Ikhiijiika ümkhushü ajong maq shiikong miilong chap liina; ümngao jonglu nai ümkhushü jonglu kra ho laüta.
DUNGWVNC 28:2 - ASII LAKDAP Bible (BSI) Ümphu Aron miitu ramwe miirii thun kra klolaq. Laüta apaiq miirii ka khushü adong kiimaq athuk atsom tiihong kuqlaq. Hawa Naga Bible 2001 Mphuz Arun tvkoc ngauz ngax svp rvp hvlc khoz vkhvy shomc waz marrarc kuex tvhungx shuiuz. |
Ikhiijiika ümkhushü ajong maq shiikong miilong chap liina; ümngao jonglu nai ümkhushü jonglu kra ho laüta.
Ngi raq aramwebi ka tsangshiq raq jaqshamtlaq kunli na mishman kuqha, kiimaq asenginok ka khoqriiq shishiiq agilülü mishinge.
Ümramwetiim raq wranaiqshe tengman jaqkli misham laq; ümsenginok raq chojong chise mirüriiqlaq!
Apaiq tro ka akhushü jong nai angao heng raq nyamtlo; ningkun nai atsomwa raq apaiq Shomjam ka nyamtlo.
“Kiimaq samtong thun, wisaq samchang kheakomsetiim thun, kiimaq Aron setiim miitu khuphok thun kra tsangshiq khushü tiijong ma kiimaq tsangshiq tiisopda ma klolaq.
Kiimaq ümtiikiiwa isenginok raq rintii-honglu kuqtlaqtek na, ara awühokpe ngam nai akhuk ngam arka ramwe rii ngamrea pong na raithü raa nguta Ngi raq pattup pat-sa klaimak phan tri miishe shatthü tiikang.
ramwe Aron nai asetiim rohun tsomhea, tsangshiq raq ramwe jaqsham akhing na samtlaq akhea thun kra,
Laüta Aron ma ramwe rohun thun kra tiisam kuqlaq. Laüta akhum na asii tel ma nyat laüta ramkuqlaq. Akha klo laüta apaiq ka kiinong kuqlaq. Kra raüla apaiq raq iramwe jaq sham raüta Ngi mishkumpan milot.
Akhing ashi misaü wan, kra saü wan raüla, armung na nai pechong aweatek ka Tati raq aheawiq jonghea luhea kiimaq alüsea chang tsomhea mitiijonglu wan. Israil mungti ümchuwa re jaq song tiichongtaq kriithun ka tsangshiq raq wak shamsiqtlaq kriiwa tü atsam thun rongboq tsosiq wantlaq kra chhi raüta pinthum khoqriiq shishiiq miraq. Kiimaq maiqmii hüko phok hihi she midoqsiq. Raüta misrasiq wan.
Jerusalem lei, ningkun shoqlaq laüta thongshiri ajong ma janonglaq! Asii Shiikeawe chela lei, achhai anyii miirii tiimiikhiiq nonglaq! Thatsang maiqse ka üm kilamchong thun mong na nyapmak she miraq.
Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.
Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.
Naishiq tarü kunli ka ngarai maiqse siisaq. Naishiq raq athuk atsom pinthum jaqsham wan tiikai nguta tiima wan tiikai kriimin namtoktok ngarai namtsamli. Naishiq ngarai ka atinkhan arkha maq naishiq rilung ka pejaq jung wantlaq ikhli jungkitlo. Raüta rahai raq pan wan saqli she pan wantlo.
Mosheq raq ram ram chang tel kiiwa wiijam lamto. Kiimaq ngam tiijai berong-wacha kiiwa wiijam lamto. Raüta Aron nai asetiim dü na kiimaq tsangshiq dü na miirii samtlaq kiijaq batto. Akha klo raüta apaiq raq tsangshiq ka kiimaq tsangshiq miirii thun ka Tatiwe ma ngamrea ikha kiinong kuqto.
Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.
