAP Bible (BSI) Hokham raq poi klo tlaq akhing na, welabi raq hokhamwe ka che maq ngeaseatlo. Raüta angok angi ma tiijatlo. Hawa Naga Bible 2001 Tsuingshiq rueq hokhvmx waz moalx raungnuiyq nuex hokhvmx waz nuiyc piq vyungx vlaungx bix muex svpiq tix maq miqyaq yaungx laz tvpawx tueq. |
Kiimaq apaiq rawüchhi ranaiq na, kriimaq ranaiq tsam sijai na, hokhamwe raq phaqsea poi jonghea kloto. Raüta apaiq sengi siihiipbi ma tiiphaq siqto. Kiimaq apaiq raq chekok tsümketiwe nai winsii lumti maiqlawe ka phaqtek mong wa tiidongto. Raüta tsangnai ka asengi siihiipbi man na tiichapto.
Hokhamwe Jeroboam raq kra ngo ka tairaüta, ajaq shi maq apaiq ka tiq shuk raüta, “Kriiwe ka lap rong laq!” nguta aming kuqto. Shatmaq maklii liipan niili hokhamwe jaq ka amaa ma jaki saq riito. Krai mren apaiq raq ajaq ka akhum na tiijang hit wanlot mak she riito.
Shiimanhea miraq jurwa abi maiqsetiim danhon lang mak, riimakla ngarai klotibi lam phan mak, riimakla Shiikeawe raq lang maktibi rai pong mak.
Tsangshiq raq ngi ka chiiheawea na riichongsiqto, kiimaq chechok tsampiiti raq imang chong raüta ashi ange maq tiihap hongto.
Maiqshaqti rai riikongti ka, maiqshaq ma mija wan. Maiqjiqti rai riikongti ka athen mirki.
Israil mungtan ka miqto she! Kra mung khushü ka cherop kong awelabi khu na hokham pepü khuphok aphok thun jung wantlaq ikha mut wanto. Tsangshiq shiikongkhiq khupo thun niika homseng tsai maq jutje. Shatmaq tsangshiq ka cherop makaiq kong bumtlo.
Ümchaü namshiq ara Jerusalem chela pengtibi ka ashkongtamli sitlan. Taironglaq. Tatiwe raq jamlaiwa chongtla.
Ümniiraq ramungtan na siti Shiikeawe shummii tlaü! Laüta apaiq Shomjam wa alam wan kok nai nüchhong winpin thun kra tlam wa laü. Laüta ümnaq nai ümsengi aki miikiimbi, ümchaktiim, kiimaq ümchakliip nyungtiim raq, kra kok thun kiijaq che tsüm nyang lanta, sumla phra kong; chaq maq alo, kampho maq alo, miiki maq alo, jin maq alo, pe maq ahai, kiimaq long maq ahai sumla phra thun; amak maq chhimak; ani maq taimak; kiimaq jamlai min sap mak thun kra tiitsam kamtlan. Shatmaq, ümtsitsü phansangketi, ümtsitsü raü shamti, ümniiraq jamlai wa klo wantlaü kra kunkun peng raüta thapthiketi Shiikeawe ka shreng maü riilaü.
Tatiwe raq ngutlo, “Mungmaiqse raq, ashut kiimung raüta tsang hokham laotlo. Luletsii chongkuq raüta welabi, lamjiq na sheahotlo.
Shatmaq Herod rawüchhi poi akhing ranaiq na, Herodias se jechakse ka poi lomdamti, maiq ajong ala mungtu shiilangbi thungtii rai tlaq kra man na wiinumto. Apaiq wiinum kra chhi raüta, Herod ka kai chochito.
Shatmaq ranaiq shi she, Herodias raq atsankhiq tiishi miitu akhing she lapto. Kriika, Herod rawüchhi poi ranaiq. Kra akhing na, Herod raq awokhong na siti, apaiq rai mung rüm damti, asengi ajong alabi, phenlabi wa ajongbi thun, kiimaq Gelili wang wa phukhu welabi thun ma, phaqsea poi jonghea ashi kloto.
Ümchaü sanha, cherop ma naq ja rongkiq she. Che riika namrilung kli mishthen baiq. Kra rii na, Asii Wenyi ma nam mongjii ka kunli tiima lantli si ronglaq.