DUNGWVNC 34:17 - ASII LAKDAP Bible (BSI) “Jin maq phra sumla thun naqhai rongkiq kiimaq naq shomnoq rongkiq. Hawa Naga Bible 2001 “Tvyuimx lauz vruex maq tishox htenc kuex nauk tvhungx, nauk nawk palx kaz. |
Ümniiriika ümniima kongkhu pat na ümchu riiwa mung peng wantaq, kriiti thun wiita thaq na ngarai jonghea she klo wan laü. Ümniiraq Ngi ka no na miimbaiq laü. Laüta sumla phra thun haiwanlaü kiimaq ashomnoqchang jin ngam sumla thun tiiq wan laüta itsankhiq henghea tiinyii wan laü.
Kiimaq apaiq riika Israil mung hokhambi jaqsham kra khoti shamto. Apaiq raq jin ngam maq Baal sumla thun ka tiitiiqto.
Namshiq Ngi tiitsuq ma shomnoq wan miitu phra thun ka kampho maq riimakla chaq maq naq klo rongkiq.
“Ümnaq maiqmii miitu ramungtan na siti lo riimakla mangjong hiq na sitilo, riimakla kham mong na sitilo kra sumla thun kiiwa jamlai phan sumla li jiimin naq klokiq.
Ngi raq tsangshiq ma aming kuq lata lamphan tiichhikuq kang kriika phan mak she miimbaiqto. Tsangshiq raq chaq maq saüla pongse ashi loto, raüta kriishe shomnoq hoto. Raüta kriima honglu thun takuqto. Tsangshiq raq arka tsangshiq phra kaü, tsangshiq ka Ejip mungwa shea wanti nguta ngutlo.
Arthun ara chhi raüta, maiqse ka angikong kiimaq sunghü tsiihükong ma jakitlo. Sumla phra thun tiiqti ka tsiim jüshushu, jamto ngukla tsangshiq raq atiiq tisho thun ka arot kiimaq atsitsü ahü.
“Ngi ka naq baiqthü rongkiq. Kiimaq sumla phra thun ka naq shomnoq rongkiq. Ja ajin maq sumla thun naq lo rongkiq. Lanta tsangshiq ka naq shomnoq rongkiq. Ngi ka Tatiwe namshiq Shiikeawe.
Riita ija, nashiq ka Shiikeawe setiim she kha maq, nashiq raq Shiikeawe rong arai ka tsiimwe khiiqwe bi raq nai tiiqwebi raq, jaq maq chaq ngam wa, kampho ngam wa, kiimaq long maq sumla phra haihun tlaq kiikha sham nguta tiima ka raa mak she.
Shatmaq, lii rong laq, ümchaü arwe Paul raq, jamlai she wa riiwanta. Kra namshiq tarü raq maiqmii mak maq chhi tlan. Kiimaq maiqmii ni miishe tai tlan. Apaiq raq mungmaiqse ma, maiqse jaq maq ahaihun sumla thun kriika phra kaü ka riimak nguta traho kuqtlo. Raüta, apaiq traho bomchong lümaq, apaiq raq mungmaiqse pahea, ara Ephisia chela na sitibi mungmaiqse phong wa kiimaq Asea wang na siti mungmaiqse tsantsii ka, apaiq bomchong kra dea tengto ngutiishe trap ru wanto. Arka Ephisia na sitibi miili ka riimak, Asea wang na hamli she tiinyam wanto.
“‘Jurwa long maq, kiimaq pe maq, riimakla jin maq sumla phra ashi haitlaq, raüta ahuk se maq shomnoqtlaq, kriiti ma Shiikeawe manson minilaq. Tatiwe raq sumla noq ka saisitlo.’ “Kiimaq mung maiqse kunli raq mitre, ‘Amen!’
“‘Ümnaq maiqmii miitu ramungtan na siti jamlai phan sumla min klo raamak. Kiimaq mangjong hiq na siti sumla min klo raa mak. Kiimaq kham mong na siti sumla min klo raamak.
Apaiq raq kampho ka anyung ma jangkuqto. Kiimaq anyung raq akha nguto, “Manson ka ise thaq na nikhi kimak chang miitu, ngi raq ijaq maq sham lata ara kampho ka, Tatiwe ma sinkham lata kiinong kuq tiikang. Ara kampho armaq pe maq phra sumla ashi hairaüta kriithaq na ara kampho maq lochang miraq. Kra ningkhan ümchaü ngi raq ara kampho ka ümjaq na hali jangkuq nong tiikang.”