Shatmaq, Tati Jesuq Khristo raq akuq rekhat chang miirii, khu aliiq, chuntsi nyiimwin kiimaq ko aliq thun kriimaq tiimiikhiiq laitiishe, tiijeshat maq rekhat miitu si rong i. Kiimaq namshiq khum wa ngarai han-ngam ramho jamlai phan wa sitlaq, kriika naq dung hiq rongkiq she.
Shiikeawe raq maiqse ka, Jesuq Khristo ma kamtsantsii thü tlaq kra lümaq, apaiq rai wehea she, kechu maiqse she nguta shramtlo. Maiqse ümchu riiwa, Jesuq ma kamtsantsii thü tlaqti thun kunli ka, Shiikeawe raq apaiq rai wehea she nguta shramtlo. Jehudinok phan nai Pongnok phan maiqse liipan na, jamlai phan atiikhothiq chang min ahü she. Wiitarü adam ngarai maiqse siisaq li sitlo.
Namshiq raq, Jesuq Khristo mang na kham lam wan lan krai mren, namshiq ka, apaiq rai pumshi hanshi she tiija wanto. Krai mren, ümchaü sanha, namshiq ka, Jesuq Khristo rilung maq akhup wong wan wishe nguta chongtlo.
Shatmiitiina, nashiq raq, Jesuq ka alose miitu, rasetiim nam miimin anun ma tiijato chhikai. Kra anun ma tiijataq kriika, apaiq raq Shiikeawe kaphap mangchan wokhong maq, maiqse angu tarü miitu mitsai laq nguta atiiki. Raüta, apaiq raq maiqse miitu tsaitaq krai mren, Shiikeawe raq apaiq ka wiitarü thaq na ajong alu miishe shongto. Apaiq khushü ngao ka achhai anyii she kuqto chhi tiikai.
Riita, arningkhan, Jesuq ka nashiq miitu, Ramwe Ajong Pinthum we miishe thüto. Kiimaq, nashiq ma jamlai phan wa raa tlaq kra, apaiq raq wiita liikuq tlo. Apaiq ka Shiikeawe tiichochiti we. Apaiq khum na ashut aphit nguta jam min ahü, siirairai. Kiimaq, akhum na jamlai ngarai min ahü. Shiikeawe raq apaiq ka ngarai maiqse phong mong wa, pong na raithü wanto. Raüta ratsan ramong nyang na, tsaühea niishe tiinga wanto.
Apaiq ma Awejong, Shiikeawe raq Jesuq jonglu ka naishiq ma tiichhikuq wantaq akhing na, naishiq ka kiijaq Jesuq rai adam na asi riikai. Rakaü Hiq we Ajong Shiikeawe raq, Jesuq miitu naishiq ma akha chongkuqto, “Ahata I Se, sekhuq laqlaqse sitlaq kra. Ngi apaiq ma pinthum khoqriiq tiikang!”
Lungwii phunainotiim le, nashiq ka ümchaü Shiikeawe setiim she. Shatmaq ümchaü jamkho sitiikai, arthaq na jai miika ümtinkhan chhai nyii rilung she wa milap rong i riila, kriika ümchaü nashiq raq tak lot mai shaqli. Shatmaq nashiq raq bomtsi poshi ka asap i. Khristo ka ümtiiko saüho jiiq, kra akhing na nashiq min apaiq la apaiq she miklai rong i. Ara jamkhano akha ngutiikai ngukla, nashiq raq apaiq ka, apaiq riikhaqli jamkho sitlaq kiikhiishe michhi rong i.
Junrii nyung miika siirairai hea namrai khea miirii akekun she!” (Ara namrai khea miirii arka Shiikeawe sengi raq, asii jaqsham wantaq thun kra riito.)
Ümniiraq tsangshiq ka, Shiikeawe shiikumpan ma ramwebi mungtan ma tiija laü; kiimaq tsangshiq raq mangjong ka misiq wan,”