TAKSU LAK 20:1 - ASII LAKDAP Bible (BSI)

¹ Chechok tsampii jati ka, maiq jiq angi nola; cherop jati ka maiqjiq.

Hawa Naga Bible 2001

¹ Vjuk vpawc juing paunghvlc nuingx vtueq vbomc yunghvlc maq kvjak jix kuex vngaz rvtueq. Joal muex juk pawc lvmx kuex miqyaq muex yaungc rvtueq.

TAKSU LAK 20:1 Referencias Cruzadas

2 SAMUEL 11:13

Dawit raq apaiq raji dung tiisea ma heato. Raüta apaiq ka che maq tiipheto. Shatmaq kra rawa min Uria ka tsangjam na kimak dea. Shatmaq Akheathum kaü kra sam raüta hokhamwe jam kheti kintsongtibi khok kiijiili konto.

2 SAMUEL 13:28

Raüta apaiq raq ajaqshisetiim ma bom ka akha chongkuqto, “Liirong laq, athi ümtiikiiwa Amnon ka chephe makaiq she riijiiq, kra akhing na ngi raq namshiq ma, aming kuq phala, apaiq ka tiitsailaq tsatbaiq rongliijo. Naqhai rongkiq liijo. Ara mra ka ikhu thaq na. Srea nolabi ma jarong liijo. Naqhai rongkiq lii!”

TAKSU LAK 23:20

Chechok tsampiiti rai naqnga damkiq, kiimaq shakaqti rai min, naqhai nga dam kiq.

TAKSU LAK 31:4

Tailaq Lamuel lei. Hokham riika chenyang maimak. Laohu laokhang baknyang maimak.

ISAIA 28:7

Liimanta, shammibi nai ramwebi thun kiimin chephe makaiq chhaq. Che raq chokrai raüta, akü alii watrang, rakli ropli siisaq. Tsangshiq ka chetsai nai laohu chanhea baknyang raüta chokrai kha maq, sunghü tsiihü kiimaq mangrang miira siisaq. Shammibi ka pinthum cherop kong kha maq, Shiikeawe raq riisham makchhi tiichhikuqtlaq kriimin taktsü mak she. Kiimaq ramwebi kiimin chephe makaiq siisaq kha maq, tsangshiq ma kha shokwatlaq kriimin phokuq tsümak she.

ISAIA 5:11

Namshiq ka miqlan she! Namshiq ka chuchap wanap tiidokilili lantea che baknyang tlan. Kiimahali raji niimin rawa thung na saülili ngalanta che ka baknyangsiq tlan.

ISAIA 5:22

Namshiq ka miqlan she! Chekhap nolabi lei! Laohu longkhang ka riishot lantea baknyang lam miika nolabi haihü songhü kata!

ISAIA 56:12

‘Che ka abiri nyang rong i na,’ nguta ara cherop kong raq ngutlo. ‘Laita nashiq raq atangtang bak nyang rong i na! Anap ka ümchaü ranaiq nam ma ahealin miraq!’”

Hosea 4:11

Tatiwe raq nguto, “Che riidea, che nai spiqtai bak nyang raüta, isenginok sung atsii wiita then wanto!

Hosea 7:5

Hokham raq poi klo tlaq akhing na, welabi raq hokhamwe ka che maq ngeaseatlo. Raüta angok angi ma tiijatlo.

LEWI 10:9

“Ümnaq nai ümsenai ka che nyang lanta riimakla chetho nyang lanta ngi asi Tombutiip mong na nyap wa maimak. Kra riihan jiila namshiq ka atsai mirhan. Ara thungtri ka ümsaü ümsetiim pat niimin lang wan ruq riichang.

HABAKUK 2:5

Tsiiq nai nyam tum maiq laoti, sükha maiqse rawa konhü si; wulum makho ikha hongto ngumak phan; Arkha na tsangshiq raq, mangjong hiq wa maiq mung thun, mungshi shi maq khat wan wan, mangjong hiqshong jiiwan wan, riitlo.

1 Corinthians 6:10

jurwa ahuk arot ma ja tlaq lo, juwa shakaq ma ja tlaq lo, juwa cherop ma jatlaq lo, jurwa maiq chongsiq tlaq lo, jurwa alao riitlaq ara chongtiikai akhnok maiqse ka Shiikeawe sengi ma jalot mak.

Galatians 5:21

Tsangshiq ka makshu rashe miili sitlo. Kiimaq tsangshiq raq, phra sumla shomnoq tlaq poi akhing na, pinthum chephe tsampii raüta, kuku waqshii kong ikha, riinyat shat raüta sitlo. Kiimaq, ara chong wankai thun ara niq riri hali, ahin abi pahea jaqsham thun min asi, kra sham tlo. Ngi raq namshiq ma, man niimin tsii chongkuq kang. Kiimaq ümchaü min chongkuq nong tiikang. Jurwa arthun ngarai ara tang raüta sitlaq, kriiti ka, Shiikeawe sengi ma jawan lot mak. Kiimaq, Shiikeawe mungtan na saüwan lot mak.

Ephesians 5:18

Ümchaü sanha, cherop ma naq ja rongkiq she. Che riika namrilung kli mishthen baiq. Kra rii na, Asii Wenyi ma nam mongjii ka kunli tiima lantli si ronglaq.