Mark 6:21 - ASII LAKDAP Bible (BSI)

²¹ Shatmaq ranaiq shi she, Herodias raq atsankhiq tiishi miitu akhing she lapto. Kriika, Herod rawüchhi poi ranaiq. Kra akhing na, Herod raq awokhong na siti, apaiq rai mung rüm damti, asengi ajong alabi, phenlabi wa ajongbi thun, kiimaq Gelili wang wa phukhu welabi thun ma, phaqsea poi jonghea ashi kloto.

Hawa Naga Bible 2001

²¹ Tvsuip nuex Herodia rueq piq tvkoc vkhangx vhvlx lvp tueq. Herod jawc vkhing httuiuc tueq raungnuiyq piq rueq mungx walaungx bix, nolaungx yungx bix, nuiyc Galile mungx muingc dung yaq mungx miqsaz walaungx bix lotlaz tvkoc raungyac dungc svy moalx vshiz tvhungx tueq.

Muklom

²¹ Etharin tak daqhan sey ban jio, takshey Herodias ashey lam kapta. Baluk o Herod chang saal angta, piq aa ajong miqtang etho ralkoltey tang solwa tang etho Galilee mung wang solwa tang thima taphaksa ta.

Mark 6:21 Referencias Cruzadas

RAPHA HIQWA LAK 27:41

Esau raq Jakob ka ngengto. Jamkhano ngukla awe raq Jakob ma achu shiiman kuqto. Apaiq raq akha tiimato, “Iwe maajo miitu akhing ka ajeli she saü wantlo; kiitiikiitiq ngi raq Jakob ka mitsat baiqha.”

RAPHA HIQWA LAK 40:20

Kiimaq apaiq rawüchhi ranaiq na, kriimaq ranaiq tsam sijai na, hokhamwe raq phaqsea poi jonghea kloto. Raüta apaiq sengi siihiipbi ma tiiphaq siqto. Kiimaq apaiq raq chekok tsümketiwe nai winsii lumti maiqlawe ka phaqtek mong wa tiidongto. Raüta tsangnai ka asengi siihiipbi man na tiichapto.

ESTHAR 2:18

Raütiishe, hokhamwe raq Esthar shreng ma, phaqsea poi jonghea kloto. Kiijaq asenginok ajong alabi kiimaq mung pengti thun ka tiiheato. Kiimaq apaiq mungtan tlotli na ümchaü ranaiq ahailii nguta aming kuqto. Kiimaq hokham jaqmiiq thekli kongphiq thun pheakuqto.

ESTHAR 3:7

Ahasueras raq hokham jawanli maq, wiiroqshi ri wiinai she angu rawii, rawii pha wan jipi, Nisan jipi na Haman raq, lang tiiphok raüta, aranaiq kriishe tiihongto. Ara langphok arka Purim nguta ngutlo. Krai mren, jipi lüroqshi ri lünai Adar jipi na raroqshi ri ranaiq tsam angu ranaiq na, aranaiq ka thapthito.

Hosea 7:5

Hokham raq poi klo tlaq akhing na, welabi raq hokhamwe ka che maq ngeaseatlo. Raüta angok angi ma tiijatlo.

Luke 3:1

Kra akhing ka, Roman Hokham we Tiberias raq Hokham jawan li maq, wiiroqshi ri wiibiingi she riito. Pontias Pilat ka Judia wang na Wanghupti we riito. Herod ka Gelili hong na hokham riito. Kiimaq ano Philip ka Iturea nai Trakhonitis hong lang wanti riito. Lisanias ka Abilene hong langti riito.

Acts 25:23

Kiimaq napjai ranaiq niishe Agripa nai Barnis ka hokham miirii achhai anyii maq tiimiikhiiq raüta, phentujongbi nai mung welabi raq kai anato jonghea maq ngongthun chang rung khok jonghea ashi kiina tao wanto. Kiijiishe Phestas raq Paul ka rung na tiishea wa miitu aming kuqto. Krai mren, Paul ka shea wa raüta rung na tiichapto.

1 Peter 4:3

Namshiq raq thatsang maiqse rilung ka man na, luhea asi wan kun she. Kra lea wan lan akhing na, ashe ashi rai riinyat shat, kiijoq kiicham, cherop nyiipthop, che raq chok lanta hi awaq kong ikha jechak maiqwe riitsam nyiim lanta, adam na riipo na siwan lan ihata. Kiimaq maiqphai asi chang sumla shomnoq riitsam nyiim lanta siwan lan ihata.

Revelation 11:10

Mangjong maiqse ka, ara tsangnai tsaitaq ara ningkhan kai michochi siq. Tsangshiq liipan na khoqriiq shishiiq poi miklo. Jamkhano ngukla, ara shammi anai raq mangjong maiqse ma chamchao jonghea tiisaüto.