Hosea 7:4 - ASII LAKDAP Bible (BSI)

⁴ Tsangshiq ka hokham jaqkhong na siromak. Apaiq ka jamkha moraüta, tiidea chang wa kli kiimungtlo. Tsangshiq makshu rashe tsantsii ka, winsii lumchang watum ikha, winsii mijashaq wiiwii nyaitlaq ikha nyaitlo.

Hawa Naga Bible 2001

⁴ Tsuingshiq lotlaz kuex kv-phelc kv-phuk nuiyc tvmtuing vguez hez rvtueq. Wanx shoay jix waz rueq wanx shoay tvkoc tvyoalc lot nuex httuiuc laz wvrkez kuex tvshay muq ikhoc tsuingshiq shuiuc pac thuinz kuex wvrkez mungx wawc wvr ikhoc kalx yaq.

Hosea 7:4 Referencias Cruzadas

JEREMIA 23:10

Armung ka Tatiwe wokhong na simakti maiqse riili ma-tlo; tsangshiq ka abi rilung sitlo, kiimaq tsangshiq arang ka ajiq jaqsham na langtlo. Tatiwe manson asi kha maq armung ka hoqsiqtlo, kiimaq nyamse rümchang nyiimlung ram ka shinriiqriiq shinkito.

JEREMIA 9:1

Ngi raq tiimasea kla ikhupo arka khappong chum, kiimaq imakpo wiinai ka makphai khamdü nguraüjaq ahea riichang, kra nguraü ka ranaiq rawa mihoqsiqha wa, Inok ibin jiipbaiqtaq kra miitu.

JEREMIA 9:2

Itsan mong na riiweasea kla kumtsaiphii rumnyangkhi na ngi sichang hiq bashi asi nguraüjaq ahea riichang, kiijaq inok ita makki wa alu na akihoha chang wa. Tsangshiq ka tsapkap mak pinthum, iwokhong na simak mung siiqbaiq tiikong,

Hosea 4:10

Namshiq raq Tatiwe baiqthü lan kha, ümchu phaqsiq han min, nam wok phe mak. Kiimaq namshiq raq, saü ase shiimanketi sumla noq wan lan. Shatmaq laihü nyungre miili ja wan lan, kra kha maiq ka puwan man,” nguta Tatiwe raq nguto.

Hosea 4:12

Liimanta! tsangshiq raq pepan kiima, shammi bom chong laq, nguta riibom dam tlo! teitlang chang piq kii ma, ‘Chongkuq laq’ nguta bom wai tlo! Tsangshiq raq ngi ka miimbaiqto. Raüta mephe-nyung ikha, tsangshiq sumla puk na nyap wanto.

Hosea 4:2

Tsangshiq raq kiqkhamtlo. Shatmaq tsangshiq riili diibaiq nongtlo. Tsangshiq raq arot akiq bomtlo. Kiimaq tsangshiq ka maiqtseati, ahuk jati, maiqchak rai srati, khachü thaq na khanye tiipati, mat kha ashi dong jai, khanye maq tiipati.

1 Corinthians 5:6

Namshiq phungtu na akha abi pinthum ngarai tangti sishat taü maq, namshiq shiikong rai tlan ka ajiq! Namshiq raq ara bom shiiton bomchong ara asap han ahiq na. “Ralangse pi win riili winsii da ka wiita tiija baiq tlo,” nguta chongtlo.

James 4:4

Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.