DUNGWVNC 40:13 - ASII LAKDAP Bible (BSI)

¹³ Laüta Aron ma ramwe rohun thun kra tiisam kuqlaq. Laüta akhum na asii tel ma nyat laüta ramkuqlaq. Akha klo laüta apaiq ka kiinong kuqlaq. Kra raüla apaiq raq iramwe jaq sham raüta Ngi mishkumpan milot.

Hawa Naga Bible 2001

¹³ Arun muex shomc waz marrarc htenc kuex tvmarc vtueq, ruimruimc puiz tix maq shvy shuiuz, kvruex kuex piq lekuy rvtueq, kvkhoc ngoz ruiux jix piq kuex shomc waz muex yaungx vtueq ngaz muex shuimx kuq lot phuex.

DUNGWVNC 40:13 Referencias Cruzadas

DUNGWVNC 28:41

Arthun rohun arka ümphu Aron ma tiisam kuqlaq. Kiimaq asetiim ma tiisam kuqlaq. Kra laütiishe tsangshiq ka shonglaq. Laüta tsangshiq dü na oliptai maq ram laüta, tsangshiq ka kiinong kuqlaq. Kra raütiq tsangshiq raq ramwebi ma ja raüta Ngi mishkumpan.

DUNGWVNC 29:7

Kra laütiishe khum na nyat chang ramkham tel kriishe akhupo na nyuklaq. Laüta apaiq ka ramtel maq nyat laüta ramwe ma shonglaq.

DUNGWVNC 40:14

Laütiishe asetiim kra shea wanlaq. Laüta samtong thun ka tsangshiq ma tiisam kuqlaq.

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

LEWI 7:35

Ara ngamrea ba thun ahata Tatiwe ma phaqsea honglu akuq kiiwa lam raüta Aron nai asetiim ka ramwebi ma shongtaq ranaiq akhing na tsangshiq rii nguta athiiq wan.

LEWI 7:36

Kra ranaiq akhing na Tatiwe raq Israilnok ma honglu na akuq kiiwa ara ngamrea ba arka ramwebi ma kuq ronglaq nguta aming kuqto. Ara thungtri ka Israilnok raq maiq pat ümchuwa siwantlaq kiijaq lang wan ruqli lang wan ratlo.

LEWI 8:13

Kra lot raütiishe Mosheq raq Aron setiim kriishe khaki na shea wanto. Raüta tsangshiq ma samtong thun kra tiisam kuqto. Kiimaq tsang chhüpii na kheabun tusetiim kra tiipaq kuqto. Kiimaq tsangshiq khu na khuphok setiim kriishe tiiphok kuqto. Raüta raülo maq tiipha shat kuqto. Arka Tatiwe raq aming kuqtaq kra phan phan kloto.

John 17:19

Kiimaq, ngi raq i khum arka tsangshiq tingkhu na, ümniima kiinong kuq tiikang. Krai mren, tsangshiq riimin, tsangshiq khum ka, ümniima kiinong kuq raüta misi laq.

John 3:34

Shiikeawe raq juwa tiikitaq kra riika, Shiikeawe bom li chongkuqtlo. Ara jamkhano chongtiikai ngukla, apaiq ma Asii Wenyi ka asho awo maq apheake kun she.

Hebrews 10:10

Shiikeawe raq Jesuq Khristo ma jamlai jaqsham wa thaütaq kra, Jesuq Khristo raq shamto. Krai mren, nashiq ngarai ka tiisii kuqto. Raüta, nashiq ka asii maiqsetiim, Shiikeawe wokhong na siwan miitu she pong na rai raüta tsea wanto. Arka, Khristo raq apaiq khum ka klang maq lakshi wa niili, pattup pat-sa miitu panthit honglu na kuqtaq kra lümaq, nashiq ara tiisii kuqto.

Hebrews 10:29

Ikhiijiika, Shiikeawe Se ka ji maq nishishi raüta saisi tlaq, kriiti ma kiiha? Shiikeawe tongshong khamchong ram chang tiijai kok, apaiq maiqmii ngarai khum ka tiisii he chang tiijai ka, apii ashi min ngu mak, shishe tlaq, kriiti ma kiiha? Tiima rong liita, akhnok maiqse miika, Shiikeawe raq ümtinkhan heng mo tiihoke chang she wa miraq!

1 John 2:20

Shatmaq namshiq riiwe kla, Khristo raq Wenyi ramkham kok maq ram raüta, namshiq jaq ka akhaqke wishe. Kiimaq Asii Wenyi raq namkhum na, Asii phumram kham maq abat wishe. Krai mren, namshiq raq tengteng bomtsi ka sap lan she.

1 John 2:27

Riita ümchaü kla, namshiq raq jamlai chapa chang min ahü she. Khristo raq apaiq Wenyi ka namshiq khum na araüke wishe. Asii Wenyi ka namshiq khum na sishat sitlaq wiiwii, maiqse raq namshiq ma shrinke rea ngo min rarai mak she. Apaiq Wenyi raq namshiq ma phanrap hon atsii ka kunkun she chongkuq tlo. Kiimaq apaiq raq namshiq ma jamlai wa shrinkuq tlaq kriika tengteng. Ajiq ka tlang kuq mak phan. Krai mren, Asii Wenyi raq namshiq ma jamlai wa chongkuq tlaq, kra lang lanta sirong laq. Lanta Khristo rai pumshi hanshi maq tiipum lanta sironglaq.